Heberu 8:2 - Iaai Bible 1901 (New Caledonia)

² me hnyi hing uma menâ a otilâ hnen Than, ke ca hnen bi at.

Heberu 8:2 ပူးပေါင်းရင်းမြစ်များ

Esodo 25:9

Öbun e he ka ânyâ helâ me ta je hofuc hia oge me omanenâ köu, tulutiny uma, me tulutiny omjehen, öbun e he ka ânyâ helâe.

Esodo 28:1

KE hom dö köu Arona a tuhâm me je lakon a tha odrin me, ûnyi hnyi lakon Isaraela, mʼ odrin e he ka huliwa könya hnyi je hanymen at bi hut; Arona, me Nadaba, me Abiu, me Eleazara, me Ithamara, a je laku Arona.

Esodo 28:35

Ke adre me he ka okhaûö Arona hnân huliwa; kʼ adre me he ka löng ûcuhainy e ka didrö ka hnyi dok ae kap hnyi hnyimakö Iehova, me dit hmetu but, me me ca he ka mok.

Esodo 33:7

Ke haba hwakeci Mose, me, e ame labö hom uma ûkhacaköu, me otilâ hoton hna hunuma, e ûsâkâûö me hna hunuma, ke e ame hwenyi ien, ka habe, Uma mano hnân ûkhacaköu. Ke haba tavat hia adre me elöm Iehova me adre me he but ka hnyi uma mano a uma ûkhacaköu wale hoton hna hunuma.

Luka 24:44

Me e ame ha ködrin, ka habe, Walang je hofuc oge me ha köbun, waleji e me tiga inya ang unyibun, ae ûcû he ka owhâdâ ta je ûnyi hia adre sihnalimen hnyi hnanyibu anyi Mose, me ta je perofeta, me ta je salamo gak.

Roma 15:8

Anyin a inya oge me ha, ka habe, haba Keriso ame bi athnyabainy peritom hobi kâu hnathu anyin Khong, me me he ka ohmâ hna ha bânâ ka lakamöta,

II. Korinito 5:1

ANYIN ae khanʼ öhmun a ga ne kia but umöhmun uma menâ eang hmeledrany, me hu bi gahmun uma ûnyi ge Khong, wale uma adre ca mâdrâ bi ge hnyam, ame ca ba balua, ke ethö hnyi drany.

Kolose 2:11

wale at adre me peritomoni öbun unyin, hnen peritom adre me ca ânyâ ge hnyam, wale he ka uny degecâ onyen unyin, hnen peritom ûnyi ge Keriso;

Heberu 10:11

Ke haba tavat bihut hia, me adre me tot hnyi je bong balua me bi athnyaba, me hudo bala je hut a khaca ien, wale a ca khana he ka ohia hulo:

Heberu 10:21

ke hu at bihut ae beönua ame muso hnyaban Khong;

Heberu 11:10

anyin a e ame halubahingen taun ae hu taben, ke haba at a otilâ me huliwan, me, Khong.

Heberu 9:1

E HNATHU, haba ûbihinyköu a bân, me e hu hnyin ta je hanymen hmi, me dok ae kap, a wale hnyi hmeledrany.

Hna Omanenâ 21:3

Ke oge me löng hofuc ae gan ûnyi hnyi theron ame ha, ka habe, Wâ bi, e unyin tavat uma menâ umen Khong, ke e ame he ka laba unyidra, ke adre me he ka lakeiny, ke ame he Khong ka tha e mʼ ödra, kʼ ame he ka Khongudrin: