Heberu 7:25 - Iaai Bible 1901 (New Caledonia)

²⁵ Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

Heberu 7:25 ပူးပေါင်းရင်းမြစ်များ

Jobu 22:17

Wale hnyat adre me ha, ka habe, Ûsâkâûö but möhmun; Ke, Ieû ae khana Ataekhanahia he ka ânyâ hnân hobi kohmun?

Jobu 23:3

E na khanö nya ju dok oge me he ka wâ e hnyin, Me inye he ka he ka hnyi taben tap!

Isaia 45:22

Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Isaia 45:24

Ame he ka ha könya ke at, ka habe, E hu but gak thibi ûnyi ga Iehova wisa me hwege: ame he ka o tavat kâu, ke adre me he ka hmehma, waleji tavat adre me hmönyidra kâu.

Isaia 53:12

Anyin a wale, oge me he ka khene jekhon me tavat ae beönua, ke e ame he ka tha khenâ je hna söh me tavat ae hwege: anyin a e ame hingâlâ anyin möt ka mok, ke adre me tha lelö e me tavat hanyâûâ: ke so bi e ame vadren hulo anyin tavat ae se hia, kʼ ame khöûâ tavat hanyâûâ.

Isaia 59:16

Ke e ame wâ ae ba at, me e ame lâiâ ae ba at ame khöûâ: anyin a wale ame ka ânyâ möt hobi kâu e hnen hnyamen bi; ke ame cö e anyin bi hwakecin ae wisa.

Isaia 63:1

IE at ang ame he jem ûheny Edoma, ae dra anyin ûkhaû ûheny Bozera; a at ae hmanenang ge anyin ûkhaû, kʼ ame he hnyi meciny anyin tang hwege Inya thibi, at ame ha hnyi wisa, at ae hwege he ka omelo.

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Daniela 3:15

Walang ang, öbun e ne penapena, öbun ka long ifucin trutru, ke utkowi, ke kitara, ke sabeka, ke saniter, ke sumefono, ke je ûnyikhumöng hia me öbun e he ka ta me khudrung ka hnatheat gol oge me ânyâ, me so ling: ke so bi öbun e ne ca he ka khudrung, haba hnyi awa eling, me adre me he ka khûʼ öbun ka hnyi thop ae möt hnyin meic; ke ewa khong ame he ka hûgûnʼ öbun hnyi li hnyamok?

Daniela 3:17

A ne helâe, me khana Khonguhmun, at ohmun e bi athnyabainy he ka hûgûnʼ ohmun ûnyi hnyi thop ae möt hnyin meic; me e ame he ka hûgûnʼ ohmun ûnyi hnyi hnyamâm, than.

Daniela 3:29

Anyin a wale oge me otilâ hnanyibu, a haba tavat hia, me ta je hnyei, me je ve hwen hnyei, adre ne he ka ha ûnyi ae kong ge Khongu Saderaka, me Mesaka, me Abedenego, me adre me he ka subâ omomonu ödra, me wia umödrin je uma hnân digic thatûnyi: anyin ae ba ke khong ae khana he ka ûhomeli helâe.

Daniela 6:20

Ke e ame o but ka hnyi thop kö Daniela, me e ame hongot tenge goranyai: ke haingen than kö Daniela, ka habe, Daniela lö, athnyabainy Khong ae möt, hawa, e khana Khongom, wale at u je bi athnyabainy hnyi je bong he ka omeli u ûnyi ge je liona?

Daniela 9:16

Than lö, ö u ohaûâ but ânyâm hmonyin me ânyâm wathethot ûnyi hnyi ânyâm taun a Jerusalema, ânyâm bucen ae kap, hoton ânyâm wisa: anyin a can anyihmun je hulo, me je hwakecin lakamöhmun ae kong, adre me haikongoâ Jerusalema, me lakem, hnen tavat hia igigili öhmun.

Ioane 14:13

Ke haba ta je ûnyi hia thithö öbun e he ka sumâtâ hnyi iök, me oge me he ka ânyâ me me he ka ogânâ Kamen hnen Nokon.

Ioane 14:16

Ke oge me he ka khöû ka Kamen, me me he ka ham köbun ke Ûhadruo, me me he ka tha e m bun nyiele balua,

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Roma 5:10

Anyin a ne ûsoköu öta me Khong ûnyi ge mok anyin Nokon, waleji kʼ öta tiga iwahnaihmiony, me e gan hmâ hna he ka omeli öta hnen anyin möt, kʼ ate me ûsoköu më.

Roma 5:2

a deny e adre hia but hnʼ öta ûnyi ge labageju ka hnyi ibetengiö baû eang ate me tot hnyin; ke so ate me senyin me gejon hmanenanginy Khong.

Roma 8:34

ke ie at ame he ka ohnaûhangoâ? Hamen Keriso, at ame mok me möt hmetu ûheny hnyi hna mok, e but hnyi ke keihen metân Khong, kʼ ame khöû hobi köta.

I. Korinito 1:21

Anyin a ûnyi hnyi metâ anyin Khong, e ca khana bi Khong hnen aten hmeledrany hnyi anyidra metâ, haba Khong ame weny he ka omelö tavat adre me labageju, hnen hwen monu, a wale hna khetâ.

Efeso 2:18

ke hu but gata hia ûnyi gan gethen ka Kamen ûnyi ge Hanu a khaca.

Efeso 3:12

e hu but gata ûnyi gan tang hwege me gethen he ka didro, me gejon ûnyi ge labageju kâu.

Efeso 3:20

Haba at ae khana ânyâ ta je ûnyi hia ae beönua hon hnöta hna sumâtâ me ûnykûme ka hnyin, hoton man at ame huliwa eû hnyi je hnyekuta,

Filipi 3:21

at ame he ka ohâtâ hmetoâ ta je unyita ae kong, mʼ adre me ûcû me unyin ae hmanenang, hoton man at ae khana he ka hom ûhnyûkongoâ ta je ûnyi hia thithö kâu bi.

I. Timoteo 2:5

Anyin a khaca thibi Khong, ke khaca thibi at ame khöûâ tavat ka Khong, a ka at bi, wale Keriso Iesu,

II. Timoteo 1:12

Can e oge me vecâ ta je ûnyi e; ke inya oge me ca hmehma bi; anyin oge me wâhmakhmeto but e, waleji at oge me labageju kâu, ke mou thö hnyi hnyekuk a e khana he ka tuö hnok hna hna kâu, ke ne o but hnyi bong e.

Heberu 11:6

ke a ne ba labageju, me pason he ka osenyinâ e: anyin a haba at ame hakekenyâ Khong, me hamen he ka labageju, ka habe, ka e bi, ke e ame he ka bi hwaban ka tavat adre me elâm hwegiâ e.

Heberu 13:15

Anyin a wale e so ate me hudo bala hudiny ogânâ Khong a deny e, wale wan ta je esongodita ame hâiâ ien.

Heberu 2:18

E ûcû kâu he ka hadru ödra adre cubic ödra, anyin a e ame hom vec hnyi hna cubec.

Heberu 2:9

Ke ate me ō Iesu, at adre hia but wia e me omi ûhnyûkong hmelen ta je angela, kʼ adre me obicâ ge hmanenang me hna ogânâ, anyin a e ame hom vecin mok, me me vheno mok hobi kâu tavat hia thithö hnen ibetengiö bâu anyin Khong.

Heberu 5:7

Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,

Heberu 7:16

wale at adre me wia hoton maniny möt ame ca ba balua, ke ca hoton hwakecin hnanyibuiny unyin:

Heberu 7:19

(anyin ae ba ke ûnyi ame obekhotâ hnen hnanyibu), mʼ adre me oâ gejon ae beönua, wale deny mʼ ate me hakekeny ka Khong.

Heberu 7:24

ke hu gan hanymen at bihut ame ca he ka wia, anyin a e at ae tethmâ nyiele balua.

Heberu 7:8

Ke haba walang, ame kap je ke keihen a libenyitainy hnen tavat adre me he ka mok; ke waleji ke at adre ohnathoâ a e möt bi.

Heberu 9:24

Anyin ame ca dit Keriso ka hnyi dok ae kap adre me ânyâ ge je hnyam, wale tulutiny ûnyi ae hnathu; ke so bi ka hnyi hing drany he ka manen walang ang hnyi hnyimakan Khong hnân hobi köta:

Juda 1:24

Ke so e unyin at ae khana he ka tuʼ öbun, wâ öbun nye ū but, me omanenʼ öbun ae ba hnyikongon hnyi hnyimakan anyin hmanenang me senyin ae gan,