Heberu 5:1 - Iaai Bible 1901 (New Caledonia)

¹ ANYIN a haba tavat bihut hia ae nua adre ûca unyin tavat, me adre otilâ hobi kâu tavat hnyi ta je ûnyi anyin Khong, me me he ka hudo ta je bwihlany me ta je hut can ta je hulo:

Heberu 5:1 ပူးပေါင်းရင်းမြစ်များ

Levitiko 8:2

Hum Arona thö tha e me lakon, me je ûkhaû, me wakaco hnân hû, me bolok hnân hudiny hulö, me li mamoe baga, me tangen areto adre ca levenâ bi;

Levitiko 9:7

Ke haingö Mose kö Arona, ka habe, He thö ka hnyi taben hut, me hudo thö hudiny ânyâm hulö, me ânyâm hut adre le, me bi hwaban ânyâm möt, me melen tavat: ke hudo hut anyin tavat, me bi hwaban anyidra möt, helâ me hna hûna hnö Iehova.

Roma 15:17

Anyin a wale e hu gak hnân he ka ohobeluâ ge ta je ûnyi anyin Khong ga Iesu Keriso.

I. Korinito 15:3

Anyin oge me bök ka ham köbun ûnyi oge me kap, a gʼ ame mok Keriso can anyita ta je hulo helâ me hna sihnalimen;

Heberu 10:11

Ke haba tavat bihut hia, me adre me tot hnyi je bong balua me bi athnyaba, me hudo bala je hut a khaca ien, wale a ca khana he ka ohia hulo:

Heberu 10:12

ke haba e, hwaban hnen hna hudo hut a khaca can ta je hulo nyiele balua, me e ame laba ju hnyi ke keihen metân Khong;

Heberu 11:4

Hnen labageju Abela ame hudo ka Khong hut ae nua hon hut anyi Kaina, me adre me ohnathoâ e hnen e a e wisa, ke Khong ame ohnathoâ ge anyin je bwihlany: a mok ut e, kʼ ame fuc bala bi hnen e.

Heberu 2:17

Wale me ka hamen e he ka wia e hēlâ me je liamekeiny më hnyi ta je ûnyi hia thithö, me me he ka at bihut ae nua ae betenge me hnathu hnyi ta je ûnyi anyin Khong, me me he ka hut bi, hnân ohia ta je hulo anyin tavat.

Heberu 7:27

ke ca ûnyi hnathu bi kâu hnyi je bong he ka helâ me tavat bihut eling ae nua he ka bân ka hudo can anyidra ta je hulo bi, ke biliny bi hobi kâu hulo anyin tavat; anyin e ame okhaca ânyâ eling, hnyi hnen hna hudo e bi.

Heberu 8:3

Anyin adre otilâ tavat bihut hia ae nua, mʼ adre me he ka hudo ta je bwihlany me ta je hut: anyin a wale, e ûcû kâu he ka hu ke ûnyi minya hnân he ka hudo.

Heberu 8:4

Ke ame ne laba eang hmeledrany, ame ne ca he ka at bihut, anyin ae hu tavat he ka hudo ta je bwihlany hoton hnanyibu;

Heberu 9:9

wale ûhoûcû hnyi ûen eang; waleji hnyi hnödra hna labö hudo ta je bwihlany me ta je hut, ae ca khana he ka obekhötâ at ame hmi, ge anyin ûnykûm sa,