Hosea 10:5 - Iaai Bible 1901 (New Caledonia)

⁵ Ame he tavat adre me laba hnyi Samaria ka hmak hnyekudra ge je nokon kau hnyi Beth-aven; anyin ame he aten ka tenge can e, ke tavat bihut hnyin, waleji adre hobeluâ ge hmanenanginy, anyin ae hia but e.

Hosea 10:5 ပူးပေါင်းရင်းမြစ်များ

II. Je Than 10:29

Ke so bi Jehu ame ca saû ûnyi hnyi je hulö anyi Jeroboama nöku Nebata, at ame okûâ je hwakecin ae kong anyin at Isaraela, ge li nokon kau gol waleji hnyi Beth-ela, me Dana.

II. Je Than 17:16

Ke ödrin e hna degecâ je hna hûna hnö Iehova Khongudrin, me ânyâ hobi ködrin je idola adre oköiâ, a li nokon kau, me ânyâ Aseira me khudrung ka je ûnyi hia hnyi drany, me bi athnyaba kö Baala.

II. Je Than 23:5

Me e ame obâ hnyat bihut anyin je idola, wale a otilâ je than Juda he ka leû utö ae bo so hnyi je dok ae görany hnyi je taun hnyi Juda, me je dok a igigilo Jerusalema; me tavat leû utö ae bo so kö Baala, me seûno, me tehi, me je okhû, me ta je ûnyi hia hnyi drany.

II. Man Ûlabainy Je Than. 11:15

ke e bi ame ka otilâ je at bihut hobi kâu je dok ae gorany, me je got baga, me li lakon kau e ame hia but ânyâ.

II. Man Ûlabainy Je Than. 13:8

Ke walang ang öbun e ûnykûme he ka hlec dokhu dokhu Iehova unyin je laku Davita; ke öbun se hia hmonyin, ke e unyibun li nokon kau gol wale a ânyâ Jeroboama hobi köbun hnân li khong.

Isaia 46:2

Adre me he nom, kʼ adre me tha iyâû; e ca khanʼ ödra he ka hauden hok, kʼ adre me he but a gʼ adre me bâ.

Hosea 13:2

Ke walang ang adre me kong tot, kʼ adre me ânyâ je idola hobi kodra adre me okoiâ ge anyidra sileva, a je idola hoton anyidra metâ, huliwa anyin at tretrao hia: kʼ adre me ha ge je ûnyi e, ka habe, E so ame he tavat adre me he ka hudo hut ka drem je nokon kau.

Hosea 4:15

Isaraela lö, eja ke ne u je ne bi ûnyi monu, ke so u Juda ame ca he bi ka monu; ke ca he öbun Gilegala ai, ke ca he Beth-aven ai, ke ca khemanyin bi, ka habe, Kia inya Iehova.

Hosea 5:8

Tûâ thʼ öbun sofa hnyi Gibea, me trutru hnyi Rama: kuku thö hnân haten hnyi Beth-aven; e hnyi hotom Beniamina.

Hosea 9:1

ISARAELA lö, ca senyin bi me hobâ helâ me je hnyei; anyin a u je hia but bi ûnyi monu me degec Khongom, u je hok at ge hwaban hnyi je hna huje hwit hia.

Hosea 9:11

Ke haba at Eferaima, me ame he ka gâ thö anyidra hmanenang helâ me meno ame gâ: kʼ adre me ca he bi ka hnokoâ, ke erkin, ke oerkinâ.

Amosa 3:14

Anyin a hnyi bong oge me he ka bi hwaban monuiny Isaraela, me oge me he minya ka bi hwaban ka je taben hut hnyi Beth-ela, ke adre me he ka sö degecâ je baitoiny taben hut, me kolu hnyikânâi.

Zefania 1:4

Ke oge me he ka hai hnyamok ka hnyi hon at Juda, ke tavat hia adre me laba hnyi Jerusalema; ke oge me he ka subâ degecâ ûnyi hnyi dok ang je kolon Baala, ke ien tavat bihut ka je hnatheat, tha ödra me tavat bihut;

Ta je huliwa 19:27

waleling me me ca hake anyitin thibi je huliwa ame he ka ûnyi baû; ke adre me he minya ka öûnyibâûâ uma umen khong momo a Diana, ke ame he ka hia anyin hmanenang bi, wale a hmi kâu tavat Asia hia, ke hmeledrany minya.

Josua 7:2

Ke haba Josua ame kunâ ke je hnyat ûheny Jeriko Ai ai, wale ae hakekeny Beth-aven, hnyi ke keihen Beth-ela ke deiö, me ha ködra, ka habe, He thʼ öbun me ecmâkâ hnyei Me ame he je hnyat me ecmâkâ Ai.

Owisa 18:24

Ke haingen, ka habe, Öbun e hia but hom anyik je khong wale oge ânyâ, me anyik at bihut, me öbun e he, ke ieû biju könya? ke ieû e öbun e ha könya, ka habe, Ieû gam?