Heberu 3:12 - Iaai Bible 1901 (New Caledonia)

¹² Öbun âu hnyat me lakeiny lö, wâ e nye hu eû hnyin ke at gabun hnyok ae kong me ca labageju, ame oûsâkâûʼ öbun me Khong ae möt:

Heberu 3:12 ပူးပေါင်းရင်းမြစ်များ

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

Jobu 21:14

Ke so bi ödrin e ha ka Khong, ka habe, Ûsâkâûö but möhmun; E ca bewehmun he ka khana dem je gethen.

Jobu 22:17

Wale hnyat adre me ha, ka habe, Ûsâkâûö but möhmun; Ke, Ieû ae khana Ataekhanahia he ka ânyâ hnân hobi kohmun?

Salamo 18:21

Anyin oge hia but vheno je gethen de Iehova, Ke oge me ca saû degec monoâ Khonguk.

Ta je Vejec 1:32

Anyin adre me he ka hlingʼ ödra hnen ihwiöiny tavat ae ba hnyekudra bi, Ke ame he ka hiʼ ödra hnen sot anyin tavat ae monu.

Isaia 59:13

wale hnyi hnöhmun hna hanyâûâ me ivino Iehova, me hmetuhmetu ge Khonguhmun, me ha ûöveci me thu musi, me ûnykûme me ha ûnyi hnyi hnyok je hofuc ae thoi.

Jeremia 11:8

Ke adre me ca löng me tevehlöng, ke so bi, adre me ve vheno hwegien je hnyekudra bi ae kong: anyin a wale, oge me oâ kodra ta je hofucin ûhihinyköu hia eang, waleji, oge hûna kodra he ka ânyâ, ke adre me ca ânyâ bi.

Jeremia 16:12

ke öbun e hia but ânyâ hulo ae gan hmâ hon je lakamöbun; anyin a, wâ bi, öbun e ve hnu hoton ihwegien je hnyekubun ae kong, me öbun e ca ling nya bi:

Jeremia 17:5

Walang hna ha hnö Iehova, ka habe, E ka mok at ama labageju ka at, me wia at me me hnân hnyamen, ke haba hnyekon ame hota degeci Iehova.

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Jeremia 18:12

Ke adre me ha, ka habe, E ûnyi baû bi: anyin ohmun e he ka hnu hoton anyihmun ta je bihihwakecin, me ve ânyâ hoton ihwegien je hnyekuhmun ae kong.

Jeremia 2:13

Anyin a lo li monu a ânyâ lakeik; a gʼ adre hia but hna degeci nya köiöiny möt ame pupua, me thö hobi kodra bi je an, a je an ae hmouca, ame ca hom behânâ köiö.

Jeremia 3:17

Hnyi ûen eling adre me he ka hâiâ Jerusalema, ka habe, theron anyi Iehova: ke adre me he ka ûkhacaköu ka hnyin je hnyei hia thithö, ka iö Iehova hnyi Jerusalema: ke adre me ca he hmetu ka hnu hoton je hnyekudra ae ûjöng me kong.

Jeremia 7:24

Ke adre me ca long bi, me tevehlöng, ke adre me vheno hnödra bi hna ûhnenamö hoton ihwegien hnyekudra ae kong; me he nulötudra, ke ca hnyimakodra bi.

Ezekiela 14:5

mʼ oge me he ka noc lap anyi Isaraela eû hnyi hnyekudra bi, anyin a ödra ûsâkâûö mönya hia ge anyidra je idola.

Hosea 1:2

Hnyi ûen Iehova ame bân ka fuc kö Hosea, me haingö Iehova kö Hosea, ka habe, He thö ka hok momo hnyi gethen ke lakon gethen: anyin ae gan hmâ bi ûuyi monu ge tavat, a gʼ adre me digic Iehova.

Mataio 16:16

Haba Simona Peteru ame thu me ha, ka habe, U thibi Keriso a Nokon Khong ae möt.

Mataio 24:4

Ke haba Iesu ame thu ködrin, ka habe, Wâ eâu, wâ e nye omonu öbun dut ke at.

Mareko 13:23

Ke wâ eâu Öbun: wâ bi, oge me omanenâ bânâ köbun.

Mareko 13:33

Wâ eâu öbun, hmâkâ thö me hic: anyin ae ca khanʼ öbun ûen.

Mareko 13:9

Ke wâ eâu öbun, anyin adre me he ka hnʼ öbun ka tavat ûhnei; ke adre me he ka osoi öbun hnyin ta je sunago; ke öbun e he ka todrö hnyi hnyimakan ta je gavena me than, can inya hnân ohnathoâ kodra.

Luka 21:8

Haingen, ame ha, ka habe, Wâ eâu, adre nye omonu öbun dut: anyin a at se hia adre me he ka o hnyi iök, me ve ha, ka habe, Inya ang; ke, e hakekeny jut ûen: ca he öbun ka hnu hotudrin.

Roma 11:21

anyin a ne ca betenge Khong ge je hing vheiny, me ame ne ca he minya ka betenge gam.

I. Korinito 10:12

Anyin a wale haba at ame ûnykûme a e ame tethmâ, wâ eâu, e nye û but.

Kolose 2:8

Wâ eâu, wâ e nye he ke at ka sei öbun hnen anyin bemetâ, me tang iyawo hnân omono, hoton hofuc vejec anyin at, me je hna ûne anyin hmeledrany a bân, ke ca hoton bi Keriso:

I. Thesalonika 1:9

Anyin a ödra bi adre me haimemenʼ öhmun je bongon ioihmun köbun; me hnobun hna hwio ka Khong ûnyi ge ta je hnatheat, he ka bi athnyaba ka Khong ae möt me hnathu,

Heberu 10:31

Hnân outen hmonyin he ka ta ka hnyi li hnyamen Khong ae möt.

Heberu 10:38

Ke ame he ka möt atök ae wisa hnen labageju: Ke ame ne hmetuhmetu but, me ame ca he bi hnyekuk ka senyin kâu.

Heberu 12:15

ke wâ wia ju, wâ e nye hu ke at ame ca o ka hnyi ibetengiö baû anyin Khong; wâ e nye kû thö iwân ae hiny he ka oveci Öbun, me ame he ka kong ut tavat ae se hia hnen e;

Heberu 12:22

ke so bi, öbun e o but ka hnyi bucen Ziona, ke ka hnyi taun anyin Khong ae möt, wale Jerusalemainy drany, ke ka ta je angela a ca hnân aû,

Heberu 12:25

Wâ ju eâu öbun, ke ca he ka hna degecâ at ame ha hofuc. Anyin a ne ca kec möt tavat eji adre me hna degecâ at ame koû ödra eang hmeledrany, awe, e ca khanʼ öta hmonyin he ka kec möt, öta ka he ka hotuta ka at ame koû ûnyi hnyi drany:

Heberu 3:1

ANYIN a wale hnyat me lakeiny ae kap lö, hanen tavat adre me hawâ ûnyi hnyi drany, ûnykûme ju Aposetolo me At bihut ae nua hnyi anyita hmi, a Iesu;

Heberu 3:10

Anyin a wale e hmak hnyekuk ge dö eling, Haingök, ka habe, Odra monu bala eû i hnyi hnyok: Ke ca khanʼ ödra dek ta je gethen;

Heberu 3:19

Me ate me wâ but a ga ca khanʼ ödra he ka dit ka hnyin, anyin adre me ca labageju.

Heberu 9:14

awe, e ca beönua bi dren Keriso, waleji a hamen hudo e bi, ae ba hnyikongon, ka Khong, ûnyi ge Hanu a e balua bi, he ka obosoâ anyibun ûnykûm sa hnyi ta je huliwa ae mekiny mʼ öbun e he ka huliwa ka Khong ae mötî