Heberu 13:2 - Iaai Bible 1901 (New Caledonia)

² Ca hnying bi he ka betenge ge ta je atkanyua: anyin a haba keihen, me adre me kap ta je angela helâe, kʼ adre me ca ûnykûme bi.

Heberu 13:2 ပူးပေါင်းရင်းမြစ်များ

Genese 18:1

KE Iehova ame manen dut kâu hnyi sawajo anyi Mamere, kʼ ame laba hnyi hwanumen umen uma mano hnyi jebigö;

Genese 19:1

KE haba li angela ödru me o hnyi Sodoma hnyi sahac; ke Lota ame laba hnyi homagöuleny Sodoma: ke Lota ame ö ʼdru, me e ame tot he ka iouny mödru, ke e ame nom hnyikânâi;

II. Je Than 4:8

Ke haba hnyi ke bong Elisaia ame he Sunema ai, ke wale ke momo ae ûnyi hnathu; ke e ame thawâ e he ka han. Ke haba hnyi je ûen e ame vheno gethen, e ame labö saû kâe he ka han.

Jobu 31:19

Oge ne hia but wâ at ame he ka mok anyin ae ba ûkhaû, Me at ae theduoc anyin ae ba hnân khavâ e;

Jobu 31:32

Haba atkanyua ame ca mokut hnyi gethen; Ke oge me khong je hwanumök ka at ame he;

Isaia 58:7

Hawa, ca e bi minya, he ka khenâ âm je jeû ka at ae mekihnânem, ke u me he ka hom tavat ae theduoc adre me obâ but ka hnyi hnyabam? ke u ka wâ at ame he thu mʼ u me he ka okhavâ e; ke u me ca he bi ka lubaduöng ge je liamekeiny möu.

Levitiko 19:34

Ame he aten ke hnyei ka laba unyibun helâ me aten ibun hnyei, ke u me he ka betenge gan helâ me u bi; anyin a je atkanyua öbun hnyi hnyei Aigupito: Inya Iehova Khongubun.

Mataio 25:35

anyin a oge mekihnânem, mʼ öbun e ha ök: oge me beic, mʼ öbun e habelik: iny atkanyua, mʼ öbun e hawo nya:

Mataio 25:40

Me ame he Than ka thu ködrin, ka habe, E hnathu inya oge me ha köbun, habaji ge hnobun hna ânyâ ka ke at gadra ae ûhnyûkong hmonyin a je liamekeiny mönya, me öbun e ânyâ ling könya.

Mataio 25:43

iny atkanyua, kʼ öbun e ca hawo nya; oge me he thu, kʼ öbun e ca okhaûo nya; oge me mok, ke oge me laba hnyi uma ceat, kʼ öbun e ca senö nya.

Ta je huliwa 16:15

Ke adre hia but bapataisoâ e me anyin lap, me e ame hawʼ ohmun, ka habe, Öbun ka ûnykûme a inya oge me labageju ka Than, me ai öbun ka hnyi umök uma, ka laba. Me e ame thawʼ ohmun.

Roma 12:13

haomjehen ju tavat ae kap hnyi hnödra hna theduoc; khenen ju he ka imetenyimwi me ta je atkanyua.

Roma 16:23

Ame italofa möbun Gaio, wale oge me laba unyin, me ekalesia hia. Ame italofa möbun Eraseto at ame tuö omjehen taun, me Karato a ke liamekeiny.

I. Timoteo 3:2

E ûcû ka pisop he ka ba hnyikongon, me khaca âiân, me at hokhnyok, me at hnyokâ wisa, me at ame ânyâ hwakecin ae so, me at ame betenge ge atkanyua, me at ae khana ûne;

I. Timoteo 5:10

ke momo adre me haisoâ hnyi ta je huliwa ae so; ka habe, ame hia but hat lakon, me betenge ge ta je atkanyua, me osûâ je li can wakap, me hadruâ tavat adre me vec, me ânyâ bala ta je huliwa hia ae so.

Tito 1:8

ke so bi at ame betenge ka ta je atkanyua, at ame hnyokâ ûnyi ae so, at ame hnyokâ wisa, kʼ ame owisa wisa, at ae kap, kʼ ame ka hom ûhnyûkongo e bi;

I. Peteru 4:9

Imetenyimwi ju ke at ka ke at, ke ca ulidro bi;

III. Ioane 1:5

Oûnykûmik lö, u me ânyâ huliwa ae hnathu hnyi hnâm hna ânyâ hia ka je hnyat me lakeiny, me ta je atkanyua minya: