Hosea 11:10 - Iaai Bible 1901 (New Caledonia)

¹⁰ Adre me he ka hnu hotu Iehova, hnyat adre me he ka kuku helâ me liona: anyin a e ame he ka kuku thö, me ame he ka o je wanakat ûhedra jimeû hnyi öbubuny.

Hosea 11:10 ပူးပေါင်းရင်းမြစ်များ

Jobu 37:1

HNYI ûnyi eling ame öbubuny oûnykûmik, Me utut ûnyi hnyi hnen.

Salamo 119:120

Ame öbubuny vik ge hnok hna outö u; Ke iny ot ge hnâm ta je hna owisa.

Salamo 2:11

Bi athnyaba ju kö Iehova me ot, Ke senyin dö me öbubuny.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 2:5

Lap anyi Jekob lö, ai öbun, ate me he ka vheno melam anyi Iehova.

Isaia 31:4

Anyin a walang hna ha hnö Iehova könya, ka habe, Ame fuc hnyinʼ liona me nak liona hon haniny adre me ne hawâ tavat tuö mamoe ae se hia ûcon, kʼ ame ca outen ifucidra, kʼ ame ca iyâû ge imediödra; ke helâe ame he Iehova tuhan sabaoth ka utut he ka vat hnyi hon bucen Ziona, ke hon hutiny eling.

Isaia 42:13

Ame he Iehova ka he helâ me at ae hwege; e ame he ka oâ tang hwege helâ me taben vat: e ame he ka kuku, eke, e ame he ka hongot goranyai; e ame he ka hwege hon je iwahnaihmiony mē.

Isaia 49:10

Adre me ca he ka mekihnânem me beic; ke ame ca he ka li ödra kahwa, me seûno: anyin ame he at a betenge gadra ka hum ödra, me su ödra ka hnyi an ame pupua.

Isaia 64:2

helâ me meic ame vâc je ong utö, me ame citröu köiö ge meic: he ka omanenâ iâm ka ta je iwahnaihmiony möu, me me öbubuny je hnyei hnyi hnyimâkâm!

Isaia 66:2

Anyin a haba ta je ûnyi hia ang ame ânyâ hnen hnyamok, me me e bi ta je ûnyi hia thithö e, haingö Iehova: ke walang at oge me he ka wâ, wale at ae theduoc me bewisa hanon, me öbubuny ge hok hofuc.

Isaia 66:5

Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Jeremia 2:2

He thö, hongot dö hnyi je hnyikonyen Jerusalema, ka habe, Walang hna ha hnö Iehova, ka habe, Inya oge me ûnykûmi u wale ge hwakecâm ae menyik ku tiga hlu, me ânyâm betenge waleji hnyi hnâm hna ûköcö: waleji hnyi hnâm hna he hotuk hnyi hnyebuba, hnyi hnyei adre ca belökâ.

Jeremia 25:30

Anyin a wale, u me he ka perofeta kodra ta je hofuc ang hia me ha kodra, ka habe, Ame he Iehova ka kuku ethö, me fuc goranyai ûnyi hnyi hnyaban ae kap; e ame he ka kuku ûcon haleny haginy hnahat; e ame he ka kuku ûcon aten hmeledrany hia helâ me tavat adre me ututo wan vine.

Jeremia 31:9

Adre me he ka o me tenge tot, ke oge me he ka lili ödra ge khöû: oge me he ka hum ödra ka hnyi je wagewe, hnyi gethen ae wisa, wale adre me ca he ka haû hnyin: anyin a inya ang kâmâm Isaraela, ke haba Eferaima, me, nokuk a bân.

Jeremia 33:9

Ke ame he taun ang he ka hnân ien adre senyinâ, me hnân ogânâ, me haisoâ hnyi hnyimakan ta je hnyei hia eang hmeledrany, tavat adre me he ka long ta je so hia thithö wale oge me he ka ânyâ kodra, ke adre me he ka ot me öbu-buny ge ta je so hia me ta je hnahic hia wale oge me he ka oâ kâu.

Jeremia 5:22

Hawa, öbun e ca outö nya? haingö Iehova: ke öbun e ca be ka öbubuny gak, at ame ip öny hnân hnyigöulen köiö, hoton hnanyibu ae tethmâ, mʼ adre me ca he bi ka hanyâûâ e.

Jeremia 50:4

Hnyi je bong eling me ûen e, haingö Iehova, ame he ka o je lakon Isaraela, tha ödra me je lakon Juda, adre me he ka he me tenge tot, me elom Iehova Khongudrin.

Jeremia 7:6

öbun e ne ca ovecâ atkanyua, me at a mok kamen, me safac, me ca hingâlâ bi dra ae ba hnyikongon hnyi dok ang, me ca hnu hoton ke je khong, mʼ adre me okongu öbun:

Jeremia 7:9

Hawa, öbun e he ka venöu, me ûhlingö, me bi ûnyi monu me khemanyin thoi, me leû utö ae bo so kö Baala, me hnu hoton ke je khong, wale ae ca khanʼ öbun,

Ezekiela 26:16

Haba hnyi ûen eling me ame he ka utut ta je thaniny köiö hia ûhedrin hnyi hon anyidrin ta je theron, me ip anyidrin je ûkot, me uny anyidrin ta je ûkhaû ae ve bongon bi: kʼ adre me he bi ka okhaûʼ ödra ge öbubuny; kʼ adre me he ka laba hnyi kânâ, ke adre me he ka labö öbubuny, me uthmâhmâ gam.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Joela 3:16

Ke ame he Iehova ka kuku hwege hnyi Ziona, me fuc ûnyi hnyi Jerusalema; ke ame he ka jijing drany me hmeledrany: ke haba Iehova e ame he ka hnân luabaduöng ka lakeiny, me hnabâ hobi kâu lakon Isaraela.

Amosa 1:2

Ke haingen, ka habe, Ame he Iehova ka kuku hwege hnyi Ziona, me fuc ûnyi hnyi Jerusalema; kʼ ame he bi ka tenge je hnyaban tavat tuö mamoe, kʼ ame he ka meleca ban Karemela.

Amosa 3:4

Hawa, ame he ka kuku liona hnyi hnyot, e ka ba haniny? hawa, ame he nak liona ka fuc hnyi umen bi, e ka ba ûnyi e ame hom?

Amosa 3:8

A um dö kuku liona, ie at ame ca be ka outen? a hia but Iehova fuc, ie at ame ca he bi ka perofeta?

Mika 4:5

Anyin a tavat adre me ve he hnyi ien ta je khongudrin, ke ate me he bi öta ka he hnyi iö Iehova Khonguta nyiele nyiele balua.

Habakuka 3:16

Oge me long, me ame ututut hnyekuk, Ame öbubuny li esongodik ge hwan; E amam but je jeiök, ke oge me öbubuny hnyi hnok: Mʼ oge me he ka menâ hnyi bonginy vec, Hnyi ûen e ame o but ûcon hnyei wale ame o kâu a je deo vat,

Zakaria 10:10

Ke oge me he ka ohmetu ödra ûnyi hnyi hnyei Aigupito, me ûkhacaköu ödra ûhedra Asuria; ke oge me he ka hum ödra ka hnyi hnyei Gileada me Lebanona; ke adre me ca he ka wâ dok hobi kodra.

Zakaria 10:12

Ke oge me he ka ha hwegiödra ûnyi ga Iehova; ke adre me he ka ngenu ûnyi ge ien e haingö Iehova.

Zakaria 8:7

Walang hna ha hnö Iehova tuhan sabaoth, ka habe, Wâ bi, oge me he ka omelö lakeik ûnyi hnyi hnyei e deiö, ke hnyei e jio:

Ioane 8:12

Iesu ame ha hmetu ködra, ka habe, Inya ang melaminy hmeledrany: haba at ame he ka he hotuk, e ame ca he ka he hnyi menekholom, kʼ ame he bi ka hu melaminy möt.

Ta je huliwa 24:25

Ke e ame tiga ha bongon hwakecin ae wisa ke hnyok, ke bong owisa hnyi obiny, me haba Filiki ame öbubuny, me ha, ka habe, Me he thö walang ang; ke e ka hu ûen ae ûcû me oge me he ka hawo u hmetu.

Roma 8:1

ANYIN a wale, e ba hmetu hnaûhango kodra unyin Keriso Iesu.

II. Peteru 2:10

ke nua bi tavat adre me hnu hoton weny unyin ae kong, me oûnyibâûâ musi. Tavat adre me ca ot, ke tavat hwege ânyâ wedra, adre me ca ot he ka haikongoâ ta je musi:

Hna Omanenâ 10:3

ke e ame ha hwegiâ helâ me ifucin liona: ke e ame fuc, me ame lung je hendreng a seven.