Heberu 6:2 - Iaai Bible 1901 (New Caledonia)

² ke bongon bapataiso, ke hna ip hnyam, me möt hmetu ûnyi hnyi hna mok, me hna owisa nyiele balua.

Heberu 6:2 ပူးပေါင်းရင်းမြစ်များ

At Khet 12:14

Anyin ame he Khong ka hom ta je huliwa hia ka hnyi hna owisa, ke ta je ûnyi hia ae iyong, ame ne ta je ûnyi ae so, kʼ ame ne ta je ûnyi ae kong.

Isaia 26:19

Ame he ka möt hmetu ta je kokâm; ame he kʼ tot hmetu ta je kokik. Hmak dö, me khumöng dʼ öbun tavat öbun e laba hnyi sesâ: anyin a helâ me dân hau hon ûö ae ometu dân ânyâm hau, ke ame he kânâ ka oâ ta je komok.

Daniela 12:2

Ke se hia tavat adre me mokut eû hnyi kânâ adre me he ka hmak hmetu, keihen ka hnyi möt nyiele balua, ke keihen ka hnyi hmehma me ikikiâ nyiele balua.

Mataio 28:19

Anyin a wale, he thʼ öbun ka bi latök hnyi ta je hnyei hia thithö, me bapataisoi ödra hnyi ien Kamen, me Nokon, me Hanu Kap:

Mataio 3:14

Ke haba Ioane ame bethawâ e, me ha, ka habe, E so u me he bi ka bapataisoi nya, ke u me he but könya?

Mareko 16:16

Haba at ama labageju me adre bapataisoâ, me ame he ka möt; ke haba at ama ca labageju bi, e ame he ka hnaûhango.

Mareko 7:4

ke ûhedra hnyi hna ûcû adre me ca han, ödra ka ca bödra ka soû: ke se hia ta je ûnyi adre me kap me hom, wale he ka hneû ta je utkaia, me je kaia hnân tuluto, me je kaia bras.

Mareko 7:8

Öbun e hna degecâ hnanyibu anyin Khong, me kât hmâ je hna ûne hnen at.

Luka 11:38

Ke haba Faresaio ame wâ, me e ame lâiâ, anyin a ca bân ka soû hnyi ûen ame he ka han.

Luka 12:50

E ka hu bapataiso hobi könya a gʼ adre me he ka bapataisoi nya kâu; e pason anyik, vec ke ne o but ame hwâdâ thö e.

Luka 14:14

ke adre me he ka ohnahici u; anyin ae ca hu gadra ûnyi he ka bi hwaban hmetu köu: anyin adre me he ka bi hwaban köu hnyi ûen möt hmetu a tavat ae wisa hwakecidra.

Luka 3:16

me haba Ioane ame thu kodra hia thithö ka habe, Inya oge me bapataisoi öbun ge köiö; ke ame he ka o at ae nua maniny huk, iny ca ûcû bi he ka thang wen li tangen hnyeûcan: e ame he ka bapataisoi öbun ge Hanu Kap me meic:

Ioane 1:33

Ke oge me ca wâhmakhmeto e: ke haba at a kunö nya he ka bapataiso ge köiö, e ame ha könya, ka habe, Haba hnâm hna he ka wâ Hanu ame gâ ka hnyi hon, me laba hon, wale at ame bapataiso ge Hanu Kap.

Ioane 5:29

me he but; haba tavat adre me mâdrâ so, adre me he ka todrö ka hnyi möt; ke haba tavat adre me ânyâ hulö, me adre me he ka tot ka hnyi hnaûhangö.

Ta je huliwa 10:47

Haba Peteru ame ha, ka habe Ia ae khana he ka behânâ köiö mʼ adre me ca he ka hnyi bapataisoi ödra, tavat adre me hnyi kap Hanu Kap, helâ mʼ öta?

Ta je huliwa 13:3

Ke adre hia but ânyâ ca han me hic, me ip je hnyamödrin hudru, me ödrin e kunʼ ödru but.

Ta je huliwa 16:15

Ke adre hia but bapataisoâ e me anyin lap, me e ame hawʼ ohmun, ka habe, Öbun ka ûnykûme a inya oge me labageju ka Than, me ai öbun ka hnyi umök uma, ka laba. Me e ame thawʼ ohmun.

Ta je huliwa 16:33

Me e ame hum ödru hnyi awainy lit eling me hneû hwadeny je osö; me ödru me bapataisoâ e me anyin hia lap.

Ta je huliwa 17:18

Me ame ivinö me keihen hnyat bemetâ a latö Epikureo, me hnyat Setoiko. Haingen keihen ka habe, Ieû ame he ka ha hnen at ang ame fuc bebehu? Ke haingen keihen, ka habe, Haba e, me helâ me at ame omanenâ ta je khong kanyua: anyin a e ame kheti Iesu ke möt hmetu.

Ta je huliwa 2:38

Haingö Peteru kodra, ka habe, Ietra ju, mʼ adre me ve bapataisoi öbun hnyi iö Iesu Keriso, mʼ adre me thang degecâ but anyibun ta je hulo; me öbun e he bi ka kap bwihlany a Hanu Kap.

Ta je huliwa 2:41

Ke adre me bapataisoâ tavat adre me kap hwan: me adre me bihanen kodra hnyi bong eling helâ me theri thauzan tavat

Ta je huliwa 23:6

Ke a wâhmakhmeto but Paulo a ta je Sadukaio keihen gadra, ke ta je Faresaio keihen, me e ame fuc hwege hnyi ûhnenamö, ka habe, Hnyat me lakeiny lö, iny Faresaio, nokon Faresaio: kʼ adre me hnei nya ge geju ka hnyi möt hmetu ûnyi hnyi hna mok.

Ta je huliwa 24:15

ke oge me geju ka Khong wale adre me kap minya, a gʼ ame he ka möt hmetu tavat ae wisa me tavat ae ca wisa bi.

Ta je huliwa 24:21

ke so bi hofuc ang a khaca, waleji o ge me tot me hongot hnyi wanbödra, ka habe, Öbun e hnei nya hnyi bong ang ge möt hmetu ûnyi hnyi hna mok.

Ta je huliwa 24:25

Ke e ame tiga ha bongon hwakecin ae wisa ke hnyok, ke bong owisa hnyi obiny, me haba Filiki ame öbubuny, me ha, ka habe, Me he thö walang ang; ke e ka hu ûen ae ûcû me oge me he ka hawo u hmetu.

Ta je huliwa 26:8

Ieû gabun öbun e ûnykûme, ka habe, ca hnân bi kap a gʼ ame he Khong ka omelö hmetu thö tavat adre me mokcu?

Ta je huliwa 4:2

adre me kong hnyekudra anyin ödru me nâ tavat, me khetâ möt hmetu ûnyi hnyi mok hnyi iö Iesu.

Ta je huliwa 6:6

adre me otilʼ ödrin hnyi hnyimakan je aposetolo: ke ödrin e hia but hic, me ödrin e ip je hnyamödrin hudrin.

Roma 2:16

hnyi bong ame he Khong ka hnö ta je ûnyi ae iyong anyin tavat, ga Iesu Keriso, hoton anyik ûthumetu ae so.

I. Korinito 10:2

ke adre bapataisoi ödra hia kö Mose hnyi ûlâ me hnyi köiö;

I. Korinito 12:13

Anyin adre bapataisoi öta hia hnân unyin a khaca ûnyi ge Hanu a khaca, a ne at Juda a ne at Heleni, a ne aten hwenbâ, a ne at adre hna bâûâ; ke adre kunʼ öta hia ka ijem ûnyi hnyi Hanu a khaca.

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.

Filipi 3:21

at ame he ka ohâtâ hmetoâ ta je unyita ae kong, mʼ adre me ûcû me unyin ae hmanenang, hoton man at ae khana he ka hom ûhnyûkongoâ ta je ûnyi hia thithö kâu bi.

Kolose 2:12

ke adre me tha konâm më hnyi hna bapataiso, wale adre tha omeli öbun hmetu më ge labageju ka hnyi huliwa anyin Khong, waleji at ame omelö hmetu e ûnyi hnyi hna mok.

II. Timoteo 2:18

tavat ödrin e he monu ûhedra hnyi hnathu, haingödrin, ka habe, a um dö möt hmetu, mʼ ödrin e hagutâ degecâ labageju anyin keihen.

Heberu 11:35

Haba omomo, me adre me kap je kokidra adre omelö hmetu thö: ke haba keihen adre me oveci ödra, ke adre me ca kap bi hna omelö; mʼ adre me he ka hu möt hmetu ae beönua:

Heberu 9:10

anyin a hake e thibi (ta je jeû me hnân ic me hna osûâ ae ve bongon), ta je hwakecin unyin, adre otilâ ke ne o but hnyi ûen he ka ohâtâ hmetoâ.

II. Peteru 3:7

ke haba drany me hmeledrany walang ang, me adre hia but ip ûnyi ge hofuc eling hnân hobi kâu meic, kʼ adre me ip bi ke ne o but hnyi bong owisa me hnaûhango anyin tavat ae ca ûcû hwakecidra me Khong.