Hosea 1:2 - Iaai Bible 1901 (New Caledonia)

² Hnyi ûen Iehova ame bân ka fuc kö Hosea, me haingö Iehova kö Hosea, ka habe, He thö ka hok momo hnyi gethen ke lakon gethen: anyin ae gan hmâ bi ûuyi monu ge tavat, a gʼ adre me digic Iehova.

Hosea 1:2 ပူးပေါင်းရင်းမြစ်များ

II. Man Ûlabainy Je Than. 21:13

ke u je vheno gethen deny je than Isaraela obiûnyimono at Juda me aten Jerusalema, helâ me hnâ ânyâ ge lap anyi Ahaba; ke haba khaca u je hia but hlingâ je liamekeiny möu wale lap anyin kâmâm, tavat ae so hom;

Salamo 106:39

Waleling mʼ ödra kong bi ûnyi ge anyi dra ta je huliwa, Me bi ûnyi monu ge hnödra hna ânyâ.

Salamo 73:27

Anyin a wâ bi, ame he ka hia but tavat adre me ûsâkâûö möu; U je hia but ohiʼ ödra hia adre me bi ûnyi monu digic u,

Jeremia 2:13

Anyin a lo li monu a ânyâ lakeik; a gʼ adre hia but hna degeci nya köiöiny möt ame pupua, me thö hobi kodra bi je an, a je an ae hmouca, ame ca hom behânâ köiö.

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 2:23

U ma kâmâu he ka ha, ka habe, Iny ca monu, kʼ oge me ca hnu hoton ta je Baala? wâ ju dem gethen hnyi hnyigöulen bucen, khanö u thö hnâm hna ânyâ: u nak kamela ame he logot, ame he monu hnyi dem gethen:

Jeremia 3:9

Ke can ame hâhâ kâu he ka bi ûnyi monu, me ame ikiki but hnyei, ke e ame bi ûnyi monu me je veto, me hnyiban je utö.

Ezekiela 6:9

Kʼ ame he tavat adre me kec möt ka ûnykûmi nya hnyi ta je hnyei adre me he ka laba hwenbâ hnyin, a inya höcö wâ hmetu je hnyekudra ae bi ûnyi monu, waleji ame hna degeci nya, me je emaködra ae bi ûnyi monu hoton anyidra je idola: ke adre me he ka hûkötiʼ ödra bi hnyi hnyimakodra bi, can je hulo waleji adre me ânyâ ge anyidra ta je ûnyi ae ikiki.

Hosea 2:7

Ke e ame he ka hnu hoton laweny, ke e ame ca he ka khaletʼ ödrin; ke e ame he ka elom ödrin, ke ame ca he bi ka wâ: me e ame he ka ha, ka habe, Oge me he ka hmetu ka öiök a bân; anyin ae so könya ehac, ke kong walang ang.

Hosea 3:1

KE Iehova ame ha könya, ka habe, He hmetu thö ka betenge ge momo at ame betenge gan waeny ke momo ame venöu, helâ me betenge anyi Iehova ka lakon Isaraela, tavat adre me hnyimakan ka je khong, ke wedra je hmata a wan vine.

Hosea 5:3

Oge me ō Eferaima but, ke ca iyong bi Isaraela könya: unyin a walang ang, u Eferaima, u je hia but bi ûnyi monu, ke kong ut Isaraela.

Mareko 1:1

WALANG hwâniny ûthumetu ae so anyi Iesu Keriso, a Nokon Khong.

Deuteronomi 31:16

Ke haba Iehova ame ha kö Mose, ka habe, Wâ bi u me he ka mokut unyin lakâmâm; kʼ ame he tavat ang ka köûö me bi ûnyi monu me ke je khongon hnyei adre me he ka hnyin he ka tha laba mödra, kʼ adre me he ka hna degeci nya, me oûnyibâûâ hnok hna ûhihinyköu mödra.

II. Peteru 2:14

a unöngötö je emaködra ge bi ûnyi monu, ke ca khanʼ ödra bi he ka menâ mâdrâ hulo; ke adre me iyawâ tavat adre me ca tethmâ bi; ke haba je hnyekudra, me khenen hnyi hwakecin behnyekon; ödra je hnyat ha hnaûhangoâ;

Hna Omanenâ 17:5

ke e hnyi hon bariny ien adre sihnalimen, ka habe, E IYONG, BABULONA AE GAN, HINYEN OMOMO HNYI GETHEN, KE TA JE ÛNYI AE IKIKI HNYI HMELEDRANY.