Heberu 5:2 - Iaai Bible 1901 (New Caledonia)

² at ae khana he ka huliwa menyik ka tavat ae ba metâ gadra, me tavat ae monu, anyin ame igigiloâ e minya hnen ta je sënyin;

Heberu 5:2 ပူးပေါင်းရင်းမြစ်များ

Esodo 32:8

adre hia but ie saû ûnyi hnyi gethen waleji oge hûna ködra; kʼ adre hia but ânyâ hobi ködra nokon kau adre oköiâ, me khudrung kâu, me bi hut kâu, me ha, ka habe, Isaraela lö, walang khongom, at ame hum u ûnyi hnyi hnyei Aigupito.

Isaia 29:24

Me ame he tavat ae monu hnyekudra ka wâ metâ, kʼ ame he tavat ulit ka ûnö hna ûnö.

Isaia 30:11

kec dö ûnyi hnyi gethen, saû but ûnyi hnyi deny, ohia but ûnyi hnyi hnyimaköhmun Kabi Isaraela.

Luka 22:32

ke oge me hic hobi köu, me me ca he bi lea hia ânyâm labageju: ke u ka hmetu thö, sihwegiâ je liamekeiny möu.

II. Korinito 11:30

A ne ûcû könya he ka hobeluâ, me oge me he ka hobeluâ ta je ûnyi oge me sēnyinâ.

II. Korinito 12:5

Oge me he ka hobeluâ at a helâe: ke oge me ca he ka hobeluö nya bi, ke so bi hnyi anyik ta je sënyin.

Galatia 4:13

ke e khanʼ öbun a oge bök ka khetâ evangelia köbun, kʼ ame sënyin unyik:

Efeso 4:18

adre me olidrâ je ûnykûmenödra, me atkanyua but ge ûhomeli anyin Khong anyin ae ca khanʼ ödra, anyin adre ohnâkâ je hnyekudra;

I. Timoteo 1:13

ke haba bi ehac, me, iny at bi gan, me ûöveci, me at ame okongoâ: ke e ame betenge gak, anyin a oge me ânyâ hnyi ca khanö nya, me hnyi hnok hna ca labageju;

Heberu 12:13

me owisa but ta je gethen hobi kâu je cabun, me me ca he ka khikhin can ae mat, ke so bi he ka hwege hmetu bi.

Heberu 2:17

Wale me ka hamen e he ka wia e hēlâ me je liamekeiny më hnyi ta je ûnyi hia thithö, me me he ka at bihut ae nua ae betenge me hnathu hnyi ta je ûnyi anyin Khong, me me he ka hut bi, hnân ohia ta je hulo anyin tavat.

Heberu 2:18

E ûcû kâu he ka hadru ödra adre cubic ödra, anyin a e ame hom vec hnyi hna cubec.

Heberu 4:15

Anyin ae ca hu bi gata at bihut ae nua at ame ca hnyi vec hnyi anyita ta je sënyin; ke so bi at adre hia but cubec ge ta je ûnyi hia thithö helâ möta, ke ba bi anyin hulo.

Heberu 7:28

Anyin a hnanyibu ame otilâ tavat ae sënyin hnân tavat bihut ae nua; ke haba hofucin hna khemanyin, waleji hwaban hnanyibu, me ame otilâ Nokon adre obekhöta nyiele balua.

Heberu 9:7

ke haba hnyi uma menâ a loiny, ame hake dit at bihut ae beönua, a okhaca hnyi huna, ame ca he baû bi ke ame hom dra minya, wale e ame hudo hobi kâu bi, me ta je monu minya anyin tavat:

Iakobo 5:19

Hnyat me lakeiny mönya lö, a ne monu ke at ûnyi hnyi hnathu, kʼ ame ohmetuhmetoâ e hnen ke at;

I. Peteru 2:25

Anyin a öbun e he monu ehac helâ me ta je mamoe adre monon gethen; ke walang ang öbun e hmetuhmetu ka At tuö mamoe, me Pisopiny ta je hanubun.

Owisa 2:17

Ke ödrin e ca long ka tavat owisa kö drin, ke ödrin e bi ûnyi monu me je khong monu, me khudrung ködrin: ödrin logot saû ûnyi hnyi gethen a vheno lakamödrin waleji adre long hnanyibu anyi Iehova; ke ödrin e ca ânyâ bi helâe.