Heberu 7:2 - Iaai Bible 1901 (New Caledonia)

² ke haba Aberahama ame ham kâu ke keihen a libenyitainy hia (haba bongon ien a bân adre wia, me, Thaniny hwakecin ae wisa, ke hwaban dö e, Thaniny Salema, walang bongon, Tuhan ûsoköu;

Heberu 7:2 ပူးပေါင်းရင်းမြစ်များ

Genese 28:22

ke haba veto eang, wale oge otilâ hnân haten, ame be ka hnen uma umen Khong: ke ûnyi hnyi ta je ûnyi hia u ma he ka ham könya, e hnathu oge me he ka ham hmetu köu je ke keihen a libenyitainy.

II. Samuela 23:3

Ame ha Khongu Isaraela, Ame fuc könya kic anyi Isaraela: At ame muso tavat hnyi wisa Ame musi me outen Khong;

II. Samuela 8:15

Ke Davita ame muso Isaraela hia; ke Davita ame ûhnö me ânyâ wisa ka lakeiny hia.

I. Man Ûlabainy Je Than. 22:9

wâ bi, adre me he ka hnokoâ nokom, at ame laba ûsoköu, anyin a oge me he ka oûsokö-oâ e me je iwahnaihmiony mē igigilo: anyin a adre me he ka hwenyi ien Solomona, ke oge me ke ka ham ûsoköu me me laba wia at Isaraela hnyi bongon je bong hia:

Salamo 72:7

Hnyi bonginy ta je bong ame he at ae wisa ka kû khulelau; Kʼ ame he ka gan hmâ ûsoköu ke ne o but ame aû but tehi.

Levitiko 27:32

Ke haba ke keihen a libenyitainy omeno, ame ne bolok, ame ne mamoe, a ta je ûnyi hia adre me dit hmelen uci, me e kap kö Iehova ke keihen a libenyitainy.

Mika 5:5

Kʼ ame he at ang me hnân ûsoköu köta: e ka o but at Asuria ka hnyi ita hnyei, kʼ ame uto je umen latuhöta, waleling ate me he ka otilâ kâu hnyat tuö mamoe a ödrin seven, ke eit ta taben tavat.

Numera 18:21

Ke wâ bi oge me ham ka laku Levi ke keihen a libenyitainy ta je ûnyi hia hnyi Isaraela hnân idra, me hwaban anyidrin huliwa ödrin e ânyâ, wale huliwainy uma ûkhacaköu.

Mataio 1:23

Wâ bi, ame he hlu ka erkin, me hnokoâ da, Kʼ adre me he ka hwenyi ien Emanuela; walang bongon, E but unyita Khong.

Luka 2:14

Ogânâ thö Khong ae nua ethö görany; Ke haba hnyi hmeledrany hnahic unyin tavat wale e ame betenge gadra.

Roma 3:26

mʼ adre me omanenâ hnyi ûen ang hwakecin ae wisa: me me ka wisa bi, kʼ ame he minya ka haiwisa at ame labageju kö Iesu.

Heberu 7:1

ANYIN a haba Melekisedek eang, tuhan Salema, at bihut ka Khong ae Beönua, at ame ûkhanö me Aberahama ûheny hnyi hna kot je than, me ame ha hnahicâ e,

Heberu 7:3

ae ba kamen me hinyen, ke ba minya deo lakiben, ke ba minya hwân ta je bonginy, ke ba minya obiny möt, ke adre oûco me Nokon Khong), me, e at bihut bala bi.

I. Samuela 8:15

Ke e ame he ka hom ke keihen a libenyitainy hatungu-bun je hatong, me ibun je hnyei vine, me ham bi ka je taben unyin me lathnyabainy.

I. Samuela 8:17

E ame he ka hom ke keihen a libenyitainy halebun je mamoe: ke öbun e he ka bi athnyabainy.