Heberu 8:9 - Iaai Bible 1901 (New Caledonia)

⁹ Ca helâ me ûhihinyköu oge hia but ânyâ me je lakamödra Hnyi bong oge me kât hnyamödra me lili ödra ûnyi hnyi hnyei Aigupito; Anyin adre me ca tethmâ hnyi anyik ûhihinyköu, Me oge me hna degeci ödra, haingen Than.

Heberu 8:9 ပူးပေါင်းရင်းမြစ်များ

Genese 19:16

Ke e ame bec; me haba li at ödru me lelö hnyamen, me hnyamen âiân, me hnyamen lakon li hlu; anyin a Iehova ame betenge gan: me ödru me su e me ip hnyi hoton taun.

Jobu 8:20

Wâ bi, ame ca he Khong ka hota degecâ at ae wisa, Kʼ ame ca he ka otethmâ tavat adre me ânyâ hulo.

Salamo 105:43

Me e ame hom but lakeiny me senyin, Me tavat e ame ûca me hobâ.

Salamo 77:20

U je su lakem helâ me hnahat mamoe, Ge hnyamö Mose me Arona.

Salamo 78:57

Ke adre me hmetuhmetu me iyâwâ helâ me lakamödra: Adre me saû but helâ me cafana ame onua.

Esodo 32:8

adre hia but ie saû ûnyi hnyi gethen waleji oge hûna ködra; kʼ adre hia but ânyâ hobi ködra nokon kau adre oköiâ, me khudrung kâu, me bi hut kâu, me ha, ka habe, Isaraela lö, walang khongom, at ame hum u ûnyi hnyi hnyei Aigupito.

Esodo 34:10

Ke e ame ha, ka habe, Wâ bi, oge ma ânyâ ûhihinyköu: ke oge me he ka ânyâ hnyi hnyimakan tavat hia unyâm ta je ûnyi hnân lâiâ, ke ba hna ânyâ helâe eang hmelen hia, kʼ ame he tavat hia eang a tha odra möu ka wâ huliwa anyi Iehova, anyin a ûnyi hnân outen oge me he ka ânyâ köu.

Khumöng Hwanyi Solomona. 8:5

Ie at e, ame o ûheny hnyi hnyebuba, Ame he cimâ oûnykûminy? Oge ohmakö u hmelen okhöiö: Waleling a vec hnyin hnyekon hinyâm gam, Waleji e ame hnöku u, hnyi hnen hna vec hnyekon gam.

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Isaia 41:13

Anyin a inya Iehova Khongom oge me he ka kat benyâm a metâm, me ba köu, ka habe, Ca ot; oge me he bi nya ka hadruo u.

Isaia 51:18

E ba at ame he ka su tilâ e wale unyin je lakon hia e ame hnokoâ; ke ba at ame hom hnyamen wale unyin je lakon hia e ame hat.

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Jeremia 31:32

ca helâ me ûhihinyköu eji oge ânyâ me lakamödra, waleji hnyi bong oge hom hnyamödra he ka su Ödra ûnyi hnyi hnyei Aigupito; ke adre me thamuâ anyik ûhihinyköu eja ke ne oge ne helâ me âiân baga kodra, haingö Iehova.

Je tenge anyi Jeremi 4:16

Ame hia but ovesei ödra hnen hmonyin anyi Iehova; e ame ca he hmetu ka ûnykûmi ödra bi: Adre me ca okabâ hnyimakan tavat bihut; kʼ adre me ca betenge ge wahingat.

Ezekiela 16:59

Anyin a walang hna ha hnen Than Iehova, ka habe, Oge me he bi nya ka ânyâ köu helâ me hnâm hna ânyâ, anyin a u je hûkotiâ hna khemanyin me thamuâ ûhihinyköu.

Ezekiela 16:8

ke hnyi ûen oge me he unyâm me ō u, me wâ bi, ûen betenge ânyâm bong, ke oge me lau hom obiny anyik ûkhaû, me khaûö u at ame mokut thu: eke, oge me khemanyin köu, me ûhihinyköu möu, haingen Than Iehova, ke u anyik bi.

Amosa 5:22

Eke, öbun e ne hudo könya anyibun je hudiny leû me hudiny han, me oge me ca he bi nya ka kap: ke oge me ca he ka wâ anyibun je hudiny ûsoköu a halebun je meno ae pipikhenya.

Malaki 2:13

Ke wale minya ang hnobun hna ânyâ: öbun e tube taben hut anyi Iehova ge dân ecmak, me tenge, me mâng, me me ca wâ hmetu hut, me ca kap senyinâ e ûnyi gabun.

Mareko 8:23

Me e ame hom hnyamen at ae wadröu, me lelö thö e ka hnyi hoton taun; ke a hia but hangöjâ li emakan, me ip li hnyamen hon, me e ame hnö e, ka habe, U me wâ ke ûnyi?

Ta je huliwa 13:11

Ke wâ bi, walang ang e but hom hnyamen Than, me u me he ka wadröu, kʼ u me ca he hmetu ka wâ seûno ke ne o but hnyi ke ûen. Me ame ie o but kâu hadedak helâ me lit; me e ame he monumonu kʼ ame khaûtetâ at he ka lelo e.

Ta je huliwa 7:36

Haba at eling ame hum ödra but, hwaban hnen hna omanenâ ta je ûöman me haten hnyi hnyei Aigupito, me hnyi Köiö ae dra, me hnyebuba hnyi fâte je huna.

Ta je huliwa 9:8

Me ame todrö Saulo ûheny û hnyi kânâ, ke e ame bwele but, ke ba ûnyi ame wâ: me adre me lelo thö benyin, me hom e Damaseko ai.

Galatia 4:24

Haba ta je ûnyi e me hnân ûhoûcû: anyin a haba li momo e, me li ûhihinyköu; khaca ûnyi hnyi bucen Sinai, kʼ ame hnokoâ ka hnyi hwenbâ, waleji Hagara.

Deuteronomi 29:1

WALANG je hofuciny ûhihinyköu, waleji Iehova ame hûna kö Mose he ka ânyâ me lakon Isaraela hnyi hnyei Moaba, ke ca ha bi hna ûhihinyköu mödra hnyi Horeba.

Deuteronomi 29:12

me u me he ka tot hnyi ûhihinyköu anyi Iehova Khongom me hnen hna khemanyin wale ame khemanyin köu Iehova Khongom hnyi bong ang:

Deuteronomi 29:25

Ke adre me he ka thu, ka habe, Can adre degecâ ûhihinyköu anyi Iehova Khongon lakamödra waleji e ame ânyâ mödra, hnyi ûen e ame hum ödra ûheny hnyi hnyei Aigupito;