Heberu 6:18 - Iaai Bible 1901 (New Caledonia)

¹⁸ mʼ ate me he ka hu hnâu sihwegi öta, ge lo li ûnyi ae ca khana he ka wia, ke ca khana Khong he ka thoi hnyin, wale öta ate me kec ut he ka kât hmâ gejon adre ip hnyi hnyi-maköta;

Heberu 6:18 ပူးပေါင်းရင်းမြစ်များ

Genese 19:22

Logotö, kec dö kâ e, anyin ae ca khanö nya ka ânyâ ke ûnyi u ka tiga ca o e. Anyin a wale adre me hwenyi ien taun e, me Zoara.

I. Je Than 2:28

Ke Joab ame long ûthumetu eling: anyin a hia but Joab he hoton Adonia, ke so bi a ca he hotu Abasoloma bi. Me Joab ame kec ka hnyi Uma Mano umö Jehova, me kât je baitoiny taben hut.

Salamo 110:4

Iehova a hia but khemanyin, kʼ ame ca he bi ka ietra, ka habe, U thibi at bihut nyiele balua helâ me hwakeci Melekisedek.

Salamo 46:1

KHONG thibi hnöta hnabâ me tang hwegiöta, E ûhadruo ae hakekeny hmonyin hnyi vec.

Salamo 62:8

Tavat lö, labageju thö kâu hnyi je bong; Hingâlâ but je hnyekubun hnyi hnyimakan: Khong thibi hnöta hnabâ. [Sela.

Ta je Vejec 3:18

Obiny möt e, ka tavat hia adre me kât e: Ke hnahic tavat adre me kât hmâ e.

Ta je Vejec 4:13

Kât hmâ ju hna ûnö; ca hna: Tuö ju e; anyin a wale melâm.

Isaia 27:5

Ke walang khaca, e so e ame kât tang hwegiök, me me ûsoköu mönya.

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Isaia 56:4

Anyin a walang hna ha hnö Iehova Tuhan ta je eunuka, tavat adre me tuö anyik je sabath, me ûca ta je ûnyi oge me senyinâ, me kât hmâ anyik ûhihinyköu, ka habe;

Isaia 64:7

Ke ba at ame hawâ iâm, me ka bwebwelâ e bi me me he ka kot u: anyin a u je hia but ikhâlâ hnyimâkâm gahmun, ke u je oauʼ öhmun hnen je hwakecin ae monu öhmun e ânyâ.

Zakaria 9:12

Hmetu ju ka hnyi hnabâ, öbun tavat adre ca a tavat gejon: inya oge me ha hnyi bong ang a oge me he, ka ibi olo ham köu.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Mataio 24:35

Ame he ka hia drany me hmeledrany, kʼ ame ca he bi ka hia hok ta je hofuc.

Mataio 3:7

Ke hnyi ûen e ame wâ ta je Faresaio me ta je Sadukaio ae se hia adre me o but ka hnyi anyin bapataiso, me e ame ha kodra, ka habe, Je lakon on lö, ia koû köbun mʼ öbun e he ka kec ge hmonyin ame he ka o?

Luka 2:25

Ke wâ bi, wale ke at hnyi Jerusalema Simeona ien; e at ae wisa hwakecin me outen Khong, ame halubahingen hna otubwelâ at Isaraela: ke e Hanu Kap hnyi hon.

Roma 15:5

E so e ham köbun hnen Khongon lingvec me kaukahwa he ka tha hnyok hoton Keriso Iesu:

Roma 3:25

a hut ame oâ hnen Khong, deny labageju ka hnyi dren, mʼ adre me he ka omanenâ hwakecin ae wisa ûnyi hnyi hnen hna thang ut ta je hulo adre ânyâ ehac, ûnyi hnyi hokhnyok beû hmâ anyin Khong;

Roma 3:4

Ohe; eja ke ne a ne thoi tavat hia, me so e me hnathu bala bi Khong; helâ me hna sihnalimen, ka habe, Mʼ u me he ka wisa hnyi hwâm ta je hofuc Me tom, at ka he ka hnei u.

Roma 5:5

ke haba gejon ame ca ohmehma bi; anyin adre hia but hingâlâ ka hnyi je hnyekuta ibetengiö anyin Khong ûnyi ge Hanu Kap waleji adre ham köta.

Filipi 2:1

ANYIN a wale a ne e unyin Keriso ûökahwa, me otubwelâ hnyi betenge, me tha hnyok unyin Hanu, ame ne ta je ibetengiö ae menyik, me vec betenge,

Kolose 1:23

öbun e ne tethmâ hnyi labageju, adre bi taben, me ohmʼ öbun, ke ca bwebwet ûnyi hnyi gejon ûthumetu ae so öbun e löng, waleji adre khetâ ka tavat hia thithö eang hmeledrany; ke inya Paulo adre wiö nya me me at huliwan.

Kolose 1:27

ke e weny Khong he ka omanenâ kodra ûganiny hmanenanginy ûnyi eling ae iyong unyin Aten ke je hnyei, wale Keriso eû hnyi je hnyekubun, a gejuiny hnahic:

Kolose 1:5

ûnyi hnyi gejon adre ip ethö hnyi drany hobi köbun, waleji öbun e long ehac hnyi hofuc ae hnathu hnyi ûthumetu ae so,

I. Thesalonika 1:10

me he ka halubahingen Nokon ûheny hnyi drany, waleji e ame omelö hmetu thö ûheny hnyi hna mok, a Iesu at ame omeli öta ûnyi hnyi hmonyin ame he ka o.

I. Timoteo 1:1

INYA Paulo aposetolo anyi Iesu Keriso, hoton musi anyin Khong, At a omeli öta, me Keriso Iesu, hnöta hna geju kâu;

I. Timoteo 6:12

Vâtâ thö vat ae so anyin labageju, kât hmâ ju möt ame ca ba balua, waleji adre me hawʼ u kâu, me hnâm hna haimemenâ so hnyi hnyimakan tavat ohnatho ae se.

II. Timoteo 2:13

ke ate ne ca hnathu, me hnathu bala bi e; anyin e ca khana he ka hamen ivinoâ e bi.

Tito 1:2

hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

Heberu 3:11

Me oge me khemanyik waleji hnyi anyik hmonyin, ka habe, Adre me ca he ka dit ka hnyi hnok hna menâ.

Heberu 3:6

ke so bi Keriso ame musi hnyi hnyaban, helâ me nokon; ke haba öta bi hnyaban eling, öta ka he ka kât hmâ ke ne o but obiny tang hwege me senyin hnyi geju.

Heberu 6:17

Waleling me me weny Khong he ka ti omanenâ ka ta je mâtrâniny hna ha bânâ, anyin musi a gʼ ame ca wia, me e ame bi hanen ju ge khemanyin:

Heberu 7:19

(anyin ae ba ke ûnyi ame obekhotâ hnen hnanyibu), mʼ adre me oâ gejon ae beönua, wale deny mʼ ate me hakekeny ka Khong.

Heberu 7:21

(anyin adre hia but wiʼ ödra hnân at bihut, ke ba khemanyinâ; ke adre me wia e ge hna khemanyin hnen at ame ha gan, ka habe, Haba Than ame khemanyin kʼ ame ca he bi ka ietra, A u thibi at bihut nyiele balua):

Josua 20:3

me me kec ka hnyin at ame hlingâ at, wale a hlingâ at kʼ ame utöteta ke ca khana: ke haba je dok e me hnân lubaduöng hnyin hobi köbun ûnyi ge at ame bi hwaban komok.

I. Ioane 1:10

Ate me ne ha, ka habe, ate me ca hia but hnyi ânyâ hulo, awe, ate me wia e me at thoi bi, ke haba hwan hofuc, me ca eû hnyi je hnyekuta.

I. Ioane 5:10

Haba at ame labageju ka Nokon Khong, me e hu but eû hnyi hnyekon hna ohnatho: haba at ame ca labageju ka Khong, me ame hai thoiâ e; anyin a e ame ca hia but kap hnen Khong hna ohnathoâ Nokon.

I. Samuela 15:29

Ke haba khaca, ame ca he ka thoi me ietra Man mani Isaraela: anyin a ca at, me me ietra.