Heberu 9:4 - Iaai Bible 1901 (New Caledonia)

⁴ ke eling taben meic gol, me tangen ûhihi-nyköu adre tube ge gol, ke eû hnyin e kaia gol ae hu mana hnyin, me uci anyi Arona ame vhong, me li taben ûhihinyköu;

Heberu 9:4 ပူးပေါင်းရင်းမြစ်များ

I. Je Than 7:50

me je utkaia, me je uthesiûn, me je kaia me je spun, me je taben meic, gol ae so; me je hinge wale hobi kâu je hlingin uma eiö hnyin uma, wale dok ae ti kap, me hobi kâu je hlingin uma kap wale ke keihen ae gan.

I. Je Than 8:21

Ke oge me hia but bi hnen eling tang, adre hitangen ûhihinyköu anyi Iehova, waleji e ame ânyâ me lakamöta, kʼ ame hum ödrin ûnyi hnyi hnyei Aigupito.

I. Je Than 8:9

E ba ûnyi hnyi hnyin tang, ke li veto thibi ae lau, waleji ame ip hnyin Mose hnyi Horeba, hnyi ûen Iehova ame ûhihinyköu me lakon Isaraela, waleji a ûhedrin hnyi hnyei Aigupito.

II. Man Ûlabainy Je Than. 5:10

Ke ba ûnyi hnyin tang ke li veto thibi ae lau waleji a ip Mose hnyin hnyi Horeba, waleji hnyi ûen Iehova ame ûhihinyköu me lakon Isaraela, hnyi ûhedrin Aigupito.

Esodo 26:33

Ke u me he ka uhno singiny hmelen je bâlet, me hom eiö tang hnân ohnatho ka hnyi hoton singiny: kʼ ame he singiny ka bi hnyigöulen köbun dok ae kap me dok ae ti kap.

Esodo 31:18

Ke e ame ham kö Mose li veto ae lau anyin ûnyi hnân ohnatho, li veto ae lau a sihnalimen ge hnyamen Khong, hnyi ûen e ame um dö ûhnenamö më hon bucen Sinai.

Esodo 32:15

Ke Mose ame hwiö me utut ûheny hon bucen ke wale hnyi li hnyamen li veto ae lau hnân ohnatho, wale li veto ae lau adre sihnalimen hnyi li ve ke keihen: adre sihnalimen hnyi ke keihen me ke keihen.

Esodo 34:29

Ke Mose ame utut ûheny hon bucen Sinai, ke e hnyi li hnyamö Mose li veto ae lau hnân ohnatho, kʼ ame utut ûheny hon bucen, ke ca khanö Mose a gʼ ame hadröngöc unen hnyimakan hwaban hna ûhnenamö me.

Esodo 37:25

Ke e ame tibet tap utö öhum hnân leû ûnyi ae bo so; khaca kubit ibeûen, ke khaca kubit ûlauen, ke tha ûcû vak ta hwenöiny; ke lo li kubit ibeûen goranyai; kʼ ame tha khaca me je baitoiny.

Esodo 39:35

me tang ohnatho, me li venyâiny, me taben ibetengiö;

Esodo 40:3

Ke u me he ka ip eiö hnyin tangen ohnatho, me söng tang ge mano adre uhno.

Levitiko 16:12

ke e ame he ka ounöngötâ taben meic ge je walep ae möt ûnyi hnyi taben hut hnyi hnyimakö Iehova, me olo aoc ûnyi ae bo so hnân leû adre kokot ûhnyûkongo, me hom hoton singiny mano:

Numera 17:10

Ke Iehova ame ha kö Mose, ka habe. Ip hmetu ju uci anyi Arona ka hnyi cicö tangen ohnatho, mʼ adre me tuö me hnân haten ka tavat bi tot; mʼ u me he ka bi obiny hnödra hna ulidri nya, mʼ adre me ca he ka mok bi.

Numera 17:5

Ke haba at oge me he ka ûca, me ame he ka vhong anyin uci: me oge me he ka bi obiny gak je hna ulidri nya ge lakon Isaraela, wale adre me ulidri öbu.

Numera 17:8

Ke nyi Mose ame didro ka hnyi uma ohnatho; ke wâ bi a vhong ut uci anyi Arona hobi kâu hnyaban at Levi, ke a hlau but, ke vhong je vhongon, me wa but a je wan saked.

Deuteronomi 9:11

Ke a um dö je lany a fâte me je lit a fâte me haba Iehova ame ham könya li veto ae lau, a li vetoiny ûhihinyköu.

Deuteronomi 9:9

Hnyi ûen oge me öliâ bucen he ka kap li veto ae hu, a li vetoiny ûhihinyköu waleji a ânyâ Iehova möbun, ke oge me laba hnyi bucen fâte je lany ke fâte je lit; kʼ oge me ca han me ic.

Hna Omanenâ 11:19

Ke adre me khong uma kap umen Khong walethö hnyi drany; me ame manen dut hnyi umen uma tangen anyin ûhihinyköu; me ame o but je hucuce, me je ifucin, me je hendreng, me hwiöi, me we wahma ae gan.

Hna Omanenâ 8:3

Me ame o but ke angela me tot hnyi taben hut, e unyin taben meic a gol; me adre me ham gânâ kâu je uto ae bo so, me me he ka tha ip e me je hic hijin wakap hia thithö hnyi taben hut gol hnyi hnyimakan theron.