Hosea 10:10 - Iaai Bible 1901 (New Caledonia)

¹⁰ Iny ka wek oge me be ka bi hwaban kodra; ke ame he je hnyei ka ûkhacaköu ûcûdra, ödra ka cʼ ödra can anyidra li monu.

Hosea 10:10 ပူးပေါင်းရင်းမြစ်များ

I. Je Than 12:28

Me than ame ûhnenamö, me ânyâ li nokon kau gol; ke e ame ha ködrin, ha habe, E hmak köbun he ka he Jerusalema ai; Isaraela lö, wâ ju ang li khongom, a li at ödre hum u ûnyi hnyi hnyei Aigupito.

Jobu 39:10

E khanö u he ka ca bolokiny hnyot ge wen hnyi hna belök? Me ame he ka tha seû tilâ kânâ möu?

Isaia 1:24

Anyin a wale ame ha Than, Iehova tuhan sabaoth, Maniny Isaraela, ka habe, Awe, oge me he ka omeno nya ge tavat hûkötiö nya, oge me he ka bi hwaban ka je iwahnaihmiony mönya;

Jeremia 15:6

Haingö Iehova, ka habe, U je hia but hna degeci nya, ke u je hmetuhmetu: anyin a wale oge hia but hai hnyamok gam, me ohiö u; oge sënyin dut ge ietra.

Jeremia 16:16

Wâ bi, oge me ho ka hawâ tavat thut ae se hia, haingö Iehova, mʼ adre me he ka nuc ödra; ke hwaban e, oge me he ka hawâ tavat hnu meno ae se hia, ke adre me he ka hnu ödra ûnyi hnyi je bucen hia, me je hut hia, me ûnyi hnyi je hmakaniny je kic.

Jeremia 21:4

Walang hna ha hnö Iehova Khongu Isaraela, ka habe, Wâ bi, oge me he ka ohavâ je omjehen vat ae hnyi je hnyamöbun, waleji ge hnobun hna vat me than Babulona, me at Kaledaia, tavat adre me igigili öbun hoton hna up veto, ke oge me he ka ûkhacaköu ödra hnyi wanben taun ang.

Ezekiela 16:37

anyin a wale, wâ bi, oge me he ka ûkhacaköu je lawem hia, waleji u je ûsenyinköu mödra, me tavat hia waleji u je wem, tha ödra me tavat hia waleji u je hûkotiâ; oge me he ka ûkhacaköu ödrin ûcom igigilo, me omanenâ unyâm kodra, mʼ adre me he ka wâ unyâm hia.

Ezekiela 16:42

Helâe oge me he ka bi obiny anyik hmönyin köu, ke ame he ka hwio gam hnok hna ciâ, ke oge me he ka menâ, ke oge me ca he hmetu ka hmönyin.

Ezekiela 23:46

Anyin a walang hna ha hnen Than Iehova, ka habe, Oge me he ka oû ködru deö at, me hna he ka oveci ödru me söh.

Ezekiela 23:9

Anyin a wale oge me hna e ka hnyi hnyamen ta je laweny, ka hnyi hnyamen at Asuria, waleji e ame betenge gan.

Ezekiela 5:13

Ame he ka hwâdâ helâe anyik hmonyin, ke oge me heʼ ka osekunâ hudra anyik wathethot, me inye menâ thö: ke ame he ka khanʼ ödra a inya Iehova oge me fuc hnyi anyik ciâ, iny ka hia but ohwâdâ anyik wathethot hudra.

Hosea 10:9

Isaraela lö, u je hia but ânyâ hulö hwân hnyi je bong bongu Gibea: adre me tot eling, me me ca he ka khöû ödra hnyi Gibea hnen vat me lakon hulö.

Hosea 4:19

Haba ang ame hia but vhec e ge li labenyin; ke adre me he ka hmehma ge anyidra je hut.

Hosea 4:9

Kʼ ame he bi ka khaca bongon tavat me at bihut: ke oge me he ka bi hwaban kodra hoton dedra je gethen, me bi hwaban kodra hoton anyidra je huliwa.

Hosea 8:1

IP ju trutru hnyi hnyimâm. E ame he ûcon lap anyi Iehova helâ me aeto: anyin adre hia but hanyâûâ anyik ûhihiny-köu, me khikhin ge anyik hnanyibu.

Hosea 8:10

Eke, eja ke ne adre ne hok ge hwaban unyin je hnyei, oge me he walang ang ka ûkhacaköu ödra; ke ödrin e hwân he ka ûhnyûkong tot can hok ge thaniny je taben.

Mataio 22:7

Me ame hmonyin bi than, kʼ ame kunâ anyin je utbavat, me ohia tavat ûhlingö eling, me thong degecâ anyidra taun.

Deuteronomi 28:63

Ke wâ bi, helâji me Iehova ame senyin köbun he ka osoi öbun, me osehiʼ öbun, me helâe e ame he ka senyin köbun he ka ohiʼ öbun, me oumi öbun; ke adre me he ka oc degeci öbun ûnyi hnyi hnyei u me he ka hnyin mʼ u me hu.