Heberu 11:6 - Iaai Bible 1901 (New Caledonia)

⁶ ke a ne ba labageju, me pason he ka osenyinâ e: anyin a haba at ame hakekenyâ Khong, me hamen he ka labageju, ka habe, ka e bi, ke e ame he ka bi hwaban ka tavat adre me elâm hwegiâ e.

Heberu 11:6 ပူးပေါင်းရင်းမြစ်များ

Genese 15:1

HWABAN ta je ûnyi e ame o thö hofuc ho Iehova kö Aberama hnyi hna omanenâ, haingen, ka habe, Aberama lö, ca ot: inya ang becâm, me troban hobi köu ae ti gan hmâ.

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

Jobu 21:14

Ke so bi ödrin e ha ka Khong, ka habe, Ûsâkâûö but möhmun; E ca bewehmun he ka khana dem je gethen.

Salamo 106:24

Eke, adre me hmiödra hnyei ae hmanenang, Kʼ adre me ca kap bi hwan hofuc:

Salamo 119:10

Oge me hia but elöm u ge hnyekuk ae bekhot: Ö u ca hnö nya but he ka he monu ûnyi hnyi ânyâm ta je hnanyibu.

Salamo 58:11

Me me be bi tavat ka ha, ka habe, E hnathu e hu troban hobi kâu at ae wisa: E hnathu e hu Khong at ame owisa eang hmeledrany.

Salamo 73:28

Ke haba inya, e so könya he ka hakekeny ka Khong: Oge me hia but wia Than Iehova me me hnok hna lubaduöng, Mʼ oge me he ka omanenâ ânyâm ta je huliwa hia thithö.

Salamo 78:22

Anyin adre me ca labageju ka Khong, Me gejon anyin ûhomeli.

Salamo 78:32

Ke so bi adre me tiga ânyâ hulo, Kʼ adre ca labageju bi hnyi anyin ta je huliwa hnân lâiâ.

Ta je Vejec 11:18

Ame bi huliwa iyawo hnen at ae kong: Ke haba at ame ta hwakecin ae wisa me hu hwaban ae hnathu.

Ta je Vejec 8:17

Inya oge me betenge gadra adre me hnyok könya; Kʼ adre me he ka ō nya tavat adre me elâm hwegiö nya.

Isaia 55:3

Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.

Isaia 7:9

Ke Samaria ban ka Eferaima, ke nöku Remalia ban ka Samaria. Öbun e ne ca labageju, e hnathu öbun e ca he ka tethmâ.

Jeremia 2:31

Do lö, wâ ju hofuc ho Iehova. Hawa, oge hia but helâ me hnyebuba ka at Isaraela? ame ne hnyei ae khömet? anyin a ieû ame ha lakeik, ka habe, Ohmun e monu, ohmun e ca he hmetu köu?

Numera 14:11

Ke Iehova ame ha kö Mose, ka habe, Ame he tavat eang ka hûkötiö nya ke ne o but kehö? adre me ca he ka labageju könya ke ne o but kehö, ge ta je ûöman hia waleji oge ânyâ unyidra?

Numera 20:12

Ke Iehova ame ha kö Mose me Arona, ka habe, Anyin a öbu me ca labageju könya he ka okabi nya hnyi hnyimakan lakon Isaraela, awe, öbu me ca he ka hom ûkhacaköu eang ka hnyi hnyei oge hia but ham ködra.

Mataio 11:26

eke, Cica lö, anyin ae ûcû e hnyi hnyimâkâm.

Mataio 5:12

Senyin dʼ öbun me hobâ: anyin ae gan hmâ hwaböbun ethö hnyi drany; anyin a helâe adre me ovecâ ta je perofeta a bân.

Mataio 6:16

Ke haba khaca, öbun ka he ka ânyâ ca han, ca helâ bi me man tavat thoi hnyok ae hmak hnyimakodra: anyin adre me okongoâ je hnyimakodra me me manen dut ka tavat a adre me ca han. E hnathu inya oge me ba köbun, ka habe, Adre hia but kap hwabödra.

Mataio 6:33

Ke böbun he ka elâm dokhon dökhu, me hwakecin ae wisa; ke adre me he minya ka ham köbun ta je ûnyi e.

Mataio 6:5

Ke öbun ka he ka hic, e so öbun e ca helâ me tavat thoi hnyok: anyin e senem kodra he ka tot me hic hnyi ta je sunago me vheden ta je gethen, me me haisoi ödra hnen tavat. E hnathu inya oge me ha köbun, adre hia but kap hwabödra.

Mareko 16:17

Ke walang je haten ame he ka tha he me tavat labageju: adre me he ka obâ ta je demoni ge iök; adre me he ka fuc hnyi ke je hwen;

Luka 12:31

Ke so bi elâm bi thʼ öbun dokhon dokhu, ke adre me he ka ham minya köbun ta je ûnyi e.

Luka 6:35

Ke betenge ju ge je iwahnaihmiony möbun, me mâdrâ thö so, me mē ham, ke ca ûnykûme bi; ke ame he ka gan hmâ hwaban köbun, ke öbun e he ka je lakon Beönua: anyin a e menyik kodra hia adre me ca ole bi, me tavat minya ae kong.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 8:24

Anyin a wale, oge me ha köbun, ka habe, Öbun e he ka mekiny anyibun ta je hulö: anyin a öbun e ne ca labageju, ka habe, Inya e, me öbun e be ka mekiny anyibun ta je hulö.

Roma 10:14

Ke adre me he ka kâmâu ka hawâ e, kʼ adre me ca labageju kâu? ke adre me he ka kâmâu ka labageju kâu, kʼ adre me ca löng? ke adre me he ka kâmâu ka long, ke ba at ame khetâ?

Galatia 5:6

Anyin ae ca ûnyi hnathu bi ka Keriso peritom, me ca peritom; ke so bi labageju, at ame huliwa hnyi ibetengiö.

Heberu 11:26

ke e ame ûnykûme a hing omjeû hnödra hna haikongoâ e can Keriso, hon ta je omjeûiny Aigupito: anyin a e ame wâ hmâ hing hwaban.

Heberu 3:12

Öbun âu hnyat me lakeiny lö, wâ e nye hu eû hnyin ke at gabun hnyok ae kong me ca labageju, ame oûsâkâûʼ öbun me Khong ae möt:

Heberu 4:2

Anyin adre hia but khetâ köta je ûthumetu ae so helâ mʼ ödra: ke ba troban kodra hofuc adre me löng, anyin adre me ca ûhûjâköu ödra hnen labageju me tavat adre me löng.

Heberu 4:6

Anyin a wale, adre ip bala bi a gʼ ame he keihen ka dit ka hnyin, ke haba hnyat adre bödra ka khetâ ûthumetu ae so kodra adre me ca dit can anyidra ca labageju,

Heberu 7:19

(anyin ae ba ke ûnyi ame obekhotâ hnen hnanyibu), mʼ adre me oâ gejon ae beönua, wale deny mʼ ate me hakekeny ka Khong.

Heberu 7:25

Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

II. Peteru 1:10

Anyin a wale, hnyat me lakeiny lö, hwege thʼ öbun he ka ohwâdâ hna hawʼ öbun, ke hna ûcʼ öbun: anyin a öbun e ne ânyâ balua ta je ûnyi e me öbun e ca he balua ka thö:

II. Peteru 1:5

Eke, can thibi e, e so öbun e he ka ti hwege hnyi je huliwa hia, me bi hanen hnyok ae so ka hnyi anyibun labageju; me bi hanen metâ ka hnyi hnyok ae so;

II. Peteru 3:14

Anyin a wale, hnyat a oûnykûmik lö, haba öbun tavat öbun e halubahingen ta je ûnyi e, hwege thö, mʼ adre me ö ʼbun dö hnyi ûsoköu ae ba hnyikongon me hnân haikongu öbun hnyi hnyimakan.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.

Rutha 2:12

E so Iehova ame bi hwaban ânyâm huliwa, me e so ame he Iehova Khongu Isaraela he ka ti bi hwaban köu, wale at a u je he jem he ka laba hmelen li labenyin.