Heberu 7:22 - Iaai Bible 1901 (New Caledonia)

²² ke helâe minya adre me wiö Iesu hnân haten hnathuiny ûhihinyköu ae beönua.

Heberu 7:22 ပူးပေါင်းရင်းမြစ်များ

Genese 43:9

Oge me he ka bi singiny; kʼ u ma he ka elâm e unyik: iny ka ca he ka hom hmetu e köu, me ip hnyi hnyimâkâm, e so e takû nya konginy nyiele balua:

Genese 44:32

Ke haba inya athnyabaem singiny da hobi kö cica, ka habe, Oge ne ca he ka hom hmetu e kâu, ame he bala ka jönik ga cica nyiele balua.

Salamo 119:122

Bi singiny ju athnyabaem, me me so: Ca hna but tavat ae bi gan he ka okongu nya.

Ta je Vejec 20:16

Hom do ûkhaûen at ame tilö hwaban atkanyua; Ke hok haten ûnyi ge at ame tot hnân hwaban je atkanyua.

Ta je Vejec 6:1

NÖKUK, u je ne tot me hwaban hânâm, Ke u je ne ûkhöû hnyam hobi kâu atkanyua,

Isaia 38:14

Inya oge me fufuc helâ me wahalep me âiâ, Inya oge me tenge helâ me biny; e hanenak ut li emakök anyin bwela göranyai; Iehova lö, iny vec, u na he ju ka sing nya.

Daniela 9:27

Ke e ame he ka ohmâ ûhihinyköu ka tavat ae se hia hnyi wik a khaca; ke haba hnyi hafiny wik, me e ame he ka bi obiny hut ke bwihlany; ke ame he ka o at ame öba wan, kʼ ame he ka tabâ labenyin ta je ûnyi ae ikiki; ke adre me he ka hingâlâ hmönyin hon at ame öba wan, ke ne o but ame bekhot ûnyi adre ohmâ.

Mataio 26:28

anyin a walang drök ûnyi hnyi ûhihinyköu, adre me hingâlâ e hobi kâu tavat ae se hia, me hnân thang ta je hulö.

Mareko 14:24

Ke e ame ha ködrin, ka habe, Walang drök ûnyi hnyi ûhihinyköu, wale adre hingâlâ hobi kâu tavat ae se hia.

Luka 22:20

Ke helâe minya kaia hwaban hna han, ame ha, ka habe, Walang kaia a ûhihinyköu ae teb ûnyi hnyi drök, ame hingâlâ hnân hobi köbun.

I. Korinito 11:25

Ke helâe minya me kaia, hwaban hna han, ame ha, ka habe, Haba kaia eang, me ûhihinyköu a teb ûnyi hnyi drök: ânyâ thö e he ka ûnykûme könya hnyi ta je ûen öbun e ijem hnyin.

Heberu 12:24

ke kö Iesu at ame ûsoköuâ hnyi ûhihinyköu ae teb ûnyi, ke ka hnyi dra hnân dukâiâ, kʼ ame ha ta je ûnyi ae nua hon drö Abela.

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Heberu 7:23

Ke adre me osehia tavat bihut, anyin adre me ca tethmâ bi can mok a ödra:

Heberu 8:13

Ke haba hnyi hnen hna ha, ka habe, Ûhihinyköu ae teb ûnyi, me waleling e ame wia at a bân me me at adrem. Ke haba ûnyi ame hwân ka kueny me bobot ut, me wale ame logot he ka bia but.