Hosea 10:4 - Iaai Bible 1901 (New Caledonia)

⁴ Adre me ha ta je hofuc baû, adre me khemanyin thoi hnyi hnödra hna ûhihinyköu: anyin a wale ame o but hna owisa helâ me je ûö adre me mekiny hnyi je utkânâ adre me belökâ.

Hosea 10:4 ပူးပေါင်းရင်းမြစ်များ

Isaia 5:7

Anyin a hnyei vine i Iehova tuhan sabaoth lap anyi Isaraela, ke haba tavat Juda haleny uö ae so: ke e ame elâm hna owisa, ke wâ bi hna ovecâ; kʼ ame elâm hwakecin ae wisa, ke wâ bi hwan tenge bi.

Hosea 4:2

Adre me khemanyin thibi, me thoi, me hlingâ at, me venöu, me bi ûnyi monu: kʼ adre me utut, me dra ame kâlâ dra bi.

Hosea 6:7

Ke adre hia but hanyâûâ ûhihinyköu helâ me Adamu: kʼ adre me iyawo nya eling.

Amosa 5:7

öbun tavat öbun e wia hna owisa me me helâ me khöhlöng, me khûâ hnyikânâi hwakecin ae wisa;

Amosa 6:12

Hawa, ame he ta je hors ka wadring hon kic? kʼ ame he at ka wia kânâ eling hnen ta je bolok? anyin a öbun e hia but wia hna owisa ka hnyi waada, ke wan hwakecin ae wisa ka hnyi khöhlöng:

Ta je huliwa 8:23

Anyin a oge me wâhmakhmeto a u bala but hnyin waada ae hiny, ke u hwenbâ hnyi hulo.

Roma 1:31

me tavat ae monu, me tavat adre me hanyâûâ hna ûhihinyköu, me tavat adre me ca hnyokâ je liamekeiny mödra, me tavat adre me ca betenge:

Deuteronomi 29:18

wâ e nye hu at gabun, ame ne baga, ame ne momo, ame ne lap, ame ne tribu, at ame hwio hnyekon hnyi bong ang ûnyi ga Iehova Khonguta he ka he me bi athnyabainy je khongon je hnyei eling; wâ e nye hu unyibun wân ame okûâ ûnyi hnân mekiny, ame ne ûthâ;

Deuteronomi 31:16

Ke haba Iehova ame ha kö Mose, ka habe, Wâ bi u me he ka mokut unyin lakâmâm; kʼ ame he tavat ang ka köûö me bi ûnyi monu me ke je khongon hnyei adre me he ka hnyin he ka tha laba mödra, kʼ adre me he ka hna degeci nya, me oûnyibâûâ hnok hna ûhihinyköu mödra.

Deuteronomi 31:17

Ke ame he ka ubâhlâ anyik hmönyin ködra hnyi bong eling, ke oge me he ka, hna degeci ödra, me ikhâlâ hnyimakök gadra, kʼ adre me he ka ön ödra, ke ame he ka o ködra je hulö me vec ae se; mʼ adre me he ka ha hnyi bong eling, ka habe, Hawa, ame ca o köta je hulö ang can Khong a ca tha e möta?

II. Timoteo 3:3

adre me ca betenge ge lahanödra, adre me höcö ûsoköu, tavat ûhaiö, me ca khanʼ ödra kât weny unyidra, me hwege hnyimakodra, me ca hnyok ûnyi ae so,

Heberu 12:15

ke wâ wia ju, wâ e nye hu ke at ame ca o ka hnyi ibetengiö baû anyin Khong; wâ e nye kû thö iwân ae hiny he ka oveci Öbun, me ame he ka kong ut tavat ae se hia hnen e;