Heberu 3:9 - Iaai Bible 1901 (New Caledonia)

⁹ Adre cubic nya lakamöbun hnyin, me elâm bonguk, Me wâ anyik ta je huliwa hnyi ta je huna a fâte.

Heberu 3:9 ပူးပေါင်းရင်းမြစ်များ

Salamo 95:9

Waleji a cubic nya hnyin ta je lakamöbun, Me nö nya, me wâ anyik huliwa.

Esodo 19:4

Öbun e wâ but hnök hna ânyâ ka at Aigupito, a oge köp öbun hon labenyin aeto, me hum öbun könya.

Esodo 20:22

Ke haba Iehova ame ha kö Mose, ka habe, Walang hofuc u ma he ka ha ka lakon Isaraela, ka habe, Öbun e wâ but a oge hia but ûhnenamö möbun ûnyi hnyi drany.

Amosa 2:10

Ke oge me hum öbun minya ûnyi hnyi hnyei Aigupito, ke lili öbun hnyi hnyebuba fâte je huna, mʼ öbun e he ka hu hnyei iny at Amora.

Numera 14:33

Kʼ ame he lakubun ka he monumonu hnyi hnyebuba hnyi je huna a fâte, kʼ ödrin e he ka hijen tilâ hnöbun je hna bi ûnyi monu, ke ne o but ame aû degecâ je unyibun hnyi hnyebuba.

Luka 7:22

Ke e ame thu ködru, ka habe, He thʼ öbu ka thumetu Ioane hnöbu hna wâ me long; a ga bwela but ta je wadröu, kʼ ame he thö ta je mat, ke khabalaû but ta je lepera, kʼ ame long dö ta je wejiji, ke a möt hmetu thö tavat adre mokcu, kʼ adre me khetâ but ûthumetu ae so ka ta je theduoc.

Ta je huliwa 13:8

Ke haba Eluma (adre me wia ien helâe) at bihihwakecin ame ivinö mödru, kʼ ame heleû deny he ka wia konesula ûnyi hnyi labageju.

Ta je huliwa 7:36

Haba at eling ame hum ödra but, hwaban hnen hna omanenâ ta je ûöman me haten hnyi hnyei Aigupito, me hnyi Köiö ae dra, me hnyebuba hnyi fâte je huna.

Deuteronomi 11:7

ke so bi öbun e hia but wâ ge je emaköbun ta je huliwa ae gan hia anyi Iehova, waleji e ame ânyâ.

Deuteronomi 29:2

Ke haba Mose ame hawâ at Isaraela hia thithö, me ha ködra, ka habe, Öbun e wâ ta je ûnyi hia a ânyâ Iehova kö Farao hnyi hnyimaköbun hnyi hnyei Aigupito, me lathnyabainy, me iny hnyei hia:

Deuteronomi 4:3

Öbun e hia but wâ ge je emaköbun ûnyi a ânyâ Iehova can Baala-peora: anyin a haba tavat hia adre me hnu hoton Baal-peora, me Iehova Khongom ame hia but ohiʼ ödra unyâm.

Deuteronomi 4:9

Ke so bi o u âu, me tuö u wia, wâ u nye hnying ta je ûnyi u je wâ, ke wâ e nye hia ta je ûnyi e hnyi hnyekom, hnyi ta je bongon ânyâm möt; ke u me he ka ûnö e ka lakom me laöbem;

Deuteronomi 8:2

Ke u ma he ka ûnykûme gethen hia waleji a hum u hnyin Iehova Khongom, hnyi je huna a fâte hnyi hnyebuba, me me oûhnyûkongi u, he ka cubic u, me me wâhmakhmetoâ ûnyi eû hnyi hnyekom, hawa, u me ne he ka tuö hnen je hna hûna, kʼ u je ne höcö bi.

Deuteronomi 8:4

Ame ca bobot ânyâm je ûkhaû waleji u me khavâ, kʼ ame ca khibi cam hnyi ta je huna eling a fâte.

Josua 23:3

öbun e hia but wâ ta je ûnyi a ânyâ Iehova Khongubun ka je hnyei hia eang cabun: anyin a Iehova Khongubun, me wale at ame vat hobi köbun.

Josua 24:7

Ke adre me tenge kö Iehova, me e ame ip menekholom wanböbun me at Aigupito, me okhuto hudrin köiö me hûlûlû ödra; ke a wâ but je emaköbun ûnyi oge me ânyâ hnyi Aigupito: ke öbun e laba hnyi hnyebuba hnyi je bong ae se.

Josua 5:6

Anyin a haba lakon Isaraela adre me vheno hnyebuba fâte je huna, ke ne o but ame hia tavat adre hnyi vat ûhedra Aigupito, anyin adre me ca long hoton hofuc ho Iehova: me Iehova ame khemanyin ködra a gʼ ame ca he ka omanenâ ködra hnyei, waleji a khemanyin Iehova ka lakamödra he ka ham köta, wale hnyei ame di ge debai me hani.