Heberu 3:5 - Iaai Bible 1901 (New Caledonia)

⁵ Ke e hnathu hmonyin Mose hnyi hnyaban hia, helâ me athnyaba, hnân ohnathoâ ta je ûnyi adre me he ka ha nyiele;

Heberu 3:5 ပူးပေါင်းရင်းမြစ်များ

Nehemia 9:14

me omanenâ ködrin ânyâm sabath ae kap, me ha ködrin je hna hûna, me je hna otilâ, me hnanyibu a deny Mose athnyabaem:

Salamo 105:26

E ame kunö Mose a athnyabainy, Me Arona wale hnen hna ûca.

Esodo 14:31

Ke a wâ but at Isaraela huliwa ae gan ame ânyâ Iehova hon at Aigupito, me me outö Iehova tavat: ke adre me labageju kö Iehova me Mose a athnyabainy.

Esodo 40:16

Haba Mose ame ânyâ helâe: hoton ta je hofuc hia a hûna Iehova kâu.

Numera 12:7

Ke haba athnyabaik Mose, me ca helâe; e bi at ae hnathu hnyi hnyabak hia:

Mataio 24:45

Ewa athnyaba ae hnathu me metâ, wale hnen tuhan hna otilâ he ka muso hnyaban, he ka khenâ jeû ködrin hnyi je hing ûen cici?

Mataio 25:21

Me haingen tuhan ame ha kâu, ka habe, Ole, u athnyaba ae so me hnathu, u je hia but hnathu hnyi ta je ûnyi ae wakhalet, oge me he ka otilö u hon ta je ûnyi ae se hia, didro ka hnyi senyin anyin tuhâm.

Luka 12:42

Haba Than ame ha, ka habe, Ewa athnyaba ae hnathu me metâ, wale hnen tuhan hna otilâ he ka muso hnyaban, he ka khenâ jeû a jekhöûdrin hnyi ûen?

Luka 24:27

Ke e ame hwân ga Mose me ta je perofeta hia, he ka omanenâ ködru ta je hna sihnalimen hia gan.

Luka 24:44

Me e ame ha ködrin, ka habe, Walang je hofuc oge me ha köbun, waleji e me tiga inya ang unyibun, ae ûcû he ka owhâdâ ta je ûnyi hia adre sihnalimen hnyi hnanyibu anyi Mose, me ta je perofeta, me ta je salamo gak.

Ioane 5:39

Öbun a elâm hnyi je hna sihnalimen, anyin a öbun e ûnykûme ae hu but gabun möt eling ame ca ba balua; ke wale bi e at ame ohnathu nya;

Ta je huliwa 28:23

Ke adre me thu bong hobi kâu, me ödrin se hia adre me o kâu hnyi hnen hna laba; ke e ame khetâ hofuc, me ohnathoâ ködra dokhu dokhon Khong, me ûjongi ödra ga Iesu, ûnyi hnyi hnanyibu anyi Mose me ta je perofeta, hwân hnyi hnyomakatu ke ne o but sahac.

Ta je huliwa 7:37

Wale Mose at ame ha ka lakon Isaraela, ka habe, Ame he Khong ka oâ hobi köbun a liamekeiny möbun ke perofeta helâ me inya.

Roma 3:21

Ke manen dut walang ang hwakecin ae wisa, ke ca ûnyi ge hnanyibu bi, kʼ ame ohnathoâ hnen hnanyibu me ta je perofeta;

I. Korinito 4:2

Ke haba khaca, hamen tavat walang adre me tuö omjeû he ka ve hnathu.

Deuteronomi 3:24

Iehova lö, u je hwân ka omanenâ ûgânâm ka athnyabaem, hnyamâm ae hwege; anyin a ie khong ethö hnyi drany me eang hmelen ae khana he ka ânyâ helâ me ânyâm ta je huliwa, me helâ me hnâm hna ânyâ ae man?

Deuteronomi 34:5

Me haba Mose, a athnyabai Iehova ame mokcu eling, hnyi hnyei Moaba, hoton hofuc ho Iehova.

I. Timoteo 1:12

Ke inya oge me ole ka Keriso Iesu a Tuhöta, at ame ömani nya, anyin a e ame ûnykûme a iny hnathu, me ame ham könya anyin huliwa;

Heberu 1:1

HABA Khong, at ame ha adrem ka lakamöta a deny ta je perofeta hnyi je hofuc ae ve bongon, ke je deny ae ve bongon,

Heberu 3:2

waleji ame hnathu ka at a otilâ e, helâ me Mose minya hnyi hnyaban hia thithö.

Heberu 3:4

Anyin ae hu tavat adre me otilâ ta je uma hia; ke Khong at ame op ta je ûnyi hia thithö.

Heberu 8:5

tavat adre me bi athnyabainy haten me hmenon ta je ûnyi ethö, helâji me hna nö Mose ge Khong hnyi ûen e ame he ka oumo but uma menâ: anyin a haingen, ka habe, O u âu me ânyâ ta je ûnyi hia thithö hoton tulut adre omanenâ köu hon bucen.

Heberu 9:24

Anyin ame ca dit Keriso ka hnyi dok ae kap adre me ânyâ ge je hnyam, wale tulutiny ûnyi ae hnathu; ke so bi ka hnyi hing drany he ka manen walang ang hnyi hnyimakan Khong hnân hobi köta:

Josua 1:15

ke ne o but a hia but Iehova omenâ je liamekeiny möbun, helâ möbun, me ödrin e hia but hom hnyei Iehova Khongubun ame ham ködrin; ke hnyi ûen e, öbun e he ka hmetu ka hnyi ibun, me labā e, wale Mose athnyabai Iehova ame ham köbun hoton Joridano, ricö hna o hnen seûno.

Josua 1:2

A mokcu Mose athnyabaik; ke walang: ang todrö, he thö ka hanyâûâ Joridano eang, a u, me tavat eang hia thithö, ka hnyi hnyei oge me ham ködra, wale ka lakon Isaraela.

Josua 1:7

Ke so bi, hwege thö, me ti hnyok baga, mʼ u me he ka wâ wia me ânyâ hia hnanyibu a hûna köu Mose a athnyabaik: ca saû thö ûheny e ka hnyi ke keihen metâ, me me, mʼ u me he ka hu hnahic hnyi je dok hia u me he ka hnyin.

Josua 8:31

helâji me Mose athnyabai Iehova ame hûna ka at Isaraela, helâ me hna sihnalimen hnyi tusiny hnanyibu anyi Mose, ka habe, Taben hut je veto ae bekhöt, adre ca inâ goranyai utfao hon: ke ödrin e hudo hon e je hudiny leû ko Iehova, me hudo je hudiny ûsoköu.

Josua 8:33

Ke haba at Isaraela hia, me wahingatidrin, me anyidrin je taben, me anyidrin je hnyat owisa, ödrin e ûtitilen hnyi li baten tang hnyi hnyimakan hnyat bihut a at Levi, wale hnyat ödrin e vadren tangen ûhihinyköu anyi Iehova, a je atkanyua tha ödrin me tavat adre hnokoâ hnyi hnyei; haba ke keihen a hafiny adre me tot cicö bucen Gerizim, ke ke hafiny cicö bucen Ebala; helâji me Mose a athnyabai Iehova ame hûna, mʼ adre me he ka bödrin ka ha hnahicâ hnyei Isaraela.

Hna Omanenâ 15:3

Ke adre me khumöngö khumöng anyi Mose athnyabainy Khong, ke khumöng minya anyin Arenio, ka habe, E gan hmâ ke hnân lâiâ ânyâm ta je huliwa, Than a Khong Ataekhanahia; e wisa me hnathu dem je gethen, u Tuhan ta je dö.