Heberu 5:4 - Iaai Bible 1901 (New Caledonia)

⁴ Ke ba at ame hom bâûâ hanymen eling ae meic, ke so thibi at ame hawâ hnen Khong helâ me hna hawo Arona.

Heberu 5:4 ပူးပေါင်းရင်းမြစ်များ

I. Man Ûlabainy Je Than. 23:13

Haba li laku Amerama; me, Arona, me Mose; ke adre me hake ip Arona me me he ka okabâ ta je ûnyi ae ti kap, a e me lakon nyiele balua, he ka leû utö ae bo so hnyi hnyimakö Iehova, me huliwa kâu, me hahnahicâ tavat hnyi ien nyiele balua.

II. Man Ûlabainy Je Than. 26:18

me ödrin e tot kö Uzia than, me ha kâu, ka habe, Uzia lö, ca hanymâm bi e, wale he ka leû utö ae bo so kö Iehova, ke so bi hanymen tavat bihut a je mâtrâni Arona, tavat adre okabâ he ka leû utö ae bo so: didrut ûnyi hnyi dok ae kap; anyin a u je hia but hanyâûâ; ke ca hnân e oganö u ûnyi ga Iehova Khong.

Ezera 7:5

nöku Abisua, nöku Fineasa, nöku Eleazara, nöku Arona at bihut ae beönua:

Esodo 28:1

KE hom dö köu Arona a tuhâm me je lakon a tha odrin me, ûnyi hnyi lakon Isaraela, mʼ odrin e he ka huliwa könya hnyi je hanymen at bi hut; Arona, me Nadaba, me Abiu, me Eleazara, me Ithamara, a je laku Arona.

Levitiko 8:2

Hum Arona thö tha e me lakon, me je ûkhaû, me wakaco hnân hû, me bolok hnân hudiny hulö, me li mamoe baga, me tangen areto adre ca levenâ bi;

Numera 16:10

ke e ame! hia but ohakekenyi u me je liamekeiny mou a je laku Levi? ke öbun e behom minya hanymen at bihut?

Numera 16:35

Ke ame o but meic ûnyi ga Iehova me le degeci ödrin a tu haded ke fifte, hnyat ödrin e hudo ûnyi ae bo so.

Numera 16:40

me hnân oûnykûmeâ ka lakon Isaraela, me me ca he ka hakekenyâ ge atkanyua a ca hanen je mâtrâni Arona, he ka hudo ûnyi ae bo so kö Iehova; me me ca he ka helâ me Kora me lahien, hoton hofuc ho Iehova kâu a deny Mose.

Numera 16:5

ke e ame ha kö Kora mödrin hia a tha e mē, ka habe, Nyi ame he Iehova ka omanenâ lahien, me tavat ae i kap, me ohakekenyâ kâu: eke, haba at e ame ûca me e ame he ka ohakekenyâ kâu.

Numera 16:7

me ip meic hnyin, me aoc je ûnyi ae bo so ka hnyin hnyi hnyimakö Iehova nyi: ke haba at a ûca hnö Iehova, me wale at ae kap: ke öbun e bi gan, öbun laku Levi.

Numera 18:7

Ke u ma he me lakom a tha ödrin mou ka tuö hanymen a hnöbun hna bi hut ta je ûnyi hia hnyi taben hut, me ta je ûnyi eiö hnyin singiny; ke! öbun e he ka huliwa: Inya oge me ham köbun hanymen at bihut helâ me huliwa adre ham: kʼ adre me he ka hlingâ atkanyua at ame hakekenyâ.

Numera 3:3

Wale je ien laku Arona, a hnyat bihut adre hû, waleji e ame otilâ hnân bi hut.

Ioane 3:27

Haba Ioane ame thu kâu, ka habe, E ca khana at he ka kap ke ûnyi, adre ne ca ham bi kâu ûnyi hnyi drany.