Heberu 5:7 - Iaai Bible 1901 (New Caledonia)

⁷ Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,

Heberu 5:7 ပူးပေါင်းရင်းမြစ်များ

Salamo 22:24

Anyin a e ame ca hiniân me hûkötö ge vec anyin tavat ae vec; Ke khaca e ame ca ikhâlâ hnyimakan gan; Ke hnyi ûen e ame tenge kâu, ame long.

Salamo 69:1

KHONG lö, omeli nya thö, Anyin ame o but ta je di ka hanuk.

Salamo 88:1

IEHOVA lö, Khongon melik, Oge hia but hongot köu hnyi lany me lit:

Isaia 49:8

Walang hna ha hnö Iehova, ka habe, Oge me thu köu hnyi ûen ae ûcû, ke oge me hadruo u hnyi bonginy möt: ke oge me he bi nya ka tuö u, me hnö u hnân ûhihinyköu me tavat, he ka ogöranyâ hnyei, me olabʼ ödra hnyi hnyei ae ba aten:

Isaia 53:11

E ame he ka wâ ivecin hanon me sekunâ: kʼ ame he athnyabaik ae wisa ka owisa tavat ae se hia ge hnen hna wâhmakhmeto: ke e ame he ka vadren anyidra ta je hulo.

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Levitiko 2:2

ke e ame he ka hom e ka laku Arona a hnyat bihut: ke e ame he ka okhaca aoc salawa, me ke keihen wakacoiny, me libanuiny hia; kʼ ame he at bihut ka le e hnân oûnykûmeâ hon taben hut, wale hut a an ge meic, ae bo so kö Iehova:

Mataio 27:46

Ke helâke me hnyi awa a naininy Iesu ame hongot hwege, ka habe, Eli, Eli, lama sabakethani? walang bongon, ka habe, Khonguk, Khonguk lö, ieû gam u me hnö nya but?

Mataio 27:50

Ke a hia but Iesu hongot hmetu, me e ame hna but hanon.

Mareko 15:34

Ke haba hnyi awa a naininy, Iesu ame hongot hwege, ka habe, Eloi, Eloi, lama sabakethani? bongon adre wia, Khonguk, Khonguk lö, ieû gam u me hnö nya but?

Mareko 15:37

Ke a hia but Iesu hongot hwege, me e ame mokcu.

Luka 23:46

Ke haba Iesu ame hongot hwege me ha, ka habe, Cica lö, inya oge me hna but hanuk ka hnyi li hnyamâm: ke a hia but ha hofuc e, e ame mokcu.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 11:35

Iesu ame tenge.

Ioane 11:42

Ke e khanö nya a u me ling nya bala: ke oge me ha anyin a ödra se adre me tot igigili nya, mʼ adre me he ka kap a u je kunö nya.

Ioane 17:1

IESU ame ha ta je ûnyi e; ke e ame bwele hnyi drany ai me ha, ka habe, Cica lö, a o but ûen; ogânâ thö Nokom, me me oganö u minya bi Nokom:

Roma 8:3

Anyin a haba ûnyi ae pason ka hnanyibu, can ae sënyin ûnyi ge unyin, me haba Khong ame kunâ hing Nokon, helâ unyin ae kong, ke hnân hudiny hulo, me me ohnaûhangoâ hulo ûnyi hnyi unyin:

Galatia 4:4

ke ame o but ûen adre thu, me haba Khong ame kunâ Nokon, adre hnokoâ hnen momo, a hnokoâ hmelen hnanyibu,

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

Heberu 10:10

Ke adre we okabi öta hnen weny eling, hnyi hna okhaca hudo unyi Iesu Keriso.

Heberu 10:5

Anyin a wale, e ame ha hnyi ûen e ame o eang hmeledrany, ka habe, E ca wem bi hut adre me hlingâ me hut, Ke u je penapena unyin hobi könya;

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

Heberu 12:28

Anyin a wale, ate me kap dokhu ae ca khanʼ ödra he ka obwebwelâ, me so ate me he ka hu ibe-tengiö baû, mʼ ate me he ka ânyâ huliwa ame he Khong ka senyinâ, me ogânâ e me ot:

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Heberu 2:14

Ke haba lakon, me adre me khaûʼ ödra ge viny me dren, awe, helâe minya e ame munyi helâe; me me he ka ohia hnen mok at ae tren maniny mok, wale diabolo;

I. Ioane 4:3

ke haba ta je hanu adre me ca haiö Iesu, me ca ûnyi bi ge Khong ödra: ke wale hanon iwahnaihmiony me Keriso, waleji öbun e löng a gʼ ame he ka o; ke e bi walang ang hnyi hmeledrany.

II. Ioane 1:7

Anyin ae se hia tavat iyawo eang hmeledrany, hnyat adre me ca hmehmelâ a ga o Iesu hnyi unyin. Haba at eling ame omono, ke iwahnaihmiony me Keriso.