Heberu 13:4 - Iaai Bible 1901 (New Caledonia)

⁴ E so e he tavat hia he ka oûnyihnathoâ hna faipoipo, me hna mokut ae ba hnyikongon: anyin ame he Khong ka ohnaûhangʼ ödra adre me bi ûnyi monu, me tavat adre me venöu âiân ke at.

Heberu 13:4 ပူးပေါင်းရင်းမြစ်များ

Genese 2:21

Ke Iehova Khong ame kunâ mokut hnying ka hnyi hon at, me e ame mokut; me e ame hom but ke jeien hvaken, kʼ ame hlöng hmetu ju hwaban ge utiöiny:

Genese 2:24

Waleling me me he at ka hna kamen me hinyen, me kece ka âiân; kʼ ame he ka khaca thibi unyidru.

II. Je Than 22:14

Me haba Hilekia at bihut, me Ahikama, me Akebora, me Safana me Asaia, ödrin e he kö Huleda perofeta momo, öiö Saluma nöku Tikeva, nöku Hasera, at tuö khaû; (ke haba momo ame laba hnyi Jerusalema hnyi ke keihen a loiny); me ödrin e ûhnenamö me momo.

Jobu 31:12

Anyin a e bi meic ame han ke ne o but Hnaûhango, Me ame he ka oc degecâ hia hanen ik.

Isaia 8:3

Ke oge me he but ka perofeta momo; ke e ame erkin me hnokoâ da. Haba Iehova ame ha könya, ka habe, Hwenyi ien ju Mahera-salala-hasa-baza.

Levitiko 15:18

Ke haba momo ame tha mokut mē hnyi sin, me hamödru he ka soû hia hnyi köiö, me bo kong ke ne o but sahac.

Levitiko 18:20

Ke u me ca he ka tha mokut me âiân ke at, he ka okongu u unyin.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

I. Korinito 5:13

ke Khong ame owisa tavat adre me laba eû hnyöu? Obâ but unyibun at ae kong.

I. Korinito 6:18

Kec dö ûnyi hnyi bi ûnyi monu. Ame ca he ka oaatâ ka hnyi unyin ta je monu ame ânyâ at, ke haba at ame bi ûnyi monu, me ame ka hamen okongoâ unyin bi.

I. Korinito 6:9

Ke ca khanʼ öbun a haba tavat ae ca wisa hwakecidra, me adre me ca he ka hnyi hanen dokhu dokhon Khong? Ca omonu öbun bi: haba tavat adre me bi ûnyi monu, me tavat adre me hmi ka hnatheat, ʼme tavat adre me venöu âiân ke at, me tavat wagelue, me tavat adre me hwen sodoma,

I. Korinito 7:38

Anyin a wale, haba at ame ham nokon hlu he ka faipoipo, e so hnen hna ânyâ; ke haba at ame ca ham bi, e beönua hnen hna ânyâ.

I. Korinito 9:5

Hawa, e ca ûcû köhmun he ka tha he ehe me laöiöhmun a hnyat labageju, helâ me keihen je aposetolo, me je liamekeiny me Than, me Kefa?

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.

Galatia 5:19

Ke e manen dut ta je huliwa anyin unyin, wale, bi ûnyi monu, me hwakecin ae ikiki, me hnyok wagelue,

Galatia 5:21

me behnyok, me ic monu, me imediaköu, me ta je ûnyi helâe: inya oge me haimemenâ köbun ge ta je ûnyi e, helâji me hnok hna haimemenâ ehac, ka habe, haba tavat adre me ânyâ helâe me adre me ca he ka bi hwajeköûdra hnyi dokhu dokhon Khong.

Efeso 5:5

Anyin ae ti khanʼ öbun ang, a haba at ame bi ûnyi monu, ke ikiki hwakecin, ke behnyekon, a at khudrung ka je hnatheat, me ame ca he ka hu hwajekhon hnyi dokhu dokhon Keriso me Khong.

Deuteronomi 22:22

Adre me ne wâ ke at ame tha mokut me momo a âiân ke baga, me ödru me he ka mok, wale baga at ame tha mokut me momo, ke momo minya: helâe u me he ka ohia hulö unyi Isaraela.

I. Thesalonika 4:6

me me ca he ke at ka hanyâûâ, me okongoâ liamekeiny më hnyi ke ûnyi: anyin a Than at ame bi hwaban hnyi ta je ûnyi eling, helâji me hnöhmun hna ha ehac, me hna sihwegi Öbun wia.

I. Timoteo 3:12

E so ka ta je dikona he ka ûsa khaca laöiödra, me muso soâ lakudra, me anyidra je lap.

I. Timoteo 3:2

E ûcû ka pisop he ka ba hnyikongon, me khaca âiân, me at hokhnyok, me at hnyokâ wisa, me at ame ânyâ hwakecin ae so, me at ame betenge ge atkanyua, me at ae khana ûne;

I. Timoteo 3:4

at ame muso soâ anyin lap, ke haba lakon, me ödrin e löng hoton me hnyokâ wisa hia;

I. Timoteo 4:3

adre me thawâ he ka faipoipo, me ca han ke je jeû, wale a op Khong, he ka kap oleâ hnen tavat adre me labageju me wâhmakhmetoâ hnathu.

I. Timoteo 5:14

Anyin a wale inya oge me wek e me he wasafac hmai ka faipaipo, me hnokoâ lakudrin, me tuö hnyabadrin, me me ba can he ka haikongoâ hnen iwahnaihmiony:

Tito 1:6

e ka hu ke at ae ba hnyikongon, a khaca thibi âiân, ke hu lakon ödrin e labageju, kʼ ödrin e ca lung kong hnyi hwakecin khâlânden me ca ûling.

Heberu 12:16

wâ e nye hu ke at bi ûnyi monu, me at thothom baga helâ me Esau, waleji at ame ham hwajekhon atö he ka ûco ûjeû.

Hna Omanenâ 22:15

Eû hnyi hoton ta je kuli, me tavat tren khong, me tavat bi ûnyi monu, me tavat ûhlingö, me tavat adre me hmi ka je hnatheat, me tavat hia adre me weny me mâdrâ thoi.