Hosea 10:14 - Iaai Bible 1901 (New Caledonia)

¹⁴ Anyin a wale ame he ka o imonumonuny unyin em hnyei, kʼ adre me he ka ohia hnâm je hnabâ hia, helâ me hnö Salemana hna ohia Beth-arebela hnyi ûen vat: waleji adre me sa je wanakat me lahinyödrin.

Hosea 10:14 ပူးပေါင်းရင်းမြစ်များ

Genese 32:11

Ö u, omeli nya ûnyi hnyi hnyamen tuhök Esau: anyin oge me outen e, wâ e nye o but ka kuc nya, tha inya me ta momo me lakudrin.

II. Je Than 17:16

Ke ödrin e hna degecâ je hna hûna hnö Iehova Khongudrin, me ânyâ hobi ködrin je idola adre oköiâ, a li nokon kau, me ânyâ Aseira me khudrung ka je ûnyi hia hnyi drany, me bi athnyaba kö Baala.

II. Je Than 17:3

Ke ame o kâu vat ga Salemanesa than Asuria; ke haba Hosea ame bi athnyaba kâu, me ham kâu je bwihlany.

II. Je Than 18:33

Hawa, e hu hna omelö tavat ge je khongon je hnyei ûnyi hnyi hnyamen than Asuria?

Isaia 17:3

Ke ame he ka hia hnabâ hnyi Eferaima, me dokhu hnyi Damaseko, me je kolon hayi Suria; kʼ adre me he ka helâ me hmanenanginy lakon Isaraela, haingö Iehova tuhan sabaoth.

Isaia 33:14

Ame ot hnyi Ziona tavat ae kong; kʼ ame o but öbubuny ka tavat adre me ca ot bi. Ie at gata ae khana he ka laba hnyi meic ame han? ie at gata ae khana he ka laba hnyi bâhlân meic nyiele balua?

Jeremia 13:14

Ke oge me he ka öûsetuödraköu ödra, a je kamen me lakon, haingö Iehova: oge me ca he ka menyik, me hokhnyok, me betenge, ke oge me he ka ohiʼ ödra.

Jeremia 48:41

Adre hûgûnâ Kerioth, ke ame hom uthmâhmâ je hnabâ, ke hnyi bong eling ame he hnyekon tavat hwege hnyi Moaba ka helâ me hnyekon momo ame he ka hnokoâ.

Hosea 10:15

Kʼ ame he Beth-ela ka ânyâ helâe köbun can hwakecibun ae kong: ke adre me he ka subâ degecâ than Isaraela hnyi hnyomakatu kong.

Hosea 13:16

Ame he Samaria ka hijen anyin bi hulo; anyin e ame hia but ûkhin fuc me Khongon: adre me he ka ta ge hele vat; adre me he ka sa lakudra je mendring, me kave omomo a je erkin.

Amosa 3:14

Anyin a hnyi bong oge me he ka bi hwaban monuiny Isaraela, me oge me he minya ka bi hwaban ka je taben hut hnyi Beth-ela, ke adre me he ka sö degecâ je baitoiny taben hut, me kolu hnyikânâi.

Amosa 3:8

A um dö kuku liona, ie at ame ca be ka outen? a hia but Iehova fuc, ie at ame ca he bi ka perofeta?

Amosa 9:5

Anyin a haba Than Iehova tuhan sabaoth, wale thibi e at ame kâlâ hnyei, me ame köiö but, ke amo he tavat hia adre me labâ e ka tenge; ke e ame he ka khibi hia helâ me Wagewe; kʼ ame he ka dit hmetu helâ me Wageweiny Aigupito;

Mika 5:11

ke oge me he ka subâ degecâ je taun hnyi em hnyei, me hagutâ ânyâm je hnabâ hia:

Nahuma 3:10

Ke so bi adre hom e, e ame he but ka hnyi hwenbâ: ke adre me sa lakudra je mendreng hnyi ta je hna saû hia gethen: ke adre me ugleköbâ anyidra tavat ae ûnyi hnathu, ke adre me ca tavat ae beönua unyidra ge je tö fao.

Nahuma 3:12

Ame he ânyâm je hnabâ ka helâ me imetâ ae hu wan a bân: adre ne jijingâ me ame he ka kolu je wan ka hnyi hnyimen at ame he ka ijem.

Habakuka 1:10

Eke, e ame hluma je than, ke taben ûhiö kâu je taben: e ame hluma je hnabâ hia; anyin a e ame okhibö goranyai kânâ me hûgûnâ.