Hosea 11:9 - Iaai Bible 1901 (New Caledonia)

⁹ Ke oge me ca he bi ka ohwâdâ anyik hmonyin ae gan, ke oge me ca he hmetu bi ka ohiö Eferaima: anyin a inya Khong, ke ca at bi; At ae Kap hnyi wanbâm: me oge me ca he ka delec taun.

Hosea 11:9 ပူးပေါင်းရင်းမြစ်များ

II. Samuela 20:10

Ke ame ca ûnykûme bi Amasa ge hele vat hnyi hnyamö Joab: ke e ame dâ hnyekon, me ame hingölö but tang tiny hnyikânâi, ke a ca kot e hmetu; ke e ame mokcu. Ke Joab me Abisai liamekeiny mē ödru me hnu Seba nöku Bikeri.

Salamo 46:5

E but Khong hnyi wanben e; kʼ ame ca he ka bwebwet: Ame ie he Khong ka hadruâ e, wale hnyi okubelit.

Salamo 78:38

Ke e at ae unöngöt ge ibetengiö, me e ame thang anyidra hulo, kʼ ame ca ohiʼ ödra bi: Eke, e ame osehia ohmeto anyin hmonyin, Ke ame ca oubâhlâ anyin wathethot.

Salamo 85:4

Khong at ame omeli ohmun lö, hwiʼ ohmun ju, Ke oumo ânyâm hmönyin kohmun,

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 31:1

EKÖLÖ gadra tavat adre me he Aigupito ai, he ka hok ûhadruo, me labageju ka ta je hors; me labageju ka ta je kariota, anyin ae se hia: me labageju ka tavat tabö hors, anyin a ödra ti hwege; ke adre me ca bwela ka Kabi Isaraela, me ca elom Iehova!

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 41:16

U me he ka ulic ödra, kʼ ame he ang ka tûâ degeci ödra, kʼ ame he hou ka ovesei ödra: ke u me he ka senyini Iehova, ke u me he ka hobâ Kabi Isaraela.

Isaia 48:9

Can iök bi, oge me he ka obecâ anyik hmonyin, ke can hna oganö nya oge me he ka hokhnyok gam, mʼ o ge me ca he ka subâ degeci u.

Isaia 5:24

Anyin a wale, helâ me bâhlân meic ame an thatûnyi, ke helâ me önying ae meleca ame ta hnyikânâi hnyi meic, helâe ame he ka bobot anyidra iwân, kʼ ame he ka sâ göranyai anyidra je vongon helâ me sesâiny kânâ: anyin adre me hna degecâ hnanyibu anyi Iehova tuhan sabaoth, me hûkotiâ hofuc hwan Kapi Isaraela.

Jeremia 26:3

Adre me ne he ka löng, me ve hmetu ûnyi hnyi dedra ta je gethen ae kong: me oge me he ka ietra ûnyi ae kong waleji oge ûnykûme he ka ânyâ kodra can ûkongon anyidra ta je huliwa.

Jeremia 30:11

Anyin a haingö Iehova, ka habe, tha inya but möu he ka omeli u; anyin oge me he ka bi obiny ka je hnyei hïa waleji oge obö u ka hnyin, ke oge me ca he ka bi obiny köu; ke oge me he ka nö u ge hna owisa, ke oge me ca he ka hnö u ke ba hwaban.

Hosea 12:1

EFERAIMA ame an ang, me wadring hoton ang hwei: e ame osehia thoi me öba wan hnyi je bong; ke ödrin e ûhi-hinyköu me at Asuria, me hok wakaco Aigupito ai.

Hosea 14:4

Oge me he ka osoâ hna digic nya gadra: anyin ame hwio gadra anyik hmonyin.

Malaki 3:6

Anyin a inya Iehova oge me ca hwio; anyin a wale, adre ca ohiʼ öbun je laku Jekob.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Deuteronomi 13:17

Ke e so ame ca he ka kece ka hnyi hnyamâm ûnyi adre ohnauhangoâ: me me he Iehova ka degec ûbâhlâiny hmönyin, kʼ ame he ka betenge gam, me hnyok köu, me osehiö u, helâ me hnen hna khemanyin ka lakâmâm;

I. Samuela 26:8

Haba Abisai ame ha kö Davita, ka habe, A hia but Khong hna ka hnyi hnyamâm iwahnaihmiony mou hnyi bong ang: awe, ö iny he ka dâoâ e ka hnyi kânâ ge ö adre ma okhaca thibi dâ, ke ame ca he ka olo.