Hosea 11:8 - Iaai Bible 1901 (New Caledonia)

⁸ Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge.

Hosea 11:8 ပူးပေါင်းရင်းမြစ်များ

Genese 14:8

Me ame he but than Sodoma, me than Gomora, me than Adema, me than Zeboim, me than Bela (wale Zoara); me adre me tet metâ he ka vat mödra hnyi Sidima hnyigöulen bucen;

II. Samuela 24:16

Ke hnyi ûen ame he angela ka lau hnyamen hon Jerusalema he ka okongoâ, me haba Jehova ame ietra kong eling, me ba ka angela at ame ohia tavat, ka habe, Soju; kât ju hnyamâm. Ke ame tot angela anyi Iehova hnyi hna huje hwit anyi Aruna at Jebusi.

I. Je Than 3:26

Haba momo hinyen wanakat ae möt ame ha ka than, anyin a e ame hnyok ka nokon, ka habe, Than lö, ham kâu wanakat ae möt, ke ca he bi ka hlingâ. Ka ame ha bi ke at, ka habe, Awe me me ca nökuk bi me ca nokom, kave luâ but.

II. Je Than 13:23

Ke haba Iehova ame betenge gadrin, me hmak gadrin, me ö drin, can anyin ûhibinyköu me Aberahama, me Isaaka, me Jekob; ke ca weny bi he ka ohiʼ ödrin, me digic ödrin bala ûnyi hnyi hnyimakan.

II. Man Ûlabainy Je Than. 36:15

Ke haba Iehova Khongon je lakamödrin, ame ûkhûnöng ködrin a deny anyin je ûthumetu, ame vesâkong me ûkhûnöng; anyin a e ame betenge ge lakeiny, me hnyaban:

Salamo 106:45

Ke e ame ûnykûme hnân hobi kodra anyin ûhikinyköu, Me ame ietra hoton ûganiny anyin betenge.

Isaia 16:11

Anyin a wale ame fuc hnyekuk helâ me kitara can Moaba, kʼ ame fuc hnyekuk can Kira-heres.

Isaia 63:15

Wâ ju ûnyi hnyi drany, me wâ ûnyi hnyi hnyabam ae kap me hmanenang; ewa wem ae hwege me hna ânyâ hnen manâm man? adre hom behânâ medien hnyekom me ânyâm betenge könya.

Jeremia 18:8

ame ne he hnyei eling wale oge me fuc gan he ka hmetu ûnyi hnyi anyidra hulo, awe, oge me he ka ietra ûnyi ae kong waleji oge ûnykûme he ka ânyâ kodra.

Jeremia 3:12

He thö me ha ta je hofuc ang hnyi ke keihen hnyi hwadro, ka habe, Hmetu ju u Isaraela, at ame labö kolu, haingö Iehova; oge me ca he ka ōʼ bun hnyi hmonyin; anyin a inya at ibetengiö, haingö Iehova; oge me ca he ka ip hmonyin nyiele balua.

Jeremia 31:20

Hawa, nokuk a oûnykûmik Eferaima? hawa, e wanakat ae kese? anyin a iny ka hia but fuc gan, oge me ti ûnykûme bala hmetu gan; anyin a wale ame fuc hnyekuk gan; e hnathu oge me he ka betenge gan, haingö Iehova.

Jeremia 42:10

Öbunʼ e ne he ka laba bala bi hnyi hnyei ang, oge me he ka up öbun goranyai, me ca hagutʼ öbun, ke oge me he ka konim öbun, me ca oc degeci öbun: anyin oge me ietra ge ûnyi ae kong oge hia but ânyâ köbun.

Jeremia 9:6

E bi, hnyabam hnyi wanben iyawo; can iyawo ödra höcö he ka wâhmakhmetu nya, haingö Iehova.

Jeremia 9:7

Anyin a wale walang hna ha hnö Iehova tuhan sabaoth, Wâ bi, oge me be ka oköiʼ ödra, me cubic ödra; anyin a ieû hmetu ke ûnyi oge me he ka ânyâ, can hluiny ik hnyei?

Je tenge anyi Jeremi 1:20

Iehova lö, wâ ju; anyin a inya oge me vec; ame bwebwet hnyekuk; Ame hwio hynekuk eû hnyik; anyin oge hia but ûkhin fuc hwege: Haba hele vat ame oba lakon e hele, ke eiö hnyin uma e hu mok.

Je tenge anyi Jeremi 3:32

Anyin a eja ke ne a ne ovecâ, e ame he hmetu ka betenge hoton ûganiny anyin betenge.

Je tenge anyi Jeremi 3:33

Anyin a e ame ca ovecâ ûnyi ge hnyok, me otengiâ lakon tavat.

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Ezekiela 6:9

Kʼ ame he tavat adre me kec möt ka ûnykûmi nya hnyi ta je hnyei adre me he ka laba hwenbâ hnyin, a inya höcö wâ hmetu je hnyekudra ae bi ûnyi monu, waleji ame hna degeci nya, me je emaködra ae bi ûnyi monu hoton anyidra je idola: ke adre me he ka hûkötiʼ ödra bi hnyi hnyimakodra bi, can je hulo waleji adre me ânyâ ge anyidra ta je ûnyi ae ikiki.

Hosea 6:4

Eferaima lö, ie ûnyi oge me he ka ânyâ köu Juda lö, ie ûnyi oge me he ka ânyâ köu anyin ae ûcû anyibu so me ûlâ hnyi hnyomakatu, ke helâ me dân hau ae logot hia.

Hosea 7:1

KE oge me be ometo Isaraela, me ame manen bi thö hwakecin ae monu anyin Eferaima, me hulo anyin Samaria; anyin adre me thoi: ke ame didro tavat: venöu, ke haba deö at venöu adre me soh eû hnyou.

Amosa 4:11

Oge hia but ohia keihen gabun helâ me hnen Khong hna ohia Sodoma me Gomora, ke öbun ûcû me uthmeic adre oc ûnyi hnyi meic: ke so bi öbun e ca hmetu könya, haingo Iehova.

Amosa 7:3

Haba Iehova ame ietra ûnyi e: Ame ca he ka hwâdâ haingo Iehova.

Amosa 7:6

Haba Iehova ame ietra ûnyi e: Ame ca he ka hwâdâ haingen Than Iehova.

Mika 5:3

Anyin a wale e ame he ka hnʼ ödra, ke ne o but ûen ame he ka hnokoâ hnen momo ame vec hnyekon: me ame he ka hmetu je kolon a je liamekeiny më ka lakon Isaraela.

Zefania 2:9

Anyin a wale, haingö Iehova tuhan sabaoth, Khongu Isaraela, ka habe, Kia inya inya a gʼ ame he Moaba ka ûcû me Sodoma, kʼ ame he lakon Amona ka ûcû me Gomora, a iny jut vhat, ke thopiny sâlt, ke ba wan nyiele balua: kʼ ame he je kolon lakeik ka sei ödra, ke ame he je kolon hnyi ik hnyei ka hwöhwabödra.

Mataio 23:37

Jerusalema, Jerusalema lö, at ame hlingâ ta je perofeta, me lûâ tavat adre me kunâ kâu! iny ibi osehia wek he ka ûkha-caköuâ lakom helâ me hinyen denakhoto ame tube lakon ge li labenyin, mʼ öbun ka höcö öbûn!

Deuteronomi 29:22

Ke ame he ka ha hnen dö a biliny, a je lakubun adre me he ka o hwaböbun, me atkanyua at ame he ka o ûheny hnyi dok ae sâkâû, ödra ka wâ je mekiny hnyei eling, me je mok a kunâ Iehova;

Deuteronomi 29:23

me haba hnyei hia me teio, me alase, me ame hiâ, kʼ adre ca belökâ, kʼ ame ca wa, ke ba hnaonying ame kû hnyin, helâ me hna ohia Sodoma, me Gomora, me Adema, me Zeboim, waleji Iehova ame ohia ge anyin hmönyin me anyin û:

Deuteronomi 32:36

Anyin ame he Iehova ka owisa lakeiny, Me ietra can lathnyabainy; E ka wâ ae ba manidrin man, Ke ba kolon, a hnyat adre ca, ke hnyat adre hna.

II. Peteru 2:6

ke ame ohnaûhangoâ li taun Sodoma me Gomora, me ohia, me wia me hnabadröu, me e ame ip hnân haten ka tavat adre me he hmetu ka ânyâ hwakecin ae kong;

Juda 1:7

Helâ me Sodoma me Gomora me je taun igigilo adre me tha hwakecidra me bi ûnyi monu, kʼ adre me hnu hoton ke je unyin bi, me adre me ip ödra hnân haten, kʼ adre me hângʼ ödra ka hnyi meic ame ca he bi ka mok.

Hna Omanenâ 11:8

Ke haba li unyidru ame mokut hnyi getheniny taun ae gan, haba ien hoton hanu, me Sodoma, me Aigupito, waleji adre osatauroâ hnyin Tuhödru.

Hna Omanenâ 18:18

me ha, ödra ka wâ thö hainy hna thong e, ka habe, Ewa taun ae ûcû me taun eang ae gan?

Owisa 10:16

Me adre me degec je khong kanyua unyidrin, me bi athnyaba kö Iehova, ke e ame tenge ge vec anyin at Isaraela.