Heberu 3:10 - Iaai Bible 1901 (New Caledonia)

¹⁰ Anyin a wale e hmak hnyekuk ge dö eling, Haingök, ka habe, Odra monu bala eû i hnyi hnyok: Ke ca khanʼ ödra dek ta je gethen;

Heberu 3:10 ပူးပေါင်းရင်းမြစ်များ

Genese 6:6

Ke Iehova ame ietra a gʼ ame hia but op at eang hmelen, ke e hmak ut hnyekon.

Salamo 147:20

E ame ca ânyâ helâe ka ke hnyei: Ke haba hnen je hna owisa, me ca manen bi kodra. Oganö Ja thʼ öbun.

Salamo 67:2

Mʼ adre me he ka wâ dem gethen eang hmeledrany, Me ânyâm ûhomeli hnyi ta je hnyei hia thithö.

Salamo 78:40

Ke ti se hia hnödra hna ûkhin fuc mâu hnyi hnyebuba, Me ojâtâ hnyekon hnyi hnyot!

Salamo 78:8

Mʼ adre me ca he ka tha ûcû me lakamödra, Waleji dö ae ûjöng me ûkhin fuc; Wale tavat adre me ca penapena ta je hnyekudra, Ke ca hnathu ta je hanudra ka Khong.

Salamo 95:10

Hyni ta je huna a fâte oge me wâ dö ang me iny vec gadrin, Me haingök dö, ka habe, Hnyei ang ame he monu ta je hnyekudra; Ke ca khanʼ ödra dek ta je gethen:

Isaia 28:7

Ke a hia but minya tavat ang he hwali ge waina, me he monu ge grâg; ame he hwali at bi hut me perofeta ge grâg, ame utʼ ödra ge waina, ke adre me he monu ge grâg; adre me haû hnyi hnödra hna wâ, me ta tot hnyi hna owisa.

Isaia 63:10

Ke adre me ûkhin fuc, me ovecâ banon ae kap: anyin a wale e ame hwio but me ame iwahnaihmiony mödra, ke e ame ka hamen bi vat mödra.

Jeremia 4:22

Anyin ae monu but lakeik, e ca khanö nya hnödra; ödra tavat ae monu, ke ödra tavat adre me ca wâhmakhmeto: ödra metâ he ka ânyâ hulo, ke ca khanʼ ödra bi he ka ânyâ so.

Hosea 4:12

Kʼ ame labö he lakeik ka hnei unyin anyidra je ong uto, kʼ ame thumetu ödra anyidra uci: anyin adre me omonu ödra hnen bi ûnyi monu, kʼ adre me kec ûnyi hnyi hmelen Khongudrin he ka bi ûnyi monu.

Mataio 20:24

Ke a long ut hnyat a ten me ame hmönyidrin ka li liamekeiny.

Mareko 3:5

Ke e ame mē wâ igigili ödra hnyi hmonyin, ke ame vec can ae khot ta je hnyekudra, me e ame ha ka at, ka habe, Lau but hnyamâm. Ke e ame lau but: me ame so hmetu but hnyamen.

Ioane 8:45

Ke can anyin oge me ha hnathu, me öbun e ca labageju könya.

Roma 1:28

Ke ca wedra he ka wâhmakhmetoâ Khong, me haba Khong ame hnʼ ödra but he ka hwali hnyi je hnyekudra, mʼ adre me he ka ânyâ ta je ûnyi ae ca ûcû;

Roma 3:7

Ke ame ne he anyik thoi ka olungâ hnathuiny Khong me ogânâ e, hnân eû he ka hnei nya hmetu helâ me at ae kong?

Efeso 4:30

Ke ca he öbun ka ovecâ Hanon Khong ae Kap, wale at a bi hatöbun ke ne o but hnyi bonginy ûhomeli.

Heberu 3:12

Öbun âu hnyat me lakeiny lö, wâ e nye hu eû hnyin ke at gabun hnyok ae kong me ca labageju, ame oûsâkâûʼ öbun me Khong ae möt:

Owisa 10:16

Me adre me degec je khong kanyua unyidrin, me bi athnyaba kö Iehova, ke e ame tenge ge vec anyin at Isaraela.