Heberu 9:2 - Iaai Bible 1901 (New Caledonia)

² Anyin adre me penapena ke uma menâ, wale at a bân, ke e hu eiö hnyin, taben lamepa, me laulau, me areto hnân omanenâ; adre hwenyi ien e, ka habe, Dok ae Kap.

Heberu 9:2 ပူးပေါင်းရင်းမြစ်များ

Esodo 25:23

Ke u me he ka tibet utö ohum hnân laulau: lo li kubit ibeûen, ke khaca kubit ûlauen, ke khaca kubit me haf ibeûen goranyai.

Esodo 25:30

Ke u me he ka ip bala hnyi hnyimakök hon laulau areto hnân omanenâ.

Esodo 25:31

Ke u me he ka ânyâ taben lamepa gol ae so: ke u me he ka ânyâ taben lamepa me huliwan ge hama, wale can, me unyin; kʼ adre me he ka khaca mê je kaiainy, me je ovejien, me je vongon:

Esodo 26:1

KE u me he ka ânyâ uma mano a ten je tubwiny; a mano lino ae ûhnyûkong nân adre seveny, me udrudrâ, me udrudrâ hlit, me dra vec, kʼ ame he hnyat huliwa ae metâ ka huliwan ge je kerubi.

Esodo 26:33

Ke u me he ka uhno singiny hmelen je bâlet, me hom eiö tang hnân ohnatho ka hnyi hoton singiny: kʼ ame he singiny ka bi hnyigöulen köbun dok ae kap me dok ae ti kap.

Esodo 26:35

Ke u me he ka ip laulau hnyi ke keihen singiny hnyou ai, me taben lamepa cicö laulau hnyi ke keihen uma mano ka hnyi hwaiöu; ke u me he ka ip laulau hnyi ke keihen ka hnyi: hwadrö.

Esodo 29:1

KE walang ûnyi u me he ka ânyâ ködrin he ka okabi odrin hnân he ka huliwa könya hnyi hanymen at bihut: hom dö nak bolok a khaca me lo li mamoe baga ae ba hnyikongon,

Esodo 29:35

Ke u me he ka ânyâ hia kö Arona me je lakon helâ me hnök hna hûna köu: seven ta je bong u me he ka otilʼ odrin.

Esodo 40:2

U ma he ka otilâ uma mano hnân uma ûkhacaköu, hnyi bong a bâniny tehi a bân.

Esodo 40:4

Ke u ma he ka hom laulau, me ip gaga ta je ûnyi hnân ip hon; ke u me he ka hom taben lamepa me vac je lamepainy.

Mataio 12:4

a gʼ ame didro ka hnyi uma umen Khong, me an je areto hnân omanenâ, waleji ae ca ûcû kâu he ka an me anyin bunyen, ke so thibi tavat bihut?

Mataio 5:15

Ke adre me ca vâc lamepa he ka ip hmelen kumete, ke so bi ethö hon taben; me ame omelamâ tavat hia eiö hnyin uma.

Heberu 9:25

ke ca hamen he ka osehia hudo e; helâ me at bihut ae nua ame dit ka hnyi dok ae kap hnyi ke huna me ke huna, me ke dra a ca dren;