Heberu 5:12 - Iaai Bible 1901 (New Caledonia)

¹² E ûcû köbun he ka ûne ka tavat anyin ae kuebun dut, ke so bi e ûnyi hnathu a gʼ ame he hmetu ke at ka nʼ öbun ge ta je taben hna ûne a bân hnyi hofuc hwan Khong; kʼ öbun ûcû hmetu he ka ic debai, ke ca he ka han jeû bi.

Heberu 5:12 ပူးပေါင်းရင်းမြစ်များ

II. Samuela 16:23

Ke haba ûhnenamö anyi Ahithofela, wale e ame ûhnenamö hnyi je bong eling, e bi helâ ke at ame hnö hnyi hofuc hwan Khong: helâe minya bi je ûhnenamö hia anyi Ahithofela ga Davita me ga Abasoloma.

Ezera 7:10

Anyin a Ezera ame penapena hnyekon he ka elâm hnanyibu anyi Iehova, me ânyâ, me he ka ûnö hnyi Isaraela je hnanyibu me je hna owisa.

Salamo 34:11

Ai öbun je wanakat, ling nya ju: Me oge me he ka nʼ öbun ge bongon he ka outö Iehova.

Isaia 28:13

Anyin a wale ama e bi kodra hofuc ho Iehova, a hna ûnö, me ke hna ûnö, hna ûnö, me ke hna ûnö; tulut me ke tulut, tulut me ke tulut; hnyiban ang ae ûhnyûkong, me hnyiban e ae ûhnyûkong; mʼ adre me he ka he me ta hnyimen goranyai, me hmetru, me hnok, me ca.

Isaia 55:1

E ÖBUN hia tavat ae beic lö, ai öbun ka hnyi je an, ke at ae ba mone; ai öbun, ûco ju, ke an ju; eke, ai öbun ûco ju waina me debai, ke ca ge mone bi, ke ca ge hwaban.

Mataio 17:17

Ke haba Iesu ame thu me ba, ka habe, Dö ame ca labageju bi, ke hwali lö, oge me he ka tha e möbun ke ne o but kehö? oge me he ka hokhnyoki öbun ke ne o but kehö? hö jem könya.

Mareko 9:19

Me e ame thu ködrin, ka habe, Dö ame ca labageju lö, oge me he ka tha inya möbun ke ne o but kehö? oge me he ka hokhnyoki öbun ke ne o but kehö? hö jem könya.

Ta je huliwa 7:38

Waleji at ae hnyi ûkhacakâu hnyi hnyebuba tha e me angela at ame fuc kâu hnyi bucen Sinai, me tha e me lakamöta: at ame kap hofucin möt he ka ham köta:

Roma 3:2

E gan hmâ hnyi ta je hwakecin hia: walang a bân, a gʼ adre hna kodra ta je hofuc hwan Khong.

I. Korinito 14:19

ke so bi, e wek oge me he ka ha ka ekalesia ta je hofuc a thabûng hnen ûnykûmenök mʼ oge me he ka nâ keihen, hon ta je hofuc a ten thauzan hnyi hwen ke hnyei.

I. Korinito 14:20

Hnyat me lakeiny lö, ca hnyok wainkong bi Öbun hnyi ûnykûme: ke so bi hnyok mendreng hnyi ûokonguny, ke hnyok at hnathu but hnyi ûnykûme.

Galatia 4:3

Helâe minya öta, waleji kʼ öta tiga je wanakat, me adre me musi öta hnyi je hna ûne a bân anyin hmeledrany:

Filipi 3:1

HNYAT me lakeiny lö, walang obiny, ka habe, senyin dö hnyi Than. E ca gan huliwa könya he ka sihnalimen köbun ta je ûnyi a khaca bongon, ke so bi hnân otethmʼ öbun.

Kolose 3:16

E so e he hofuc hwan Keriso ka laba hmâ hnyi je hnyekubun me metâ hia; ûnöbunköu öbun ju ge ta je salamo, me ta je khumöng, me ta je fehuâ ûnyi hnyi hanu, khumöng dö ka Than me ibetengiö eû hnyi je hnyekubun.

Heberu 10:32

Ke ûnykûme thʼ öbun je bong eji a bân, wale hwaban hna omelami öbun, mʼ öbun e hokhnyokâ ju vat ae gan hmâ a ta je vec;

Heberu 5:11

E hu but gahmun ta je hofuc ae se hia he ka hâiâ e, ke hmak bi he ka ha bongon, anyin a öbun bec ka löng.

Heberu 5:13

Anyin a haba at ame ic debai, me ca metâ bi hnyi hofucin hwakecin ae wisa; anyin a e mendreng.

Heberu 6:1

ANYIN a wale, e so ate me umo hâiâ hna ûne a bân ge bongon Keriso, mʼ ate me he bi ka hnyi bongon ae bekhöt; ke ca he hmetu bi ka ip taben ietra hnyi ta je huliwa ae mok, ke labageju ka Khong,

I. Peteru 2:2

beweny dʼöbun debai a cökiny hanu ae ba thoi hnyin, helâ me ta je mendring a teb o, mʼ öbun e he ka hûhûö thö gan ka hnyi möt;

I. Peteru 4:11

a ne fuc ke at, fuc dö helâ me hofuc hwan Khong; a ne huliwa ke at, huliwa helâ me man ame ham ge Khong: mʼ adre me he ka ogânâ Khong hnyi ta je ûnyi hia thithö ga Iesu Keriso, e unyin hna ogânâ, me musi nyiele nyiele balua. Amen.