Heberu 13:7 - Iaai Bible 1901 (New Caledonia)

⁷ Ûnykûme ju tavat adre me tuʼ öbun, waleji tavat adre me ha köbun hofuc hwan Khong; ûnykûme ju obiny hwakecidra, me ûcûcûbongo ju anyidra labageju.

Heberu 13:7 ပူးပေါင်းရင်းမြစ်များ

Khumöng Hwanyi Solomona. 1:8

U at ae ti mec hon omomo lö, a ne ca khanö u bi, Vheno thö je hna okca hnen je hnahat meno, Me han je lakon halem je got hnyi hnyei iny tavat tuö mamoe.

Mataio 24:45

Ewa athnyaba ae hnathu me metâ, wale hnen tuhan hna otilâ he ka muso hnyaban, he ka khenâ jeû ködrin hnyi je hing ûen cici?

Luka 12:42

Haba Than ame ha, ka habe, Ewa athnyaba ae hnathu me metâ, wale hnen tuhan hna otilâ he ka muso hnyaban, he ka khenâ jeû a jekhöûdrin hnyi ûen?

Luka 5:1

E AME tot hnyi baten köiö Genesareta, kʼ ame ûhneki kâu tavat ae se he ka long hofuc hwan Khong;

Luka 8:11

Walang ûhöûcû, ka habe, Haba wan, wale hofuc hwan Khong.

Ta je huliwa 13:46

Me ame hwege thö Paulo me Banaba he ka ha, ka habe, E ûcû he ka bân ka omanenâ köbun hofuc hwan Khong. Ke can bi anyin a öbun e hna degecâ me oûnyibâûâ hobi köbun bi möt ame ca ba balua; waleling me ohmu me hwio ka Aten ta je hnyei.

Ta je huliwa 14:23

Ke ödre hia but otilâ wahingat hobi kodra hnyi ta je ekalesia, ke ödre hic me ânyâ ca han, me ödru me hnʼ ödra but ka Than, at adre me labageju kâu.

Ta je huliwa 4:31

Ke ödrin e um dö hic, me ame jijing uma ödrin e laba hnyin; me ödrin e unöngöt hia thö ge Hanu Kap, me ödrin e ha hofuc hwan Khong hnen hwege.

Roma 10:17

Awe, adre me labageju ûnyi hnyi hna long, ke adre me long ûnyi hnyi hofuc hwan Keriso.

I. Korinito 10:13

Ame ca o bi köbun ke ûcûbic, waleji ae ca ûcû ka at: ke e hnathu Khong, at ame ca he ka hnʼ öbun ka hnyi ûcûbic hon hnobun hna khana; ke so bi e ame he ka bi deny kec ûheny hnyi ûcûbic, me me khanʼ öbun he ka hokhnyokâ.

I. Korinito 11:1

ÛCÛCÛBINGI nya ju öbun, helâ me inya ka Keriso.

I. Korinito 4:16

Anyin a wale, oge me sumat öbun he ka ûcûcubingi nya.

Filipi 3:17

Hnyat me lakeiny lö, e so öbun e tha hnu hotuk, ke wâhmakhmetu ödra adre me he helâe, ke öhmun ang hnân tulut köbun.

I. Thesalonika 1:6

Ke öbun e ûcûcûbingi öhmun, me Than minya, me kap hwan hofuc hnyi vec ae gan hmâ, me senyin ûnyi ge Hanu Kap;

I. Thesalonika 2:13

Waleling mʼ öhmun e ca menâ ole ka Khong, anyin a öbun e kap hofuc hwan ûthumetu ûnyi gahmun, waleji hofuc hwan Khong, me öbun e ca kap helâ me hofuc hwan at, ke hofuc hwan Khong wale ae hnathu, kʼ ame huliwan minya je hnyekubun tavat labageju.

II. Thesalonika. 3:7

Anyin ae khanʼ jöbun hwakecin ae ûcû wale he ka ûcûcûbingi öhmun: anyin ame ca hwali hwakecihmun unyibun;

II. Thesalonika. 3:9

ca anyin bi ae ba anyihmun musi, ke so bi mʼ öhmun e he ka wi öhmun hnân tulut köbun, mʼ öbun e be ka ûcûcubingi öhmun.

I. Timoteo 3:5

(anyin a ne ca khana at he ka muso anyin lap, me ame he ka hawa ka tuö ekalesia anyin Khong?)

Heberu 13:17

Löng ju öbun hoton tavat adre me tuʼ öbun, me nom ju kodra; anyin adre me hmâkâ hobi kâu ta je hanubun, helâke hanyinödra he ka thu hmetu ge ta je monu; mʼ adre me he bi ka ânyâ e me senyin, ke ca bi me vec: anyin ae ba troban eling hobi köbun.

Heberu 13:24

Anyik italofa ka tavat adre me tuʼ öbun, me ta je wakap hia. Haba tavat Itali, me adre me italofa mʼ öbun.

Heberu 6:12

mʼ öbun e ca he ka tavat laba baû, ke so bi he ka hnu hotudra ae hu gadra ta je hna ha bânâ.

I. Peteru 4:11

a ne fuc ke at, fuc dö helâ me hofuc hwan Khong; a ne huliwa ke at, huliwa helâ me man ame ham ge Khong: mʼ adre me he ka ogânâ Khong hnyi ta je ûnyi hia thithö ga Iesu Keriso, e unyin hna ogânâ, me musi nyiele nyiele balua. Amen.

Hna Omanenâ 1:9

Inya Ioane, liamekeiny mʼ öbun me tha inya mʼ öbun hnyi vec, me dokhu, me hok hnyok ûnyi Iesu, oge mwi but hnyi bomene Patamo ien, can hofuc hwan Khong me hna ohnathu Iesu.

Hna Omanenâ 20:4

Ke oge me wâ je theron, me hnyat ödrin e laba hon, ke adre me hna ködrin he ka hnei: ke oge me wâ minya je hanon tavat adre subâ je nyidra can hna ohnathu Iesu, ke can hofuc hwan Khong, ke tavat adre me ca hnyi khudrung ka meno, me at a we e, ke adre me ca hnyi kap haten hon je baridra ke hon je hnyamödra; ke adre me möt, kʼ adre me tha musi me Keriso ke ne o but hnyi je huna a wan thauzan.

Hna Omanenâ 6:9

Ke a hia but khong hna ohmâ haten a thabûnginy, me oge me wâ hnyi hmelen taben hut je hanon tavat adre hlingâ can hofuc hwan Khong, me can hnödra hna ohnatho: