Hosea 1:7 - Iaai Bible 1901 (New Caledonia)

⁷ Ke so bi, oge me he ka betenge ge lap anyi Juda me omeli ödra a deny Iehova Khongudrin, ke oge me he ka omeli ödra ge cefana, me hele vat, me vat, me je hors, me tavat tabô hors.

Hosea 1:7 ပူးပေါင်းရင်းမြစ်များ

II. Je Than 19:29

Ke walang haten köu: a öbun e he ka han ûnyi ame ku hwege hnyi huna ang, ke haba hnyi huna a loiny ûnyi ame ku hwege minya hwaban; ke haba hnyi huna a kuniny öbun e he ka belök, me menu, me ta ta je hnyei vine me ijem wan.

II. Je Than 19:34

Anyin oge me he ka Bong taun ang he ka omelö e, gak bi, me ga Davita athnyabaik.

II. Je Than 19:35

Ke haba hnyi lit eling ame he but angela anyi Iehova me kot tavat a wan haded ke eite faiv thauzan hnyi hna hunuma anyin at Asuria: ke ame vesâ tavat hnyi hnyomakatu, me wâ bi, ödrin je komok a mokcu hia.

II. Je Than 6:18

Ke ödrin e o but kâu, me haba Elisaia ame hic kö Iehova, me ha, ka habe, Ö u owadruâ but hnyat ang. Me e ame owadruʼ ödrin helâ me hna ha ga Elisaia.

Salamo 33:16

E ba than ame möt ge utbavat ae gan hmâ: Ame ca möt at ae hwege ge tang hwege ae gan.

Salamo 44:7

Ke u je hia but omeli ohmun ûnyi ge je iwahnaihmiony möhmun, Me ohmehma tavat adre me hûköti ohmun.

Esodo 14:13

Ke haba Mose ame ha ka tavat, ka habe, Ca ot, tot ju, me wâ ûhomeli anyi Iehova, wale ame he ka ânyâ hobi köbun hnyi bong ang: anyin a haba at Aigupito öbun e wâ hnyi bong ang, me öbun e ca he ka wâ hmetu nyiele balua.

Esodo 14:30

Helâng Iehova ame omelö at Isaraela hnyi bong eling ûnyi hnyi hnyamen at Aigupito; ke haba at Isaraela adre me wâ at Aigupito a mokcu hnyi hobat köiö.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Jeremia 25:5

Haingodra, ka habe, Ve hmetu ju öbun ûnyi hnyi debun ta je gethen ae kong, me ûkonginy anyibun ta je huliwa, me öbun e he ka labā hnyei a ham köbun Iehova, me lakamöbun kâû ehac, ke ne o but nyiele balua:

Jeremia 25:6

ke ca hnu hoton ke je khong he ka bi athnyaba ködrin, me khudrung ködrin, ke ca he bi ka ohmönyini nya ge ta je huliwa anyin je hnyamöbun; ke oge me ca he ka okongu öbun.

Jeremia 33:26

awe, oge me he ka hna degecâ je mâtrâni Jekob, me Davita athnyabaik, mʼ oge me ca he ka hom unyin je mâtrâniny hnân muso je mâtrâni Aberahama, me Isaaka, me Jekob: anyin oge me he ka ohmetu ödra ûhedra hnyi hna bâ, me betenge gadra.

Hosea 1:8

Ke ame hia but momo hnebaio Lo-ruama, me e ame erkin hmetu me hnokoâ da.

Hosea 11:12

Eferaima ame wadrö nya ge thoi, me lap anyi Isaraela ge tang iyawo: ke haba Juda e ame tiga tha musi me Khong, ke ame hnathu ka At ae Kap.

Zakaria 4:6

Me e ame thu me ha könya, ka habe, Walang hna ha hnö Iehova kö Zerubabela, ka habe, Ca ûnyi ge man, ke ca ûnyi ge tang hwege, ke so bi ûnyi ge hanûk, haingö Iehova tuhan sabaoth.

I. Samuela 17:47

me me he minya ûkhacaköu eang ka wâhmakhmeto a Iehova ame ca ûhomeli ge hele vat me ö: anyin a haba vat anyi Iehova, me e ame he ka hnʼ öbun ka hnyi hnyamöhmun.