Heberu 12:16 - Iaai Bible 1901 (New Caledonia)

¹⁶ wâ e nye hu ke at bi ûnyi monu, me at thothom baga helâ me Esau, waleji at ame ham hwajekhon atö he ka ûco ûjeû.

Heberu 12:16 ပူးပေါင်းရင်းမြစ်များ

Genese 27:36

Ke haingen, ka habe, Hawa, e ca ûcû hnödra hna hwenyi ien me Jekob? anyin a olo but obö nya: e ame bân ka hûgûnâ anyik atö; ke wâ bi, walang ang a hia but hûgûnâ hnahicik. Me e ame ha, ka habe, Hawa, e ba ke hnahic u je ip hobi könya minya?

Mareko 7:21

Anyin a ûheny hnyin, wale ûheny hnyi hnyekon tavat, ame didrut je hna ûnykûme ae kong, me bi ûnyi monu,

Ta je huliwa 15:20

ke so otin e he ka sihnalimen ködra he ka ûsâkâûö me ta je ûnyi ae ikiki anyin je hnatheat, ke bi ûnyi monu, ke je meno adre me noc nyin, ke dra.

Ta je huliwa 15:29

ca kâlâ je meno adre me hudo ka je hnatheat, me dra, me ta je meno adre me noc nyin, ke ca bi ûnyi monu; öbun e ne ûsâkâûö me ta je ûnyi e, me öbun e so but. Otin iouny dö.

I. Korinito 10:8

Ke ca he minya öta ka bi ûnyi monu, helâ me keihen gadra ame ânyâ, me ame mokcu twente theri thauzan hnyi bong a khaca.

II. Korinito 12:21

wâ e nye he Khonguk ka ohnyikönö nya unyibun, hukâ o hmetu, me oge me he ka tengiâ tavat ae se hia, a tavat adre me mâdrâ hulo, kʼ adre ca ietra hwakecidrin ae ikiki, ke bi ûnyi monu, ke wagelue adre me ânyâ.

Efeso 5:3

Ke haba bi ûnyi monu, ke ta je hwakecin hia ae ikiki, ke behnyekon, me ca he hmetu bi ka ha unyibun, anyin ae ca ûcû ka wakap;

Efeso 5:5

Anyin ae ti khanʼ öbun ang, a haba at ame bi ûnyi monu, ke ikiki hwakecin, ke behnyekon, a at khudrung ka je hnatheat, me ame ca he ka hu hwajekhon hnyi dokhu dokhon Keriso me Khong.

Kolose 3:5

Anyin a wale hlingâ ju öbun je ong outhunyibun eang hmeledrany; wale a bi ûnyi monu, me hwakecin ae ikiki, me hnyok wagelue, me weny ae kong, me behnyekon, a wale hmi ka hnatheat;

I. Timoteo 1:9

wale he ka wâhmakhmeto a gʼ adre ca otilâ hnanyibu hobi kâu at ae wisa, ke hobi kodra bi adre me hanyâûâ hnanyibu me ca ûling, me ca ot, kʼ adre ânyâ monu, ke kong hwakecidra, ke thothom baga, ödra tavat hlingâ lakamödra, ke tavat adre me hlingâ lahinyödra, ke tavat ûhlingö,

Heberu 13:4

E so e he tavat hia he ka oûnyihnathoâ hna faipoipo, me hna mokut ae ba hnyikongon: anyin ame he Khong ka ohnaûhangʼ ödra adre me bi ûnyi monu, me tavat adre me venöu âiân ke at.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.

Hna Omanenâ 22:15

Eû hnyi hoton ta je kuli, me tavat tren khong, me tavat bi ûnyi monu, me tavat ûhlingö, me tavat adre me hmi ka je hnatheat, me tavat hia adre me weny me mâdrâ thoi.