Heberu 4:11 - Iaai Bible 1901 (New Caledonia)

¹¹ Anyin a wale e so ate me hwege he ka dit ka hnyi hna menâ eling, wâ e nye û but ke at e ka he ka ûcûcubongo ca ûling eling.

Heberu 4:11 ပူးပေါင်းရင်းမြစ်များ

Mataio 11:12

Ke hwân hnyi ta je bong bongu Ioane Bapataiso ke ne o but walang ang, adre me ûhûgûnö dokhon drany, ke ame hûgûnâ e hnyat ae hwege.

Mataio 7:13

Didro ka hnyi homagöule ae hnek: anyin ae gan homagöule, me lau but gethen ka hnyi hnaûhango, ke ödra se hia tavat adre me dit hnyin.

Luka 13:24

Hwege thʼ öbun he ka dit hnyi homagöule ae hnek: anyin a inya oge me ha köbun, ka habe, e se hia tavat adre me elâm he ka didro hnyin, kʼ ame ca he ka khanʼ ödra.

Luka 16:16

Ke ne o but kö Ioane hnanyibu me ta je perofeta: hwaban ûen eling adre me khetâ dokhu dokhon Khong, ke ame hwege didro ka hnyin tavat hia.

Ioane 6:27

Ca huliwa bi hobi kâu jeû wale ûnyi ame he ka bobot, ke so bi jeû ae tet hmâ ke ne o but ka hnyi möt ame ca ba balua, wale ame he Nokon at ka ham köbun: anyin a wale at Kamen ame okeceâ haten hon, wale Khong.

Ta je huliwa 26:19

Anyin a wale than Ageripa lö, oge me ca oûnyibâûâ hna omanenâ ûnyi hnyi drany:

Efeso 2:2

waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;

Efeso 5:6

Ca he ke at ka omonu öbun ge ta je hofuc adre hlo: anyin a ûnyi hnyi ta je ûnyi helâe ame o but tang hmonyin anyin Khong ka tavat adre me ca ûling.

Filipi 2:12

Anyin a wale, je oûnykûmik lö, helâji me hnobun hna labö long gak, ca hake e thibi waleji ke inya unyibun, ke ti gan hmâ walang ang ke hiö nya, awe, huliwan dö hna omeli öbun ke ot me öbubuny;

Kolose 3:6

can ta je ûnyi e ame o but tang hmonyin anyin Khong ka tavat adre me ca ûling;

Tito 1:16

Adre me labö ha, ka habe, e khanʼ ödra but Khong; ke adre me ivi-nöâ e bi ge anyidra ta je huliwa, ke ödra tavat ikiki, me ca ûling, ke ba ke huliwa a khaca ae so a ödra ûcû ka hnyin.

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

Heberu 3:12

Öbun âu hnyat me lakeiny lö, wâ e nye hu eû hnyin ke at gabun hnyok ae kong me ca labageju, ame oûsâkâûʼ öbun me Khong ae möt:

Heberu 3:18

Kʼ ame khemanyin ko ia, a gʼ adre me ca he ka dit ka hnyi hnen hna menâ, hawa, ca kodra a hnyat adre me ca ûling?

Heberu 4:6

Anyin a wale, adre ip bala bi a gʼ ame he keihen ka dit ka hnyin, ke haba hnyat adre bödra ka khetâ ûthumetu ae so kodra adre me ca dit can anyidra ca labageju,

Heberu 6:11

Ke e wehmun mʼ öbun e he ka ve omanenâ tang hwege eling ka hnyi gejon ae gan hmâ ke ne o but obiny:

Josua 7:3

Ke ödrin e hmetu kö Josua me ha kâu, ka habe, U ma ca kunâ tavat hia thithö he ka be, ke so ame ne lo li thauzan tavat, ame ne kun ta thauzan he ka kot Ai; ke ca he ka ohuliwan tavat hia thithö, anyin a ödrin wakhalet.

II. Peteru 2:6

ke ame ohnaûhangoâ li taun Sodoma me Gomora, me ohia, me wia me hnabadröu, me e ame ip hnân haten ka tavat adre me he hmetu ka ânyâ hwakecin ae kong;