Hosea 10:13 - Iaai Bible 1901 (New Caledonia)

¹³ Öbun e hia but belökâ hwakecin ae kong, me meno hulö; öbun e hia but an waniny thoi: anyin a u je labageju ka hnyi dem gethen, me ânyâm tavat hwege ae se hia.

Hosea 10:13 ပူးပေါင်းရင်းမြစ်များ

Jobu 4:8

Wânök, a gʼ ame he tavat adre me belökâ ûnyi ae kong, Me ta ûokonguny, he ka hnyi meno e.

Salamo 33:16

E ba than ame möt ge utbavat ae gan hmâ: Ame ca möt at ae hwege ge tang hwege ae gan.

Salamo 52:7

Wâ ju at ame ca oûnyihnatho bi Khong me me hnabâ bi kâu; Kʼ ame gejoâ ûganiny tang omjehen, Me ohwegiâ e bi hnyi anyin hulo.

Salamo 62:10

Ca geju bi ka hwakecin sedâ, Ke ca hobelöu bi ka hnyi hwakecin venöu: E ka osehia tot omejeû, ca hnyok kâu.

Ta je Vejec 1:31

Anyin a wale adre me be ka an wan hwakecidra bi, Kʼ ame he ka sekudra hnen anyidra bi bihihwakecin.

Ta je Vejec 12:19

Haba esongot ae hnathu, me ame he ka tethmâ nyiele balua: Ke helâ me hna thuthubademak bohmen ae thoi.

Ta je Vejec 13:2

Ame he at ka an so ûnyi hnyi wan hnyimen: Kʼ ame he tavat iyawö ka an ûokonguny.

Ta je Vejec 19:5

Ame ca he ka ba hwaban ka at ame sit hofuc thoi: Kʼ ame ca he bi ka so at ame ha thoi.

Ta je Vejec 22:8

Haba at ame tā hulo, me ame he ka meno vec: Kʼ ame he ka hia uciny anyin wathethot.

At Khet 9:11

Oge me hmetu me wâ hmelen seûno, a gʼ ame ca bân ka o at ae hâhâ can, ke haba khaca ame ca ton bi at ae hwege, ke haba khaca e ca tren jeû at ae metâ, ke haba khaca ame ca o je omjeû ka at ame wâhmakhmeto, ke betenge baû, ka at ame huliwa tremang; ke haba ûen, me ûnyi ame o monu, ame o kodra hia.

Isaia 17:11

hnyi bong u je tā hnyin u je si haginy, ke hnyi hnyomakatu u je ovhöngâ ânyâm je hatong: ke ame he ka ba menu hnyi bonginy hlöuhlöu me vec ae gan hmâ.

Hosea 11:12

Eferaima ame wadrö nya ge thoi, me lap anyi Isaraela ge tang iyawo: ke haba Juda e ame tiga tha musi me Khong, ke ame hnathu ka At ae Kap.

Hosea 4:2

Adre me khemanyin thibi, me thoi, me hlingâ at, me venöu, me bi ûnyi monu: kʼ adre me utut, me dra ame kâlâ dra bi.

Hosea 4:8

Adre me ha Ö ʼdra bi ge hulo anyin lakeik, me behnyokâ hwakecidra ae kong.

Hosea 7:3

Adre me osenyinâ than ge anyidra bi monu, me je taben hnen anyidra je thoi.

Hosea 8:7

Anyin adre me belökâ ang, me adre me he ka meno hou: ke ba gan hwit ame kû, ke ba falawa hnyi boviny: ke a ne hu, me ame he bi je atkanyua ka utâ e.

I. Samuela 24:14

A o but tuhan Isaraela kö ia? ie at u me hnu hoton? ame ne kuli ae mok, ame ne outo ame fifica.