Heberu 7:24 - Iaai Bible 1901 (New Caledonia)

²⁴ ke hu gan hanymen at bihut ame ca he ka wia, anyin a e at ae tethmâ nyiele balua.

Heberu 7:24 ပူးပေါင်းရင်းမြစ်များ

Ioane 12:34

Haba tavat ae se hia adre me thu kâu, ka habe, Ohmun e long ut ûnyi hnyi hnanyibu a gʼ ame he ka tethmâ Keriso nyiele balua: ieû gam u me ha a ga ûcû he ka ogöranyâ Nokon at? ia Nokon at eling?

Roma 6:9

e khanʼ öta a ga möt hmetu thö Keriso ûnyi hnyi hna mok, kʼ ame ca he hmetu ka mok; kʼ ame ca he hmetu mok ka ton.

Roma 9:5

ödra je mâtrâniny ta je lakamöta, helâe minya Keriso hoton unyin, e nua hon ta je ûnyi hia thitliö, Khong adre haisoâ nyiele balua. Amen.

Heberu 13:8

Haba Iesu Keriso, me, ame ca wia bala, et, me hnyi bong ang, me nyiele balua.

Heberu 7:28

Anyin a hnanyibu ame otilâ tavat ae sënyin hnân tavat bihut ae nua; ke haba hofucin hna khemanyin, waleji hwaban hnanyibu, me ame otilâ Nokon adre obekhöta nyiele balua.

Hna Omanenâ 1:18

ke at ae Möt; ke oge hia but mok, ke wâ bi iny möt nyiele nyiele balua, ke e hu gak je kiiny mok me Hedis.

I. Samuela 2:35

Ke oge me he ka oâ hobi könya ke at bihut ae hnathu, me e ame he ka ânyâ hoton hnyekuk me oûny-kûmânök: ke oge me he ka otilâ hobi kâu lap ae tethmâ: ke e ame he ka bi hanymen hnyi hnyimakan hnyat oge me hû nyiele balua.