Heberu 6:5 - Iaai Bible 1901 (New Caledonia)

⁵ me drem cubecâ hofuc ae so anyin Khong, me je maniny dö ame he ka o,

Heberu 6:5 ပူးပေါင်းရင်းမြစ်များ

Salamo 34:8

Öbun na drem cubecâ ju me wâ a at ibetengiö Iehova: Hnahic hnen at ame labageju kâu.

Mataio 12:32

Ke haba at ame he ka haikongoâ Nokon at, me adre me he ka hna degecâ e; ke haba at ame he ka haikongoâ Hanu Kap, me adre me ca he ka thang degecâ e hnyi möt ang, ke ba minya hnyi möt ame he ka o.

Mareko 6:20

anyin a Heroda ame outö Ioane, ame wâhmakhmeto e, a e at ae wisa me kap, me e ame tuö e. Ke hnyi ûen e ame long ifucin, me e ame hlohlo gan hmâ; ke e ame long senyinâ hwan hofuc.

Luka 8:13

Haba keihen hon dok ae hudei, me wale tavat adre me long me kap hofuc me senyin; ke ba wân gadra, ke ca beû bi anyidra labageju ke adre me ta ju hnyi ûen ûcûbic.

Efeso 6:17

Ke hom minya thʼ öbun hnabicen vat anyin ûhomeli, me hele vat anyin Hanu, wale hofuc hwan Khong:

Heberu 11:3

Ate me wâ hnen labageju a gʼ adre me ânyâ ta je ûnyi hia thithö hnen hofuc hwan Khong, me adre me ca op ta je ûnyi adre me wâ ûnyi hnyi ta je ûnyi ae manen.

Heberu 2:5

Anyin a e ame ca ham ka ta je angela he ka muso hmeledrany ame he ka o nyiele, wale öhmun e ha gan.

Heberu 4:12

Anyin ae möt hofuc hwan Khong, me hwege huliwa, me so hwan hon hele vat a lo homakan, ame dâ me subâ luâ but hnyok me hanu, me hna hûjö je jeien unyin me onyen jeien, ke ame ie wâ cicöâ ta je ûnykûme me ta je weny hnyok.

I. Peteru 1:25

Ke haba hofuc hwan Than, me ame tethmâ nyiele balua. Ke wale hofucin ûthumetu ae so adre me khetâ köbun.

I. Peteru 2:3

öbun e ne hia but drem cubecâ a ga betenge bi Than:

II. Peteru 2:20

Anyin adre ne hia but kec ûnyi hnyi ta je ûnyi ae kong hnyi hmeledrany ûnyi ge hnödra hna wâhmakhmetoâ Than At ûhomeli a Iesu Keriso, ke adre me vhet hmetu hnyin me hom ûhnyûkongo, awe, e kong obiny hynat eling hon can.