Hosea 12:1 - Iaai Bible 1901 (New Caledonia)

¹ EFERAIMA ame an ang, me wadring hoton ang hwei: e ame osehia thoi me öba wan hnyi je bong; ke ödrin e ûhi-hinyköu me at Asuria, me hok wakaco Aigupito ai.

Hosea 12:1 ပူးပေါင်းရင်းမြစ်များ

Genese 41:6

Ke wâ bi, hwaban e, ame kû thö seven je wan hwit ae kong me meleca hnen anghwei.

II. Je Than 15:19

Ke ame o but Pula than Asuria he ka vat me hnyei; ke haba Menahema ame ham kö. Pula khaca thauzan talan sileva, me me hadruâ e he ka ohmâ dökhu unyin.

II. Man Ûlabainy Je Than. 21:11

Ke haba khaca e ame ânyâ je dok ae gorany hnyi je bucen Juda, me kunâ aten Jerusalema he ka bi ûnyi monu, me cubec at Juda.

Jobu 15:2

Hawa, ame he at ae metâ ka thu ge metâ ae ûnyi baû, Me ounöngötâ hnyekon ge ang hwei?

Salamo 78:36

Ke adre me ûtakû ge hnyimödra kâu, Ke thoi kâu ge je bohmödra.

Jeremia 2:36

Anyin a ieû u me labö ngenu monu gan me wia dem je gethen? u me he ka hmehma ge Aigupito, helâji me hnâm hna hmehma ge Asuria.

Jeremia 22:22

Adre me he ka han tavat adre me tuö halem ta je mamoe ge ang, ke ame he je oûnykûmâm ka bâ; me u me he ka hmehma me hlohlo can ânyâm ta je monu hia thithö.

Jeremia 7:15

Ke oge me he ka digic öbun ûnyi hnyi hnyimakök, helâji me hnok hna degec je liamekeiny möbun hia, je mâtrâni Eferaima hia.

Je tenge anyi Jeremi 5:6

Ohmun e hia but ham hnyam me nom ka at Aigupito, Me at Asuria, me me hnyi sekuhmun.

Ezekiela 17:10

Eke, wâ bi, eja ke ne adre ne tä, hawa ame he ka hnahic? hawa, ame ca he ka meleca, e ka kâlâ e hnen ang hwei? e ame he ka meleca hnyi dok e ame kû hnyin.

Hosea 11:12

Eferaima ame wadrö nya ge thoi, me lap anyi Isaraela ge tang iyawo: ke haba Juda e ame tiga tha musi me Khong, ke ame hnathu ka At ae Kap.

Hosea 11:9

Ke oge me ca he bi ka ohwâdâ anyik hmonyin ae gan, ke oge me ca he hmetu bi ka ohiö Eferaima: anyin a inya Khong, ke ca at bi; At ae Kap hnyi wanbâm: me oge me ca he ka delec taun.

Hosea 4:15

Isaraela lö, eja ke ne u je ne bi ûnyi monu, ke so u Juda ame ca he bi ka monu; ke ca he öbun Gilegala ai, ke ca he Beth-aven ai, ke ca khemanyin bi, ka habe, Kia inya Iehova.

Hosea 4:19

Haba ang ame hia but vhec e ge li labenyin; ke adre me he ka hmehma ge anyidra je hut.

Hosea 5:13

Ke a wâ but Eferaima anyin mok ke a wâ but Juda hnân aat, me haba Eferaima ame he Asuria ai, kʼ ame ûkhûnöng kö Jareba than; ke ca khana bi he ka omeli u, me ometo hnobun aat.

Hosea 7:1

KE oge me be ometo Isaraela, me ame manen bi thö hwakecin ae monu anyin Eferaima, me hulo anyin Samaria; anyin adre me thoi: ke ame didro tavat: venöu, ke haba deö at venöu adre me soh eû hnyou.

Hosea 7:11

Ke e ûcû Eferaima me biny ae ûnyibaû me ba hnyekon: adre me hongot ka Aigupito, me he Asuria ai.

Hosea 8:7

Anyin adre me belökâ ang, me adre me he ka meno hou: ke ba gan hwit ame kû, ke ba falawa hnyi boviny: ke a ne hu, me ame he bi je atkanyua ka utâ e.