Hosea 10:2 - Iaai Bible 1901 (New Caledonia)

² Ame kia but je hnyekudra; ke walang adre me he ka owisa anyidra hulo; e ame he ka thö degecâ anyidra je taben hut, me okongoâ anyidra je veto ame tot.

Hosea 10:2 ပူးပေါင်းရင်းမြစ်များ

I. Je Than 18:21

Ke haba Elia ame hakekeny ka tavat hia, me ha, ka habe, Ke ne o but kehö öbun e he ka lolo hnyi li hna ûnykûme a lo? Ame ne Khong Iehova, awe hnu thö e: ke ame ne Baala, awe hnu e bi. Ke ame ca thu kâu tavat ge hofuc a khaca.

Esodo 23:24

U ca he ka khudrung ka ta je khongundrin, me bi athnyaba ködrin, me ânyâ helâ me anyidrin huliwa: ke so bi u me he ka hagutʼ ödrin, me kot omomono anyidrin je veto ame tot.

Ta je Vejec 11:18

Ame bi huliwa iyawo hnen at ae kong: Ke haba at ame ta hwakecin ae wisa me hu hwaban ae hnathu.

Isaia 44:18

E ca khanʼ ödra, ke adre me ca wâ ûnykûme: anyin a e ame omûko je emaködra, mʼ adre me ca bwela bi; me je hnyekudra mʼ adre me ca wâhmakhmeto.

Jeremia 43:13

Ke ame he ka thö minya je veto ame tot hnyi Bethe-semes, a e hnyi hnyei Aigupito, ke e ame he ka thong degecâ je uma umen je khongon Aigupito ge meic.

Ezekiela 14:5

mʼ oge me he ka noc lap anyi Isaraela eû hnyi hnyekudra bi, anyin a ödra ûsâkâûö mönya hia ge anyidra je idola.

Hosea 12:11

E kong ut Gileada? e hnathu ödra ûnyi baû; adre me hudo je bolok hnyi Gilegala: eke, haba anyidra je taben hut me helâ me je! vetaûnyi hnyi je deny utetebelökiny ta! hnyei.

Hosea 13:16

Ame he Samaria ka hijen anyin bi hulo; anyin e ame hia but ûkhin fuc me Khongon: adre me he ka ta ge hele vat; adre me he ka sa lakudra je mendring, me kave omomo a je erkin.

Hosea 3:4

Anyin ame he lakon Isaraela ka laba thibi hnyi se hia je bong ke ba than, ke ba taben, ke ba at bihut, ke ba veto ame tot, ke iefoda ke hnatheat:

Hosea 7:8

Eferaima ame ûkhacaköu me je hnyei; Eferaima ame helâ me ong areto adre ca wia.

Levitiko 26:30

Ke oge me he ka ohia anyibun je dok ae görany, me subâ degecâ hnöbun hna theati seûnö, me khûâ degecâ je unyibun a mokcu ka hnyi hon anyibun je idola ae mok; ke oge me he ka hûköti öbun.

Mika 5:13

ke oge me he ka sö degecâ ânyâm je hnatheat me ânyâm je veto adre otilâ hnyi wanbâm; ke u me ca he hmetu ka khudrung ka huliwa anyin li hnyamâm.

Zefania 1:5

ke tavat adre me hic hon ban je uma ka ta je ûnyi hnyi drany, ke tavat adre me khemanyin ko Iehova, kʼ adre me khemanyin ge anyidrin than;

Zakaria 13:2

Ke hnyi bong eling haingö Iehova tuhan sabaoth, me oge me he ka ohia ta je ien je idola hnyi hnyei, mʼ adre me ca he hmetu ka ûnykûme ködrin: ke haba khaca oge me he ka obâ ta je perofeta me ta je hanu ae ikiki hnyi hnyei.

Mataio 6:24

E ba at ae khana be ka athnyabainy li tuhan a lo: anyin a e ame he ka hûkötiâ khaca me weny khaca; kʼ ame ne be ka kece ka khaca me hociâ khaca. E ca khanʼ öbun he ka bi athnyabainy Khong me mamona.

Luka 16:13

E ba athnyaba ae khana he ka bi athnyabainy li at: anyin a e ame he ka hociâ khaca, me hnyok ka khaca; ke ame ne he ka keci ka khaca me hukötiâ khaca. E ca khanʼ öbun he ka bi athnyabainy Khong me mamona.

Iakobo 1:8

e at ame lolo hnyok, kʼ ame okokok hnyi deny ta je gethen hia thithö.

Iakobo 4:4

Öbun tavat bi ûnyi monu, hana, e ca khanʼ öbun a iwahnaihmiony me Khong he ka hanen hmeledrany? Anyin a wale haba at ame behe ka hanen hmeledrany me wale iwahnaihmiony me Khong.

I. Ioane 2:15

Ca he öbun ka hnyokâ hmeledrany, me ta je ûnyi eang hmeledrany. A ne ke at ame hnyokâ hmeledrany, me ba bi hnyok ka Kamen eû hnyi hnyekon.

I. Samuela 5:4

Ke ödrin e tot hmetu nyi hnyomakatu, me wâ bi, a ta but hnyikânâi Dagona cicö tang tangö Iehova; ke haba bö Dagona, me li hnyamen ame mokut hnyi hwanuma a mou but, ke e bi unyi Dagona thiju.