Heberu 3:18 - Iaai Bible 1901 (New Caledonia)

¹⁸ Kʼ ame khemanyin ko ia, a gʼ adre me ca he ka dit ka hnyi hnen hna menâ, hawa, ca kodra a hnyat adre me ca ûling?

Heberu 3:18 ပူးပေါင်းရင်းမြစ်များ

Salamo 78:22

Anyin adre me ca labageju ka Khong, Me gejon anyin ûhomeli.

Numera 14:11

Ke Iehova ame ha kö Mose, ka habe, Ame he tavat eang ka hûkötiö nya ke ne o but kehö? adre me ca he ka labageju könya ke ne o but kehö, ge ta je ûöman hia waleji oge ânyâ unyidra?

Numera 14:23

awe, adre me ca he ka wâ hnyei waleji oge khemanyin ka lakamödra, kʼ ame ca he ka wâ e hnen tavat adre me hûkötiö nya:

Numera 14:30

e hnathu öbun e ca he ka o ka hnyi hnyei waleji oge hai hnyamok he ka olabʼ öbun hnyin, ke so thibi Kaleba nöku Jefune, me Josua nöku Nuna.

Numera 14:37

haba hnyat eling ödrin e hom ûthumeto ae kong ge hnyei, me ödrin e mok hia hnyi hnyimakö Iehova hnen mok ae gan.

Numera 20:12

Ke Iehova ame ha kö Mose me Arona, ka habe, Anyin a öbu me ca labageju könya he ka okabi nya hnyi hnyimakan lakon Isaraela, awe, öbu me ca he ka hom ûkhacaköu eang ka hnyi hnyei oge hia but ham ködra.

Ioane 3:36

Haba at ame labageju ka Nokon, me hu but kâu möt ame ca ba balua; ke haba at ame ca long hoton Nokon, me ame ca he ka wâ möt, kʼ ame he ka takoû e hnen hmonyin anyin Khong.

Roma 11:30

Anyin a öbun e ca long hoton Khong ehac, ke walang ang adre me betenge gabun ûnyi hnyi hnödra hna ca long hoton,

Deuteronomi 9:23

Ke hnyi ûen Iehova ame kunʼ öbun ûheny Kadesi-banea, kʼ ame ha, ka habe, Ölö thʼ öbun, me hom hnyei oge me ham köbun; me öbun e hanyâûâ musi anyi Iehova Khongubun ke öbun e ca labageju kâu, me löng hwan hofuc.

Heberu 3:11

Me oge me khemanyik waleji hnyi anyik hmonyin, ka habe, Adre me ca he ka dit ka hnyi hnok hna menâ.

Heberu 4:11

Anyin a wale e so ate me hwege he ka dit ka hnyi hna menâ eling, wâ e nye û but ke at e ka he ka ûcûcubongo ca ûling eling.

Heberu 4:2

Anyin adre hia but khetâ köta je ûthumetu ae so helâ mʼ ödra: ke ba troban kodra hofuc adre me löng, anyin adre me ca ûhûjâköu ödra hnen labageju me tavat adre me löng.

Heberu 4:6

Anyin a wale, adre ip bala bi a gʼ ame he keihen ka dit ka hnyin, ke haba hnyat adre bödra ka khetâ ûthumetu ae so kodra adre me ca dit can anyidra ca labageju,