Heberu 5:9 - Iaai Bible 1901 (New Caledonia)

⁹ ke adre me obekhötâ e, me adre me wia e hnân hwecin möt ame ca ba balua kodra hia adre me long kâu;

Heberu 5:9 ပူးပေါင်းရင်းမြစ်များ

Salamo 45:17

Oge me he ka oûnykumeâ iâm hnyi je dö hia: Anyin a wale, ame he tavat ka oleâ köu nyiele nyiele balua.

Salamo 51:6

Wâ bi, e bewem hnathu eû hnyi hnyok. Ke u me he ka okhanö nya ge metâ hnyi dok ae iyong.

Salamo 51:8

Olöngi nya ju ge senyin me hobâ; Me me senyin dö je jeien waleji u je thuthu.

Isaia 45:22

Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Isaia 55:3

Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.

Daniela 9:24

Sevente je wik adre me thu ka hnyi em hnyei, ke ânyâm taun ae kap, mʼ adre me obekhötâ hna hanyâûâ, me bi obiny je hulo, me tube hwakecin ae monu, mʼ adre me oâ wisa a nyiele balua, me ohmâ haten hna omanenâ ke hna perofeta, me hû dok ae ti kap.

Zakaria 6:15

Ke ame he tavat ûhedra sâkâû ka o me op uma umo Iehova, me öbun e he ka wâ a ga kunö nya köbun Iehova tuhan sabaoth. Ke ame he ka, aat e, öbun e ne long wia ifuci Iehova Khongubun.

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Luka 13:32

Ke e ame ha ködrin, ka habe, He thʼ öbun ka ha ka alope e, ka habe, Wâ bi, inya oge me obâ ta je demoni, me omelö ta je mok hnyi bong ang me nyi, ke hnyi bong we oge me he ka oumo.

Ioane 19:30

A hia but Iesu kap vinega, me e ame ha, ka habe, A um dö: me e ame khudrung ju, me hna but hanon.

Ta je huliwa 3:15

ke öbun e hlingâ Thaniny möt; wale hnen Khong hna omelö hmetu ûnyi hnyi hna mok; ke ohmun e ohnathoâ ûnyi e.

Ta je huliwa 4:12

Ke ba ûhomeli ge ke at bi: anyin ae ba ke ien eang hmeledrany adre ham ka at, ae khana he ka omeli öta.

Ta je huliwa 5:32

Ke ohmun ang hnyat ohnathoâ ta je ûnyi e; ke helâe minya Hanu Kap, waleji hnen Khong hna ham kodra tavat adre me long hoton.

Roma 1:5

öhmun e kap betenge baû a deny e, me hanymen aposetolo, mʼ adre me he ka long hoton hna labageju hnyi ta je hnyei hia ûnyi ge ien:

Roma 10:16

Ke adre me ca long hia hoton ûthumetu ae so. Anyin a haingö Isaia, ka habe, Than lö, ia ame kap anyihmun ûthumetu?

Roma 15:18

Anyin oge me ca he ka hwege ka ha ke ûnyi, wale ame ca tha mâdrâ mönya Keriso hnân okûâ ûling ka Aten ta je hnyei, hnen hofuc me huliwa,

Roma 2:8

ke hmonyin me wathethot ka tavat adre me hûkötö, me tavat adre me ca long bi hnathu, ke adre me long hoton hwakecin ae ca wisa,

Roma 6:17

Ke oleâ ju ka Khong, anyin a öbun e bi athnyabainy hulo ehac, ke walang ang öbun e long ge hnyekubun hoton tulutiny hofuc adre me hnʼ öbun ka hnyin;

II. Korinito 10:5

ame hagutâ ta je ûnykûme me ta je ûnyi hia ae görany ame ûö bi ûnyi ûcon wâhmakhmetoâ anyin Khong, me hom hwenbâ ta je ûnykûme hia, me me long hoton Keriso;

Filipi 2:12

Anyin a wale, je oûnykûmik lö, helâji me hnobun hna labö long gak, ca hake e thibi waleji ke inya unyibun, ke ti gan hmâ walang ang ke hiö nya, awe, huliwan dö hna omeli öbun ke ot me öbubuny;

II. Thesalonika. 1:8

hnyi meic ame ubâhlâ, he ka bi hwaban ka tavat ae ca khanʼ ödra Khong, me ka tavat adre me ca long hoton ûthumetu ae so anyin Tuhöta Iesu Keriso:

II. Thesalonika. 2:16

Ke hanymen Tuhöta Iesu Keriso, me Khong a Kamöta at ame betenge gata me ham köta hnahic ame ca ba balua me geju ae so hnyi ibetengiö baû,

II. Timoteo 2:10

Anyin a wale, inya oge me hokhnyokâ ta je ûnyi hia hobi kâu tavat adre ûca, me me hu minya thö kodra möt a e unyin Keriso Iesu, tha e me hmanenang ame ca ba balua.

Heberu 1:14

Hawa, ca je hanu adre bi athnyaba ödra hia, kʼ adre kunʼ ödra he ka bi athnyaba hobi kodra adre me he ka hu möt bi?

Heberu 11:40

ke haba Khong ame penapena ûnyi ae beönua hnân hobi köta, mʼ adre me ca he bi ka bekhöt e ka hiʼ öta.

Heberu 11:8

Hnen labageju Aberahama ame löng hoton, waleji adre hawâ he ka he ka hnyi ke hnyei e ame he ka hu me hnân hwajekhon; me e ame he thö ke ca khana dok e ame he ka hnyin.

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

Heberu 2:10

Anyin ae ûcû kâu, wale at a hobi kâu ta je ûnyi hia, ke ûnyi gan ta je ûnyi hia, hnyi hnen hna hom lakon a ödra se hia ka hnyi hmanenang, e ûcû kâu he ka obekhotâ tuhan anyidra möt hnen ta je vec.

Heberu 2:3

ate me he ka kâmâu ka kec möt ut, öta ka ca oûnyihnatho möt ae nua helâe? waleji a bân Than ka ha, me ame ohnatho köta hnen tavat adre hnyi löng;

Heberu 9:12

ke ca ûnyi minya bi ge dren ta je got, me nokon kau, ke ûnyi ge hing dren bi, e ame okhaca dit ka hnyi dok ae kap, anyin a hia but ûco möt ame ca ba balua.

Heberu 9:15

Ke anyin a wale, e thibi at ûsoköu hnyi ûhihinyköu ae teb ûnyi me me he tavat adre hawâ ka kap hna ha bânâ wale jekhoû ame ca ba balua, anyin ae hu mok hnân bi hwaban ta je hna hanyâûâ hmelen ûhihinyköu a bân.

Heberu 9:28

helâe minya Keriso, adre me okhaca hudo e he ka vadren ta je hulo anyin tavat ae se hia, me e ame he ka olo manen ka tavat adre me halubahingen e, ke ca ha bi ge hulö, ke hnân omelö.

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

Juda 1:21

ke tuʼ öbun ju hnyi ibetengiö anyin Khong, ke halubahingen ju öbun ibetengiö baû anyin Tuhöta Iesu Keriso, ke ne o but ka hnyi möt ame ca ba balua.