Heberu 8:12 - Iaai Bible 1901 (New Caledonia)

¹² Anyin oge me he ka betenge baû ge hwakecidra ae kong, Ke oge me ca he hmetu bi nya ka ûnykûme anyidra ta je hulo.

Heberu 8:12 ပူးပေါင်းရင်းမြစ်များ

Salamo 25:7

Ca he ka ûnykûme ta je hulöiny anyik hidröu, me ta je hanyâûâ gak: Unykûmi nya ju hoton ânyâm ibetengiö, Ûnyi ge hwakecâm ae so, Iehova.

Salamo 65:3

E hwege huk ta je ûnyi ae kong: Haba hnöhmun ta je hna hanyâûâ u me he ka kot degecâ.

Isaia 43:25

Inya, inya thibi at ame kot degecâ hnâm ta je hna hanyâûâ cak bi; ke oge me ca he ka ûnykûme ânyâm ta je hulo.

Isaia 44:22

Oge hia but kot degecâ hnâm ta je hna hanyâûâ helâ me ûlâ ae khot, me ânyâm ta je hulo helâ me ûlâ: hmetu ju könya, anyin a oge hia but ûcû u.

Jeremia 31:34

ke adre me ca he hmetu ka ve nâ tavat ae hakekeny kodra, me je liamekeiny mödra, me ha, ka habe, Khanʼ öbun dö Iehova: anyin adre me he hia ka khanʼ ödra inya, hwâu ge ta je hoûmonu ke ne o but ka tavat ae beönua, haingö Iehova: anyin oge me he ka hna but hwakecidra ae kong, ke oge me ca be hmetu ka ûnykûme anyidra ta je hulo.

Jeremia 33:8

Ke oge me he ka osûʼ ödra ûnyi hnyi anyidra ta je hulo hia waleji adre ânyâ könya; ke oge me he ka hna hia anyidra ta je hulo waleji adre me ânyâ me monu könya.

Jeremia 50:20

Hnyi je bong eling me hnyi ûen e, haingö Iehova, adre me he ka elâm hulo anyin Isaraela, ke ba but: me je hulo anyin Juda, ke adre me ca be ka wâ: anyin oge me he ka thang je monu anyin tavat oge me hna me linân kolon.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Mika 7:19

Ke e ame he ka hmetuhmetu me betenge gata; e ame he ka uto anyita je hulo hmelen li can: ke u me he ka khûâ anyidra ta je monu hia thithö ka hnyi köiö hnyi dok ae dit.

Roma 11:27

Ke wale hnok hna ûhihinyköu mödra, Iny ka he ka hom degecâ anyidra hulo.

Efeso 1:7

ke hu but gata deny e, hna ûco möt ûnyi ge dren, wale he ka thang ta je hulo, helâ me ûganiny anyin ibetengiö baû,

Kolose 1:14

ûnyi gan bi e hu hwaban anyita möt, wale he ka hna degecâ ta je hulo:

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;