Heberu 4:13 - Iaai Bible 1901 (New Caledonia)

¹³ Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.

Heberu 4:13 ပူးပေါင်းရင်းမြစ်များ

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

II. Man Ûlabainy Je Than. 16:9

Anyin ame labö ngele mweimwei li emakö Iehova hnyi hmeledrany hia, he ka hadruâ tavat ae bekhot ut je hnyekudrin kâu. U je hwen monu hnyi ûnyi ang; anyin a hwân hnyi ûen ang u me he bala ka labö vat.

II. Man Ûlabainy Je Than. 6:30

awe, ö u long ju hnyi drany a hnyabam, me hna, me ham ka tavat hia thithö helâ me dedrin je gethen, ke u je wâhmakhmeto je hnyekudrin; (anyin a hake u ke thibi at ame wâhmakhmeto hnyekon tavat;)

Jobu 26:6

Ame he thu erkemok hnyi hnyimakan, Ke ba ûkhaûen hnaûhango.

Jobu 34:21

Anyin a li emakan ame wâ je gethen deny at, Ke e ame wâ wia hnen hna okca.

Jobu 38:17

Hawa, adre omanenâ köu je homagöuleny mok? Ke u je hia but wâ je homagouleny hmenon mok?

Salamo 139:4

Iehova lö, e ba bi ke hofuc hnyi bohmök, Ke wâ bi, u je wâhmakhmeto hia.

Salamo 44:21

Hawa, ame ca he Khong ka elâm e? Anyin ae khana ta je ûnyi ae iyong eû hnyi hnyok.

Salamo 7:9

E na hu obiny ju monu anyin tavat ae kong, ke otethmâ ju at ae wisa: Anyin a Khong at ae wisa ame elâm ta je hnyok me ta je ûnykûme.

Salamo 90:8

U je hia but ip anyihmun ta je monu hnyi hnyimâkâm, Me ta je monu gahmun ae iyong hnyi melaminy hnyimâkâm.

Ta je Vejec 15:11

E bi hnyi hnyimakö Iehova hedis me hnaûhango, Awe, ame ca he ka helâe ge je hnyekon tavat!

Ta je Vejec 15:3

Ka e bi li emakö Iehova hnyi ta je dok hia, E ame wâ so me kong.

Ta je Vejec 5:21

Anyin ae cicö li emakö Iehova ta je gethen deny at, Ke e ame tuluto deny ta je gethen hia.

At Khet 12:14

Anyin ame he Khong ka hom ta je huliwa hia ka hnyi hna owisa, ke ta je ûnyi hia ae iyong, ame ne ta je ûnyi ae so, kʼ ame ne ta je ûnyi ae kong.

Jeremia 16:17

Anyin a e hnyi hon dedra je gethen hia li emakök: ödra ca iyong hnyi hnyimakök, ke adre ca ikhâlâ gak hwakecidra ae kong.

Jeremia 17:10

Inya Iehova at ame elâm hnyok, oge me cubec ta je hna ûnykûme, he ka ve ham ka tavat hia helâ me dedra ta je gethen, me helâ me wan anyidra ta je huliwa.

Jeremia 23:24

E hu at ama ikhölö hnyi dok ae iyong ke oge me ca he ka wâ? haingö Iehova. Hawa, e ca unöngöt drany me hmeledrany gak? haingö Iehova.

Jeremia 29:23

can anyin ödre hia but ânyâ hwen monu hnyi Isaraela, ke ödre hia but bi ûnyi monu me laâiân lawaedru, ke ödre hia but ha je hofuc ae thoi hnyi iök, waleji oge ca hûna ködru; ke inya at ae khana e, me ohnatho, haingö Iehova.

Daniela 2:22

e ame omanenâ je ûnyi ae dit ke iyong: e khana ta je ûnyi hnyi menekholom, ke ame tha laba mö lany.

Mataio 6:4

me me iyong hnâm hna ham betenge: me haba Kâmâm at ame wâ hnyi dok ae iyong ame he ka bi hwaban köu.

Ioane 2:24

Ke haba Iesu ame ca ka hna e kodra, anyin a e ame wâhmakhmetoâ tavat hia,

Ioane 21:17

E ame ibi okun ba kâu, ka habe, Simona nöku Jona, u me hnyok könya? Peteru ame hmak hnyekon anyin a e okun dut ha kâu, kahabe, U me hnyok könya? Me e ame ha kâu, ka habe, Than lö u at ame wâ ta je ûnyi hia; u je wâ but a inya oge me hnyok köu. Iesu ame ha kâu, ka habe, Hān biju halek je mamoe.

Ioane 4:16

Haingö Iesu kâu, ka habe, He thö ka hawâ jem âiâm.

Ta je huliwa 17:31

anyin a e ame hia but thu bong he ka ûhnei me owisa hmeledrany hnen at e ame hia but otilâ; ke e ame ohnathoâ e ka tavat hia hnyi hnen hna omelö hmetu thö e ûnyi hnyi hna mok.

Roma 2:16

hnyi bong ame he Khong ka hnö ta je ûnyi ae iyong anyin tavat, ga Iesu Keriso, hoton anyik ûthumetu ae so.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.

I. Samuela 16:7

Ke Iehova ame ba kö Samuela, ka habe, Ca wâ hnyimakan bi, me ibeûen; anyin ae ca wek bi at e: anyin ame ca wâ ga ʼ Iehova helâ me at; anyin a haba at ame wâ ûnyi ae manen, ke Iehova ame wâ hnyok.