Heberu 3:6 - Iaai Bible 1901 (New Caledonia)

⁶ ke so bi Keriso ame musi hnyi hnyaban, helâ me nokon; ke haba öta bi hnyaban eling, öta ka he ka kât hmâ ke ne o but obiny tang hwege me senyin hnyi geju.

Heberu 3:6 ပူးပေါင်းရင်းမြစ်များ

Salamo 2:12

Ûcimhnyimak dö öbun me nokon, wâ e nye he ka hmonyin, me hiʼ öbun dut eû hnyi gethen, Anyin ame he ka ie kû anyin hmonyin. Hnödra hnahic ödra hia adre me labageju kâu.

Ezekiela 46:10

Ke haba than, me e ame he ka dit hnyi wanbödra ödra ka didro; ke ödra ka didrut, me e ame he ka tha didrut mödra.

Mataio 10:22

Ke ame he tavat hia thithö ka hûkötö köbun can iök: ke haba at ame he ka hokhnyok ke ne o but hnyi obiny, me ame he ka möt.

Mataio 16:18

Ke inya oge me ha köu, ka habe, U Peteru, ke hnyi hon veto ang, oge me he ka otilâ anyik ekalesia; ke ame ca he ka hwege ta je homagouleny hedis hon e.

Mataio 24:13

Ke haba at ame he ka tethmâ ke ne o but obiny, me e ame he ka möt.

Roma 11:22

Anyin a wale, wâ bi betenge me hmonyin anyin Khong: hmonyin ka tavat adre me kolu; ke betenge anyin Khong köu, u je ne tethmâ hnyi anyin ibetengiö: ke e ka ba, me adre me he ka subâ degeci u minya bi.

Roma 12:12

senyin hnyi gejon; hokhnyokâ ju vec; labö hic bala;

Roma 15:13

E so e he Khongon geju ka ounöngöti öbun ge senyin me hnahic hnyi labageju, me me gan anyibun geju hnen man maniny Hanu Kap.

Roma 5:2

a deny e adre hia but hnʼ öta ûnyi ge labageju ka hnyi ibetengiö baû eang ate me tot hnyin; ke so ate me senyin me gejon hmanenanginy Khong.

I. Korinito 3:16

Hawa, e ca khanʼ öbun a haba öbun me hnân uma kap a umen Khong, kʼ ame laba Hanon Khong eû hnyi hnyibun.

I. Korinito 6:19

Hawa, e ca khanʼ öbun a haba je unyibun, me uma umen Hanu Kap wale eû hnyi je hnyekubun a hu but köbun ûnyi ge Khong? haba öbun, me ca anyibun bi;

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

Galatia 6:10

Anyin a wale, e ka hu ûen köta, e so ate me he ka mâdrâ huliwa ae so ka tavat hia thithö, ke ti ânyâ bi ka tavat a ödra hnyi lap anyin tavat labageju.

Galatia 6:9

E so ate me ca sënyin hnyi huliwa ae so: anyin ate me he ka meno hnyi ûen cici, at ka ca sënyin bi.

Efeso 3:12

e hu but gata ûnyi gan tang hwege me gethen he ka didro, me gejon ûnyi ge labageju kâu.

Kolose 1:23

öbun e ne tethmâ hnyi labageju, adre bi taben, me ohmʼ öbun, ke ca bwebwet ûnyi hnyi gejon ûthumetu ae so öbun e löng, waleji adre khetâ ka tavat hia thithö eang hmeledrany; ke inya Paulo adre wiö nya me me at huliwan.

I. Thesalonika 5:16

Senyin bah thö;

II. Thesalonika. 2:16

Ke hanymen Tuhöta Iesu Keriso, me Khong a Kamöta at ame betenge gata me ham köta hnahic ame ca ba balua me geju ae so hnyi ibetengiö baû,

I. Timoteo 3:15

ke iny ka bec, mʼ u me he ka wâhmakhmetoâ hwakecin ae ûcû ka tavat hnyi uma umen Khong, wale ekalesia anyin Khong ae möt, me hmolom me taben hnathu.

Heberu 1:2

me ame ha köta hnyi je bong ang a biliny a deny Nokon, at e ame wia me atö, me me he ka hu gan ta je unyi hia thithö, kʼ ame op ta je dö hia ûnyi gan;

Heberu 10:19

Anyin a wale, hnyat me lakeiny lö, e hu but gata hnyok ae hwege he ka dit ka hnyi dok ae kap ûnyi ge dro Iesu,

Heberu 10:21

ke hu at bihut ae beönua ame muso hnyaban Khong;

Heberu 10:23

e so ate me kât hmâ hmi ate me gejon me ca loloâ bi; anyin ae hnathu bi at ame ha bânâ:

Heberu 10:35

Anyin a wale, ca degec bi tang hwegi öbun, wale ae hu hwaban ae gan hmâ hnyin.

Heberu 11:1

HABA labageju, me wale ciny ta je ûnyi adre me gejon, me hnân ohwâdâ ta je ûnyi adre me ca wâ bi.

Heberu 3:14

anyin adre me wiʼ öta mʼ ate me lahanen Keriso, öta ka he ka kât hmâ hwakecin anyita labageju hnyi can ke ne o but hnyi obiny:

Heberu 4:11

Anyin a wale e so ate me hwege he ka dit ka hnyi hna menâ eling, wâ e nye û but ke at e ka he ka ûcûcubongo ca ûling eling.

Heberu 4:14

Ke hu but gata hing at bihut ae nua, at ame hia but vheno drany ethö, wale Iesu a Nokon Khong, anyin a wale e so ate me kât hmâ anyita hmi.

Heberu 4:16

Anyin a wale e so ate me he ka hwege ûhakekenyâ theroniny ibetengiö baû, mʼ ate me he ka kap ibetengiö, me wâ ibetengiö baû hnân he ka hadruʼ öta hnyi ûen ae ûcû.

Heberu 6:11

Ke e wehmun mʼ öbun e he ka ve omanenâ tang hwege eling ka hnyi gejon ae gan hmâ ke ne o but obiny:

Heberu 6:18

mʼ ate me he ka hu hnâu sihwegi öta, ge lo li ûnyi ae ca khana he ka wia, ke ca khana Khong he ka thoi hnyin, wale öta ate me kec ut he ka kât hmâ gejon adre ip hnyi hnyi-maköta;

Heberu 7:19

(anyin ae ba ke ûnyi ame obekhotâ hnen hnanyibu), mʼ adre me oâ gejon ae beönua, wale deny mʼ ate me hakekeny ka Khong.

I. Peteru 1:8

waleji öbun e ca wâ, ke öbun e hnyok kâu, eja ke ne öbun e ca wâ walang ang, öbun e labageju kâu, ke öbun e senyin gan hmâ hmonyin ae ca hnân ha, ke ti hmanenang:

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.

I. Peteru 4:17

Anyin a walang ûen dut he ka ûhnei hwân hnyi uma umen Khong: ke ame ne hwân unyita, ieû obiny ka tavat adre oûnyibâûâ ûthumetu ae so anyin Khong?

Hna Omanenâ 2:18

Ke sihnalimen ju ka angela anyin ekalesia hnyi Thuataira, ka habe, Walang ta je ûnyi ame ha hnen Nokon Khong, at ae hu li ecmak helâ me bâhlân meic, ke helâ me bras ae hadröngöc li can:

Hna Omanenâ 2:25

Ke kâ hmâ ju öbun ta je ûnyi öbun e hu, ke ne o but oge me o.

Hna Omanenâ 2:26

Ke haba at ame ton, kʼ ame vheno anyik ta je huliwa ke ne o but obiny, me oge me he ka ham kâu musi hon ta je hnyei:

Hna Omanenâ 3:11

Oge me he ka ie o: kât hmâ ju hnâm hna hu, wâ e nye he ke at ka hûgûnâ ânyâm korona.