Heberu 4:3 - Iaai Bible 1901 (New Caledonia)

³ Ke haba öta tavat ate me labageju, me ate me dit ka hnyi hna menâ; helâ me hnen hna ha, ka habe, Helâji me hnok hna khemanyik hnyi anyik hmonyin, Me adre me ca he ka dit ka hnyi hnok hna menâ: ke so bi a um dö ta je huliwa hwân hnyi hna bi taben hmeledrany.

Heberu 4:3 ပူးပေါင်းရင်းမြစ်များ

Genese 1:31

Ke Khong ame wâ ta je ûnyi hia thithö e ame ânyâ, ke wâ bi, e so hmönyin. Ke e hu sahac me e hu hnyomakatu, wale bong a siksiny.

Salamo 95:11

Anyin a waleji oge me khemanyin hnyi anyik wathethot, ka habe, Adre me ca he ka dit ka hnyi hnok hna menâ.

Esodo 20:11

anyin a Iehova ame op hnyi siks ta bong drany me hmeledrany, me köiö me ta je ûnyi hia eû hnyin, kʼ ame menâ hnyi bong a seveniny: waleling me me hahnahicâ bong sabath hnö Iehova me o kbâ.

Isaia 28:12

walegi e ame ha kodra, ka habe, Walang hna menâ, omenâ ju at ae sēnyin; ke walang hnahic: ke so bi ödra höcö bi long.

Jeremia 6:16

Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.

Ezekiela 20:38

ke oge me he ka kot degecâ tavat ûkhin fuc unyibun, me tavat ae kong hwakecidra könya; oge me he ka lili ödra ûnyi hnyi hnyei adre me me laba hnyin, ke adre me ca he bi ka dit ka hnyi hnyei Isaraela: ke öbun e he ka wâ a inya Iehova.

Mataio 13:35

me me hwâdâ thö hna ha hnen perofeta, ka habe, Oge me he ka khong ut hnyimök hnyi ta je ûhöûcû; Oge me he ka ha ta je ûnyi ae iyong hwân hnyi hna bi taben hmeledrany.

Mataio 25:34

Haba Than ame he ka ha kodra hnyi ke keihen a metân, ka habe, Ai öbun, öbun hia tavat a ohnahicâ hnen Kamök, hu hwajekhöûbun ju dökhu adre penapena hobi köbun hwân hnyi hna bi taben hmeledrany:

Efeso 1:4

helâ me hnen hna ûcʼ öta kâu, kʼ adre me tiga ca bi taben hmeledrany, mʼ ate me he bi ka kap me ba hnyikonguta hnyi hnyimakan hnyi ibetengiö:

Heberu 3:11

Me oge me khemanyik waleji hnyi anyik hmonyin, ka habe, Adre me ca he ka dit ka hnyi hnok hna menâ.

Heberu 3:14

anyin adre me wiʼ öta mʼ ate me lahanen Keriso, öta ka he ka kât hmâ hwakecin anyita labageju hnyi can ke ne o but hnyi obiny:

Heberu 9:26

anyin a ne helâe me ûcû kâu he ka osehia vec hwân hnyi hna bi taben hmeledrany: ke walang ang hnyi obiny ta je dö adre hia but omanenâ e me me he ka ohia hulo ge hnen hna hamen hudo e bi.

I. Peteru 1:20

waleji adre wâ bânâ adrem, kʼ at tiga ca bi taben hmeledrany, ke adre omanenâ but hobi köbun hnyi je bong a biliny walang ang,