Hosea 12:11 - Iaai Bible 1901 (New Caledonia)

¹¹ E kong ut Gileada? e hnathu ödra ûnyi baû; adre me hudo je bolok hnyi Gilegala: eke, haba anyidra je taben hut me helâ me je! vetaûnyi hnyi je deny utetebelökiny ta! hnyei.

Hosea 12:11 ပူးပေါင်းရင်းမြစ်များ

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

II. Je Than 17:13

Ke so bi haba Iehova ame haimemenâ ka Isaraela, me Juda, a deny je perofeta hia, me tavat wâ hia, me ha, ka habe, Hwio thö ûnyi hnyi debun ta je gethen ae kong, ke tuö ju hnok je hna hûna, me anyik je hnanyibu, helâ me je hnanyibu hia waleji oge hûna ka lakamöbun, me kunâ köbun a deny je athnyabaik a je perofeta.

Jeremia 10:15

Odrin bi a ûnyi baû me hnân iyawo: hnyi ûen bi hwabodrin, ame he ka hiʼ ödrin.

Jeremia 10:8

Ke ödra tavat a hwakecin meno me monu hia: haba hna ûnö hnen je hnatheat wale thibi e a hnyiban utö.

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 2:28

Ke ewa je khongom waleji u je ânyâ hobi köu? Hamödrin he ka tot, a ne khanʼ ödrin he ka omeli u hnyi ûen u me vec hnyin: anyin ae ûcû ûseiny ânyâm je khong, Juda, me ânyâm je lap.

Ezekiela 17:2

Nokon at lö, ha thö hûkehmuen, me ha ûhöûcû ka lap anyin Isaraela;

Hosea 10:1

HABA Isaraela, me vine, at ame kû hlau, kʼ ame wa je wan; hoton ûganiny je wan e, e ame osehia je taben hut; hoton ûsoiny iny hnyei, adre op je veto ame tot ae hmanenang.

Hosea 10:2

Ame kia but je hnyekudra; ke walang adre me he ka owisa anyidra hulo; e ame he ka thö degecâ anyidra je taben hut, me okongoâ anyidra je veto ame tot.

Hosea 4:15

Isaraela lö, eja ke ne u je ne bi ûnyi monu, ke so u Juda ame ca he bi ka monu; ke ca he öbun Gilegala ai, ke ca he Beth-aven ai, ke ca khemanyin bi, ka habe, Kia inya Iehova.

Hosea 6:8

Gileada taun anyin tavat adre me ânyâ hulo, kʼ ame kong ut ge dra.

Hosea 8:11

Haba Eferaima ame hia but osehia je taben hut he ka ânyâ monu, anyin a wale e hu hulo gan can je taben hut.

Hosea 9:15

E hnyi Gilegala hwakecidra ae kong; anyin oge me hûkötiʼ ödra eling: ke oge me he ka obʼ ödrâ ûnyi hnyi umök uma, can anyidra ta je huliwa ae kong: oge me ca he hmetu bi ka betenge gadra; tavat ûkhin fuc je latuhödra hia.

Amosa 4:4

Ai öbun Beth-ela ai, me ânyâ monu; ke Gilegala ai, me osehia hnobun je hna hanyâûâ; ke hom anyibun je hut hnyi je hnyomakatu, ke anyibun je ke keihen a libenyitainy hwaban ta bong a kun hia;

Amosa 5:5

ke ca elâm bi hnyi Beth-ela, ke ca didro ka hnyi Gilegala, ke ca hanyâûâ Bere-seba ai: anyin e hnathu ame he Gilegala ka bâ, ke ame he ka ûnyi baû Beth-ela.

Jona 2:8

Haba tavat adre me hnyok ka ta je ûnyi ae ûnyi baû me thoi, Me adre me degec hing betenge kodra bi.

Numera 12:6

Ke e ame ha, ka habe, Löng ju hok hofuc: a ne hu perofeta unyibun, me haba Inya Iehova oge me he ka omanenö nya kâu hnyi hna omanenâ, me fuc kâu hnyi bwi.