Heberu 8:10 - Iaai Bible 1901 (New Caledonia)

¹⁰ Anyin a walang ûhihinyköu oge me be ka ânyâ me lap anyin Isaraela Hwaban je bong eling, haingen Than; Oge me he ka ip anyik je hnanyibu hnyi ûnykûmenödra, Ke sihnalimen minya hnyi je hnyekudra: Ke oge me he ka Khong bi kodra, Ke adre me he bi ka lakeik:

Heberu 8:10 ပူးပေါင်းရင်းမြစ်များ

Esodo 24:4

Ke haba Mose ame sihnalimen je hofuc ho Iehova, me vesâkong, me otilâ taben hut hmelen bucen, me je veto ame tot a twelv hoton je tribu a twelv anyin at Isaraela:

Esodo 24:7

Ke e ame hom tusiny ûhihinyköu, me aû, kʼ ame löng tavat: me haingödra, ka habe, Ohmun e he ka ânyâ hia hna ha hnö Iehova, me löng hoton.

Esodo 34:1

KE Iehova ame ba kö Mose, ka habe, U me he ka delâ li veto ae lau helâ me li veto a bân, ke oge me he ka sihnalimen hon li veto ae lau ta je hofucin li veto ae lau a bân, waleji u je thö.

Esodo 34:27

Ke Iehova ame ha kö Mose, ka habe, Sihnalimen ju ta je ûnyi ang: anyin a oge hia but ûhihinyköu möu me at Isaraela hoton je hofuc e.

Khumöng Hwanyi Solomona. 2:16

Anyik oûnykûmik, ke inye bi a anyin. E ame ûhalin hnyi je sosani.

Jeremia 24:7

Ke oge me he ka ham kodra hnyok he ka wâhmakhmetu nya, a inya Iehova: ke adre me he ka bi lakeik, ke oge me he ka Khongudrin, anyin adre me he ka hmetu könya ge hnyok ae bekhot.

Jeremia 31:1

HAINGÖ Iehova, ka habe, hnyi ûen eling, oge me he ka Khongon je lap hia anyin at Isaraela, ke adre me he ka lakeik.

Jeremia 31:33

Ke walang ûhihinyköu oge me he ka ânyâ me lap anyi Isaraela, hwaban je bong eling, haingö Iehova; oge me he ka ip anyik hnanyibu eû hnyidra, me sihnalimen e hnyi je hnyekudra; ke oge me he ka Khongudrin, ke adre me he ka lakeik;

Jeremia 32:38

ke adre me he ka lakeik, ke oge me he ka Khongudrin:

Jeremia 32:40

ke oge me he ka ânyâ mödra ûhihinyköu a nyiele balua, a oge me ca he ka hwiö gadra, wale he ka ânyâ kodra so; ke oge me he ka ip eû hnyi hnyekudra he ka ot könya, mʼ adre me ca he ka digic nya.

Ezekiela 37:27

Me ame he ka laba unyidra umök uma mano; ke oge me he ka Khongudrin, kʼ adre me he ka lakeik.

Ezekiela 39:22

Me ame he lap anyi Isaraela ka wâ a inya Khongudrin, hwân hnyi bong eling ke ne o but nyiele.

Hosea 1:10

Ke so bi haba numerainy lakon Isaraela, me ame he ka ûcû me ûnyin köiö, wale ae ca khana bi ke at he ka tuluto me aû numerainy; ke haba hnyi dok wale adre me ha kodra, ka habe, Ca lakeik ut öbun, me adre me he bi ka ha kodra, ka habe, Öbun lakon Khong ae mot.

Hosea 2:23

Ke oge me he ka tâ e hobi könya bi hnyi kânâ; ke oge me he ka betenge gan waleji adre ca betenge gan; ke oge me he ka ha kodra a ca lakeik, ka habe, Lakeik u; ke adre me he ka ha, ka habe, Khonguk.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Zakaria 8:8

ke oge me he ka hum ödra, mʼ adre me he ka laba hnyi wanben Jerusalema; ke adre me he ka lakeik, ke oge me he ka Khongudrin hnyi hnathu me hwakecin ae wisa.

Mataio 22:32

Inya ang Khongu Aberahama, me Khongu Isaaka, me Khongu Jekob? Haba Khong, me ca Khongon bi tavat adre mokcu, ke so bi tavat ae möt.

Roma 11:27

Ke wale hnok hna ûhihinyköu mödra, Iny ka he ka hom degecâ anyidra hulo.

I. Korinito 6:16

Hawa, e ca khanʼ öbun a haba at ame hom momo hnyi gethen, me khaca but unyidru? anyin a haingen, ka habe, Ame he ka khaca unyidru.

II. Korinito 3:3

anyin ae manen a öbun ang tusi anyin Keriso, öhmun e huliwan, adre ca set ge köiö sisit, ke hnen bi Hanon Khong ae möt; ke adre ca set hnyi je veto, ke so bi hnyi je viny hnyok.

Deuteronomi 30:6

Ke ame he Iehova Khongom ka peritomonâ hnyekom, me hnyekon je mâtrânâm, mʼ u me we Iehova Khongom ge hnyekom ae bekhöt me hanom ae bekhöt, mʼ u me möt bi.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Heberu 11:16

Ke walang ang adre me weny ke hnyei ae beönua hnyin so, a wale thö drany: waleling me me ca hmehma bi Khong, e ka he ka hâiâ e, ka habe, e Khongudrin; anyin a e ame penapena taun hobi ködra.

Iakobo 1:18

E ame hnöku öta ge hwan hofuc ae hnathu hoton weny, mʼ ate me he ka helâke je wan a bân ge ta je ûnyi e ame op.

Iakobo 1:21

Anyin a wale, degec ut ikiki hia me monu ame si but, ke kap ju ge hnyok ae menyik hofuc adre tā, wale ae khana he ka omelö je hanubun.

I. Peteru 1:23

anyin adre hnöku öbun hmetu ca ûnyi bi hnyi wan ame he ka bobot, ke so bi ge wan ame ca be ka bobot hnen hofuc hwan Khong ae möt me tethmâ nyiele balua.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ: