Heberu 3:16 - Iaai Bible 1901 (New Caledonia)

¹⁶ Anyin a ia ödra, waleji adre me hnyi löng, me ohmönyinâ e hawa, ca ödra hia waleji Mose ame hom ûhedra Aigupito?

Heberu 3:16 ပူးပေါင်းရင်းမြစ်များ

Salamo 78:17

Ke so bi adre me monu bala bi kâu, He ka thu musi anyi Beönua hnyi hnyebuba.

Salamo 78:40

Ke ti se hia hnödra hna ûkhin fuc mâu hnyi hnyebuba, Me ojâtâ hnyekon hnyi hnyot!

Jeremia 32:29

ke ame he ka o at Kaledaia tavat adre me vat me taun ang, me thong taun ang ge meic me me hlâ, tha e me je uma wale adre me leû utö ae bo so hon kö Baala, me hingâlâ hudiny ic ka ke je khong, me adre me ohmönyini nya.

Jeremia 44:3

can anyidra ta je hulo waleji adre me ânyâ me adre me ohmönyini nya, hnyi hnödra hna he ka leû utö ae bo so, me bi athnyaba ka ke je khong bi, waleji ae ca khanʼ ödra; ödra, möbun, me lakamöbun.

Jeremia 44:8

me ame ohmönyini nya hnen ta je huliwa anyin li hnyamöbun, öbun e leû utö ae bo so ka ke je khong bi hnyi hnyei Aigupito, wale öbun e he ka hnyin he ka me labā; me adre me he ka subâ degeci öbun, me öbun e he ka hnân hangâ me haikongoâ unyin ta je hnyei hia thithö eang hmeledrany?

Numera 14:11

Ke Iehova ame ha kö Mose, ka habe, Ame he tavat eang ka hûkötiö nya ke ne o but kehö? adre me ca he ka labageju könya ke ne o but kehö, ge ta je ûöman hia waleji oge ânyâ unyidra?

Numera 14:2

Ke ame haiö Mose me Arona hnen lakon Isaraela hia: ke ame ha ködru hnen ûkhacaköu hia, ka habe, Ohmun na mokcu hnyi hnyei Aigupito! ke ohmun na mokcu hnyi hnyebuba eang!

Numera 14:24

ke haba athnyabaik a Kaleba, anyin a e at ae ke hnyekon, ke e ame tha löng hotuk, awe oge me he ka hom e ka hnyi hnyei wale a mwi hnyin; kʼ ame he je mâtrâniny ka hu e.

Numera 14:30

e hnathu öbun e ca he ka o ka hnyi hnyei waleji oge hai hnyamok he ka olabʼ öbun hnyin, ke so thibi Kaleba nöku Jefune, me Josua nöku Nuna.

Numera 14:38

Ke haba Josua nöku Nuna, me Kaleba nöku Jefune a li at ödre hnyi ecmâkâ hnyei, me ödre möt biju.

Numera 14:4

Ke adre me uhaköuâ, ka habe, E so ötin e ûca at me me than, kʼ ate me he ka hmetu Aigupito ai.

Numera 26:65

Anyin a hia but Iehova ha gadra, ka habe, Adre me he ka mokcu hnyi hnyebuba. Me ba köluidra, ke so bi Kaleba nöku Jefune, me Josua nöku Nuna.

Deuteronomi 1:38

kʼ ame he Josua nöku Nuna at ame tot hnyi hnyimâkâm ka munyi be kâ e: u ma sihwegiâ; anyin a e j ame he ka ohuâ hnyei ka at Isaraela.

Juda 1:5

Inya oge me wek he ka oûnykûmi öbun, ke so bi e khanʼ öbun wia but ehac, ka habe, haba Than ame omelö tavat ûnyi hnyi hnyei Aigupito, ke hwaban e, e ame ohia tavat adre me ca labageju.