Hosea 1:4 - Iaai Bible 1901 (New Caledonia)

⁴ Ke haba Iehova ame ha kâu, ka habe, Hwenyi ien do, ka habe, Jezerela; ke haba me okhaca me oge me he bi nya ka bi hwaban drö Jezerela ka lap anyi Jehu, ke oge me he ka bi obiny dokhu dokon lap anyi Isaraela.

Hosea 1:4 ပူးပေါင်းရင်းမြစ်များ

II. Je Than 10:1

KE sevente je laku Ahaba hnyi Samaria. Ke haba Jehu ame sihnalimen je tusi me ûkhûnöng Samaria ai ka je than Jezerela, wale wahingat, me ka tavat hat je laku Ahaba, ka habe,

II. Je Than 10:17

Ke ame o hnyi Samaria, me e ame kot hia je kolon lap anyi Ahaba hnyi Samaria, ke ne o but e ame ohia, hoton hofuc ho Iehova, waleji e ame ha ko Elia.

II. Je Than 15:29

Ke haba hnyi je bong bongu Peka than Isaraela ame o but Tigelathe-pilesera than Asuria, me hûgûnâ Ijon, me Abela-bethemaka, me Janoa, me Kadesi, me Hazora, me Gileada, me Galilaia, hnyei hia Nafatali; me e ame hum ödrin hia a je hwenbâ Asuria ai.

II. Je Than 15:8

Ke haba hnyi huna a thote eit anyi Azaria than Juda, me ame than dut Zakaria nöku Jeroboama hon Isaraela hnyi Samaria hnyi siks je tehi.

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Isaia 8:3

Ke oge me he but ka perofeta momo; ke e ame erkin me hnokoâ da. Haba Iehova ame ha könya, ka habe, Hwenyi ien ju Mahera-salala-hasa-baza.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Jeremia 20:3

Ke haba nyi Pasur ame hum Jeremia ûnyi hnyi utö adre ce at hnyin. Me Jeremia ame ha kâu, ka habe, Ame ca he Iehova ka ha hmetu iâm me Pasur, ke jia bi a Magora-misabibi.

Jeremia 23:2

Anyin a wale walang hna ha hnö Iehova Khongu Isaraela ge tavat tuö mamoe tavat adre me tuö lakeik, ka habe, Öbun e hia but oveseâ halek je mamoe, me obʼ ödra, me ca senʼ ödra; wâ bi, oge me he ka bi hwaban ûkongon anyibun ta je huliwa, haingö Iehova.

Jeremia 3:8

Ke oge me wâ but, anyin a hnyi hna bi ûnyi monu hnö Isaraela, at ame labö kolu, me oge me degec e, me ham kâu tusiny thang hna faipoipo, ke so bi, ame ca ot bi Juda at iyawo a liamekeiny më; ke e ame he minya bi, me bi ûnyi monu.

Ezekiela 23:10

Kʼ adre me hai fetriny: kʼ adre me hom lakon obaga me wahlu, kʼ adre me hlingâ e bi ge hele vat: ke haba momo, me taben ûhiö unyin omomo: anyin adre me bi hwaban kâu.

Ezekiela 23:31

U je hia but vheno gethen deny tuhâm; anyin a wale oge me he ka ham anyin kaia ka hnyi hnyamâm.

Hosea 1:6

Ke e ame erkin hmetu me nokoâ in. Ke haingo Iehova kâu, ka habe, Hwenyi ien dö e, ka habe, Lo-ruama: anyin oge me ca he hmetu ka betenge ge lap anyi Isaraela, wale he ka thang degeci ödra.

Hosea 1:9

Ke haingö Iehova, ka habe, Hwenyi ien dö, me Lo-ami; anyin a ca lakeik ut öbun, me oge me ca he bi nya ka Khongubun.

Hosea 2:13

Ke oge me he ka bi hwaban kâu je bong bonginy je Baala, wale e ame leû uto ae bo so hnyin ködrin; ke e ame theibâ e ge je theibeny hnyikonyen me je ohmanenanginy, me hnu hoton je laweny, kʼ ame hnying nya bi, haingö Iehova.

Hosea 2:22

ke ame he hmeledrany ka thu hmetu ka hwit, me waina me wakaco; ke ödrin e he ka thu kö Jezerela.

Hosea 9:17

Ame he bi Khonguk ka hota degeci ödra, anyin adre me ca long kâu: me adre me he ka he baû hnyi wanben ta je hnyei.

Amosa 9:8

Wâ bi, e bi li emakan Than Iehova hon dokhu ao kong, ke oge me he ka ohia e ûnyi hnyi hon kânâ; ke so bi oge me ca he ka ti ohia hia lap anyi Jekob, haingo Iehova.

Mataio 1:21

Ke e ame he ka hnokoâ da, ke u me he ka hwenyi ien Iesu; anyin a e at ame he ka omelö lakeiny ûnyi hnyi anyidra ta je hulö.

Luka 1:13

Ke haingen angela ame ha kâu, ka habe, Zakaria lö, ca ot: anyin adre me löng hijâm hic, me ame he âiâm Elisabeth ka hnokoâ nokom, ke u me he ka hwenyi ien Ioane.

Luka 1:31

Ke wâ bi, u me he ka erkin, me hnokoâ da, me u me he ka hwenyi ien Iesu.

Luka 1:63

Ke e ame sumâtâ taben sihnalimen, kʼ ame sihnalimen, ka habe, Ien Ioane. Haba ödra hia adre me lâiâ.

Ioane 1:42

Ke e ame hom e kö Iesu. Haba Iesu ame wâ e, ke haingen, ka habe, U Simona a nöku Iona: adre me he ka hwenyi u, me Kefa, (bongon, Peteru).

Josua 19:18

Ke haba hnyigöulödrin, me, Jezerela, me Kesulath, me Sunema;