Heberu 13:20 - Iaai Bible 1901 (New Caledonia)

²⁰ Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Heberu 13:20 ပူးပေါင်းရင်းမြစ်များ

II. Samuela 23:5

Ke ca helâling anyik lap me Khong; Ke so bi e ame ânyâ mönya ûhihinyköu ame ca ba balua, Adre penapena ta je ûnyi hia thithö hnyin, ke hwege: Anyin a melik hia, me wek hia, Ke so bi e ame tiga ca okûâ e.

I. Man Ûlabainy Je Than. 16:17

Me otethmâ e kö Jekob me hnân hna nyibu, Me ûhihinyköu me Isaraela nyiele balua:

II. Man Ûlabainy Je Than. 30:12

Ke e hnyi Juda hnyamen Khong he ka ham ködrin hnyok a khaca, he ka ânyâ hnanyibu anyin than, me je taben, hoton hofuc ho Iehova.

Salamo 23:1

HABA Iehova at ame tuö helâ me at tuö mamoe, ame ca he ka ba ta ûnyi gak.

Salamo 80:1

AT tue mamoe a Isaraela lö, loug ju, At ame su Josefa helâ me hnahat mamoe; At ame laba hon li kerubi, öumumelamâ but.

Esodo 24:8

Ke haba Mose ame hom dra me dukâiâ tavat, me ha, ka habe, Wâ bi dren ûhihinyköu a ânyâ Iehova mʼ öbun hnyi je hofuc hia eang.

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Isaia 55:3

Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.

Isaia 61:8

Anyin a inya Iehova oge me hnyok ka hna owisa, inya oge me hûkotiâ venöu, ke hwakecin ae kong; ke oge me he ka bihwaban kodra hnyi hnathu, kʼ oge me he ka ânyâ mödra ûhihinyköu a nyiele balua.

Isaia 63:11

Me e ame ûnykûme je bong ehac, wale ga Mose me lakeiny, ke haingen, ka habe, E but ua at ame hum ödra ûhedra eû hnyi köiö, tha e me tavat tuö haleny hnahat mamoe? ke e but ua at ame ip hanon ae kap eû hnyi hnyekudra?

Jeremia 32:40

ke oge me he ka ânyâ mödra ûhihinyköu a nyiele balua, a oge me ca he ka hwiö gadra, wale he ka ânyâ kodra so; ke oge me he ka ip eû hnyi hnyekudra he ka ot könya, mʼ adre me ca he ka digic nya.

Ezekiela 34:23

Ke oge me he ka otilâ hudra ke at tuö mamoe e khaca, me e ame he ka ba ödra, a athnyabaik Davita; ke hamen he ka ha ödra; ke e at tuö mamoe kodra.

Ezekiela 37:24

Ke ame he Davita athnyabaik ka bi tuhödra; ke ame he ka khaca at ama tuhödra helâ me hnahat mamoe: kʼ adre me he ka vheno hnok je hna owisa, me tuö anyik je hnanyibu, me ânyâ.

Ezekiela 37:26

Ke oge me he ka ânyâ mʼ ödra ûhihinyköu ûsoköu: me ûhihinyköu a nyiele balua mʼ ödra: me oge me he ka ti ödra, me osehiʼ ödra, me ip unyidra anyik dok ae kap nyiele balua.

Zakaria 9:11

Ke haba u, can dren ûhihinyköu möu, me oge hia but kunâ tavat adre ca gam ûnyi hnyi thop ae ba köien.

Mataio 26:28

anyin a walang drök ûnyi hnyi ûhihinyköu, adre me hingâlâ e hobi kâu tavat ae se hia, me hnân thang ta je hulö.

Mareko 14:24

Ke e ame ha ködrin, ka habe, Walang drök ûnyi hnyi ûhihinyköu, wale adre hingâlâ hobi kâu tavat ae se hia.

Luka 22:20

Ke helâe minya kaia hwaban hna han, ame ha, ka habe, Walang kaia a ûhihinyköu ae teb ûnyi hnyi drök, ame hingâlâ hnân hobi köbun.

Ioane 10:11

Inya ang at ame tuö wia ta je mamoe: haba at ame tuö wia je mamoe, me e ame ham anyin möt hnân singiny ta je mamoe.

Ioane 10:14

Inya ang at ame tuö wia ta je mamoe; ke oge me wâhmakhmetoâ halek ta je mamoe, kʼ ame wâhmakhmetu nya minya hnen halek,

Ta je huliwa 13:30

Ke haba Khong ame omelö hmetu thö e ûheny hnyi hna mok:

Ta je huliwa 17:31

anyin a e ame hia but thu bong he ka ûhnei me owisa hmeledrany hnen at e ame hia but otilâ; ke e ame ohnathoâ e ka tavat hia hnyi hnen hna omelö hmetu thö e ûnyi hnyi hna mok.

Ta je huliwa 2:24

kʼ ame omelö hmetu thö e, me thang ut ta je toiny mok; anyin ae ca khana unyi eling he ka ohmâ e.

Ta je huliwa 2:32

Haba Khong ame omelö hmetu Iesu, ke ohmun hia ang je hnyat ohnatho.

Ta je huliwa 3:15

ke öbun e hlingâ Thaniny möt; wale hnen Khong hna omelö hmetu ûnyi hnyi hna mok; ke ohmun e ohnathoâ ûnyi e.

Ta je huliwa 4:10

wâhmakhmeto ju öbun hia, me tavat Isaraela hia, a hnen iö Iesu Keriso at Nazareta waleji obune osatauroâ, ke Khong ame omelö hmetu thö e ûheny hnyi hna mok, haba ûnyi thibi gan, me ame tot at ang hnyi hnyimaköbun adre osoâ.

Ta je huliwa 5:30

Haba Khongon lakamötâ e ame otilö Iesu, waleji öbun e hlingâ me uhno hnyi ûö.

Roma 1:4

ke adre me haimemenâ e thibi Nokon Khong tha e me man ûnyi ge hanon hwakecin ae kap, hnen nnöt hmetu ûnyi hnyi hna mok; wale Iesu Keriso a Tuhöta,

Roma 10:7

ke, Ie at ame he ka utut ka hnyi dok ae dit? (wale he ka hum Keriso hmetu thö ûheny hnyi hna mok.)

Roma 15:33

E so e unyibun hia thithö Khongon hnahic. Amen.

Roma 16:20

Ke ame ie he Khongon hnahic ka uti Satana hnyi hmelen je li cabun. E so e unyibun ibetengiö baû anyin Tuhöta Iesu Keriso.

Roma 8:11

Ke a ne laba eû hnyi hnyibun Hanon at ame omeli Iesu hmetu ûnyi hnyi hna mok, ame he minya at ame omeli Keriso Iesu ûnyi hnyi hna mok, ka omelö ta je unyibun ae bobot ûnyi ge Hanon, at ame laba eû hnyi hnyibun.

I. Korinito 14:33

anyin a ca ûnyi ge Khong imonumonu, ke so bi hnahic; helâe hnyi ta je ekalesia hia anyin wakap.

I. Korinito 15:15

Eke, ke adre me wâ a ohmun ang hnyat ohmun e ohnathoâ thoiâ Khong; anyin a ohmun e ohnathoâ Khong a gʼ ame omeli Keriso hmetu; waleji e ame ca omeli hmetu, e ka hnathu a gʼ adre me ca omelö hmetu tavat adre mokcu.

I. Korinito 6:14

ke haba Khong ame omelö hmetu thö Than, me e ame he ka omeli öta hmetu ûnyi ge maniny man.

II. Korinito 13:11

Hnyat me lakeiny lö, obiny ju ang, ka habe, e so öbun e hnahic. Wisa ju öbun, ke kahwa ju; tha hnyok ju; ûsoköu ju: me me e unyibun Khongon ibetengiö me hnahic.

II. Korinito 4:14

ke e khanʼ öhmun a haba at ame omelö hmetu Than Iesu, ame he kʼ omeli öhmun hmetu minya me Iesu, me tha omanenʼ öhmun mʼ öbun.

Galatia 1:1

INYA Paulo aposetolo (ca ûnyi ge at, ke ca hnen minya bi at, ke hno Iesu Keriso bi, me Khong a Kamen, waleji a omelö hmetu thö ûheny hnyi hna mok),

Efeso 1:20

waleji a huliwa hnyi Keriso, hnyi hnen hna omelö hmetu thö ûnyi hnyi hna mok, me olaba e hnyi ke keihen a metân ethö hnyi drany,

Filipi 4:9

Ke ânyâ thʼ öbun ta je ûnyi adre n öbun kâu, wale öbun e kap, me long, me wâ ûnyi gak: ke ame he ka e unyibun Khongon ûsoköu.

Kolose 2:12

ke adre me tha konâm më hnyi hna bapataiso, wale adre tha omeli öbun hmetu më ge labageju ka hnyi huliwa anyin Khong, waleji at ame omelö hmetu e ûnyi hnyi hna mok.

I. Thesalonika 1:10

me he ka halubahingen Nokon ûheny hnyi drany, waleji e ame omelö hmetu thö ûheny hnyi hna mok, a Iesu at ame omeli öta ûnyi hnyi hmonyin ame he ka o.

I. Thesalonika 5:23

Ke so ame he Khongon hnahic ka tha okabi öbun; e na tuö ju je hanubun hia thithö, me je hnyekubun, me je unyibun, me me ba hnyikongon, e ka o hmetu Tuhöta Iesu Keriso.

II. Thesalonika. 3:16

Ke so ame he Than, a at ame tren ûsoköu ka ham köbun ûsoköu a e bala bi hnyi ta je hwakecin hia thithö. E so e unyibun hia thithö Than.

Heberu 10:22

e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai:

Heberu 10:29

hawa, öbun e ûnykûme ae ca ûcû bi hwaban ae gan hmâ hon e ka at ame uto hnyikânâi Nokon Khong, me ûnykûme a ûnyi ae ca kap dren ûhihinyköu hnân okabâ e, me okongoâ Hanon ibetengiö baû?

Heberu 9:20

me ha, ka habe, Walang dren ûhihinyköu, waleji a hûna köbun hnen Khong.

I. Peteru 1:21

tavat öbun e labageju ka Khong a deny e, waleji at ame omelö thö e ûnyi hnyi hna mok, me hâm kâu hmanenang; me me he ka e unyin Khong anyibun labageju me geju.

I. Peteru 2:25

Anyin a öbun e he monu ehac helâ me ta je mamoe adre monon gethen; ke walang ang öbun e hmetuhmetu ka At tuö mamoe, me Pisopiny ta je hanubun.

I. Peteru 5:4

Ke e ka manen dut Taben tavat tuö mamoe, me öbun e he ka hu korona ae hmanenang ame ca he ka hia but.