Heberu 5:11 - Iaai Bible 1901 (New Caledonia)

¹¹ E hu but gahmun ta je hofuc ae se hia he ka hâiâ e, ke hmak bi he ka ha bongon, anyin a öbun bec ka löng.

Heberu 5:11 ပူးပေါင်းရင်းမြစ်များ

I. Je Than 10:1

KA long ut momo than Sheba lung anyi Solomona hnyi iö Iehova, me e ame o but he ka cubec ge je hofuc ae iyong.

Isaia 6:10

Opipikhenya ju hnyekon tavat eang, ke owejijö but ta je hnyikönyödra, ke omûko but ta je emakö-dra; wâ adre nye wâ ge ta je emaködra, me long ge ta je hnyikönyödra, me khana ge je hnyekudra, me hwio hmetu bi, me metu but.

Mataio 13:15

Anyin ame khot ut hnyekon, tavat ang, Ke hmak je hnyikönyödra he ka long, Kʼ adre mook ge je emaködra; Wâ adre nye wâ ge je emaködra Me long ge je hnyikönyödra, Me wâ ûnykûme ge hnyekudra, Me hmetuhmetu but, Mʼ oge me he ka omeli ödra.

Mareko 8:21

Me e ame ha ködrin, ka habe, Öbun e ca wâhmakhmeto bala bi?

Luka 24:25

Me e ame ha ködru, ka habe, Öbu li monu, me bec li hnyekubu he ka kap hia je hna ha hnen ta je perofeta!

Ioane 16:12

E hu bala gak ta je hofuc ae se hia he ka ha köbun, ke ca khanʼ öbun he ka kap walang ang.

Ioane 6:6

Kʼ ame ha e he ka cubec e: anyin ae khana ûnyi ame he ka ânyâ.

Ta je huliwa 28:27

Anyin ae pipikhenya but hnyekon tavat ang, Ke hmak je hnyikönyödra he ka long, Ke mook ji emaködra; Wâ adre nye wâ ge je emaködra, Me long ge je hnyikönyödra, Me wâ ûnykûme ge je hnyekudra, Me hmetuhmetu but, Ke wâ oge nye he ka omeli ödra.

Heberu 5:10

a otilâ e hnen Khong me me at bihut ae nua helâ me bongu Melekisedek.

Heberu 5:12

E ûcû köbun he ka ûne ka tavat anyin ae kuebun dut, ke so bi e ûnyi hnathu a gʼ ame he hmetu ke at ka nʼ öbun ge ta je taben hna ûne a bân hnyi hofuc hwan Khong; kʼ öbun ûcû hmetu he ka ic debai, ke ca he ka han jeû bi.

II. Peteru 3:16

ke helâe hnyi anyin ta je tusi ame ha hnyin ta je ûnyi e; ke wale thibi e ke je hofuc ae hmak he ka wâ tremângâ, adre wia hnen tavat adre ca nâ me tavat loloâ, helâe minya ke je hna sihnalimen, mʼ adre me ka ohnaûhangʼ ödra bi.